1 Samuwɛ́li 5:6 - MAWUXÓWÉMA

⁶ Alɔ Mawu Mavɔmavɔ tɔn jɛ Acidɔ́dinu lɛ́ɛ wú, bɔ yě byɔ́ aluwɛ mɛ. Mawu dó yonutúntún Acidɔ́di toxo ɔ́, bɔ azɔn énɛ́ kpé Acidɔ́di yíkúngban ɔ́ bǐ jí.

1 Samuwɛ́li 5:6 Iomraidhean Croise

Bǐbɛ́mɛ 41:31

Adɔ énɛ́ e ná tɔ́n ɔ́ ná syɛ́n káká bɔ mɛɖé sɔ́ ná tunwun ɖɔ nǔɖuɖu kó tíin, bó túnflá ɖo to ɔ́ mɛ kpɔ́n ǎ.

Jɔ̌bu 31:3

Nǔgbó ɔ́, mɛdídá lɛ́ɛ ɔ́, adǎn wɛ nɔ gbo yě, nǔnyanyawatɔ́ lɛ́ɛ ɔ́, nǔ wɛ nɔ́ xá yě.

Ɖɛhan 145:20

Mawu Mavɔmavɔ nɔ hɛn mɛ e yí wǎn n'i lɛ́ɛ bǐ, bó nɔ́ vívá mɛdídá lɛ́ɛ bǐ sín kún.

Ɖɛhan 147:6

Mawu Mavɔmavɔ nɔ dó alɔ mɛ e nɔ sɔ́ yěɖée hwe lɛ́ɛ bɔ yě nɔ́ sí te, bó ká nɔ́ sɔ́ mɛdídá lɛ́ɛ hwe káká bɔ yě nɔ́ j'ayǐ.

Ɖɛhan 32:4

Đó Mawu Mavɔmavɔ, zǎn kpó kéze kpó ɔ́, a nɔ ɖo nǔ dó sin xá mì wɛ, káká bɔ un xú dó te atín e alǔun hɛn ɔ́ ɖɔhun. Agbɔ̌n

Ɖɛhan 78:66

Alɔ tɔn jɛ kɛntɔ́ tɔn e ɖo hinhɔn wɛ lɛ́ɛ wú, é dó hɛ̌n mavɔ mavɔ ɖé yě.

Tíntɔ́n 9:3

Mawu Mavɔmavɔ ná wa nǔ xá kanlin towe e ɖo amagbo mɛ lɛ́ɛ, azɔn nyanya ɖé ná byɔ́ sɔ́ towe lɛ́ɛ, tócí towe lɛ́ɛ, lǎkúnmí towe lɛ́ɛ, nyibú towe lɛ́ɛ kpódó lɛ̌ngbɔ́ towe lɛ́ɛ kpó mɛ, bɔ yě ná kú kpɔ́ gěgé.

Mɛsɛ́dó 13:11

Din ɔ́, ɖǒtó! Aklúnɔ ná dɔn tó nú we; a nǎ va nukún, bó ná gɔn hwesivɔ́ mɔ káká yi jɛ hwe ɖé nu.” Tlóló tɛn tɔn mɛ ɔ́, Elimasi va nukún, bó jɛ avi dlá jí, lobo ɖo mɛ e ná kplá ɛ ɔ́ ba wɛ.

Sɛ́nflínmɛ 28:27

Mawu Mavɔmavɔ ná sɛ́ nǔtitɛ e é sɛ́ dó Ejípunu lɛ́ɛ ɔ́ dó mi, bó ná sɛ́ yonutúntún dó mi, bó ná sɛ́ cíɖɔ́ kpó akli kpó dó mi, bɔ ɖě ká ná gbɔ gbeɖé ǎ.

1 Samuwɛ́li 5:11

Bɔ yě ylɔ́ gǎn e kpa acɛ dó Filisitɛ́ɛn lɛ́ɛ nu lɛ́ɛ bǐ kplé bó ɖɔ: “Mi lɛ́ kɔ nú Mawu Izlayɛ́li tɔn sín akɔjijɛgbá ɔ́ sɛ́ dó Izlayɛ́li, bónú é yi nɔ tɛn tɔn mɛ, bó má wá hu mǐ kpó togun mǐtɔn kpó ó. Đó xɛsi ɖaxó ɖé ɖo to ɔ́ bǐ jí.” Mawu sín alɔ ɖo yě wú jɛ wɛ mɔ̌hunkɔtɔn.

1 Samuwɛ́li 5:7

Ée nǔ cí mɔ̌ ɔ́, Acidɔ́dinu lɛ́ɛ ɖɔ: “Akɔjijɛgbá Mawu Izlayɛ́li tɔn ɔ́ tɔn ná nɔ gɔ̌n mǐtɔn ǎ, ɖó alɔ Mawu tɔn ɖo mǐ wú jɛ wɛ, bó jɛ vodún mǐtɔn Dagɔ́ni wú.”

1 Samuwɛ́li 5:9

Ée è ká sɔ́ yi Gati ɔ́, Mawu Mavɔmavɔ sín alɔ jɛ toxo ɔ́ wú, bɔ ahwi ɖaxó ɖé xo to ɔ́ bǐ. Mawu Mavɔmavɔ sín alɔ jɛ yě bǐ wú, bɛ́ sín yɔkpɔ́vú lɛ́ɛ jí káká yi mɛxó lɛ́ɛ jí: Nǔ tɛ mɛ e ɖo to ɔ́ mɛ é bǐ,