1 Samuwɛ́li 5:7 - MAWUXÓWÉMA

⁷ Ée nǔ cí mɔ̌ ɔ́, Acidɔ́dinu lɛ́ɛ ɖɔ: “Akɔjijɛgbá Mawu Izlayɛ́li tɔn ɔ́ tɔn ná nɔ gɔ̌n mǐtɔn ǎ, ɖó alɔ Mawu tɔn ɖo mǐ wú jɛ wɛ, bó jɛ vodún mǐtɔn Dagɔ́ni wú.”

1 Samuwɛ́li 5:7 Iomraidhean Croise

2 Samuwɛ́li 6:9

Gbe énɛ́ gbe ɔ́, xɛsi ɖi Davídi dó Mawu Mavɔmavɔ wú, bɔ é ɖɔ: “Un sixú yí gbe bɔ akɔjijɛgbá Mawu Mavɔmavɔ tɔn ná byɔ́ toxo ce mɛ ǎ.”

1 Tan 15:13

Azɔn nukɔntɔn e mǐ zě ɔ́, mi ɖo tɛn tɔn mɛ ǎ; énɛ́ ɔ́ wú wɛ Mawu Mavɔmavɔ, Mawu mǐtɔn dɔn tó nú mǐ, ɖó mǐ zé lě e sɛ́n ɔ́ zɔ́n gbɔn ɔ́ ǎ.”

Tíntɔ́n 10:7

Bɔ gǎn hɔn-yitɔ́ lɛ́ɛ kanbyɔ́ axɔ́sú ɔ́ ɖɔ: “Káká jɛ hwetɛ́nu wɛ nya élɔ́ ná ɖó mɔ nú mǐ yi jɛ? Jǒ mɛ lɛ́ɛ dó nú yě ní yi sɛn Mawu Mavɔmavɔ, Mawu yětɔn. A mɔ ɖɔ Ejípu to ɔ́ ɖo kún sú dó wɛ a cé?”

Tíntɔ́n 12:33

Ée axɔ́sú ɔ́ ɖɔ mɔ̌ ɔ́, Ejípunu lɛ́ɛ jɛ cɔcɔ dó nú Izlayɛ́li ví lɛ́ɛ jí ɖɔ yě ní yá wǔ gosín to émítɔn mɛ, ɖó yě mɔ ɖɔ émí mɛ bǐ wɛ ɖo nǎ kú wɛ.

Tíntɔ́n 8:28

Nǔ énɛ́ ɔ́ jɛ có, axɔ́sú ɔ́ lɛ́ tlí tó; é jó togun ɔ́ dó bɔ é yi ǎ.

Tíntɔ́n 8:8

Énɛ́ ɔ́ gúdo ɔ́, Mɔyízi kpó Aalɔ́ɔn kpó tɔ́n sín axɔ́sú ɔ́ xwé. Bɔ Mɔyízi sa vo nú Mawu Mavɔmavɔ ɖɔ é ní hwlɛ́n axɔ́sú ɔ́ ɖo běsé e é sɛ́ dó lɛ́ɛ sí.

Tíntɔ́n 9:28

Mi sa vo nú Mawu Mavɔmavɔ, bónú é ma sɔ́ dó gbe ɖě ó, kɛ́njí ní má sɔ́ ja ɖě ó. Énɛ́ ɔ́, un ná jó mi dó, bɔ mi ná yi; è sɔ́ ná hɛn mi ɖó te ɖě ǎ.”

Jelemíi 46:25

Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ: “Un ná wa nǔ xá Amɔ́ni vodún Tɛ́bu ɔ́, un ná wa nǔ xá Ejípu to ɔ́, bó wa nǔ xá vodún tɔn lɛ́ɛ kpódó axɔ́sú tɔn lɛ́ɛ kpó. Un ná wa nǔ xá Ejípu xɔ́sú ɔ́ kpódó mɛ e nɔ gán jɛ wǔ tɔn lɛ́ɛ kpó.

Jelemíi 48:7

Mɔwabu, a ɖeji dó nǔ e a wa lɛ́ɛ kpó dɔkun towe lɛ́ɛ kpó wú. Énɛ́! Alɔ nɛ́ jɛ hwi lɔ wú nɛ́! Vodún Kemɔci ɖésú ɔ́, è kplá é kpódó hunnɔ tɔn lɛ́ɛ kpó hunví tɔn nukúnɖéjí lɛ́ɛ kpó bǐ yi kannumɔgbénu.

1 Samuwɛ́li 4:8

Étɛ́ ɖíe ká gbo mǐ e! Mɛ̌ ká ná hwlɛ́n mǐ gán ɖo nǔmɛsɛn hlɔ̌nhlɔ́nnɔ énɛ́ ɔ́ sí din. Nǔmɛsɛn énɛ́ ɔ́ wɛ dó nǔ tɛnmɛ tɛnmɛ sin xá Ejípunu lɛ́ɛ ɖo gbětótló mɛ.

1 Samuwɛ́li 5:6

Alɔ Mawu Mavɔmavɔ tɔn jɛ Acidɔ́dinu lɛ́ɛ wú, bɔ yě byɔ́ aluwɛ mɛ. Mawu dó yonutúntún Acidɔ́di toxo ɔ́, bɔ azɔn énɛ́ kpé Acidɔ́di yíkúngban ɔ́ bǐ jí.

1 Samuwɛ́li 5:8

Yě dó wɛn sɛ́ dó gǎn e kpa acɛ dó Filisitɛ́ɛn lɛ́ɛ nu lɛ́ɛ bǐ, ɖɔ yě ní wá, bɔ yě wá, bɔ yě kanbyɔ́ yě ɖɔ: “Nɛ̌ mǐ ka ná wa akɔjijɛgbá Mawu Izlayɛ́li tɔn ɔ́ tɔn sín nǔ gbɔn?” Gǎn lɛ́ɛ ká yí gbe nú yě ɖɔ: “È nǐ sɔ́ Mawu Izlayɛ́li tɔn ɔ́ sín akɔjijɛgbá yi ɖó Gati .” Bɔ è sɔ́ akɔjijɛgbá Mawu Izlayɛ́li tɔn ɔ́ tɔn yi ɖó dɔ̌n nǔgbó.

1 Samuwɛ́li 6:20

Bɛti-Cɛmɛ́cinu lɛ́ɛ ɖɔ: “Mɛ ɖěbǔ sixú nɔ te ɖo Mawu Mavɔmavɔ, Mawu mímɛ́ énɛ́ ɔ́ nukɔn ǎ. Fítɛ́ mǐ ká ná zé akɔjijɛgbá tɔn yi ɖó din, bɔ é ná nɔ zɔ nú mǐ?”