1 Samuwɛ́li 5:3 - MAWUXÓWÉMA

³ Ayǐhɔ́ngbe tɔn zǎnzǎn tɛɛn ɔ́, Acidɔ́dinu lɛ́ɛ fɔ́n bó wá mɔ Dagɔ́ni ɔ́ ɖo agbɔ̌nnusúxwedo ɖo akɔjijɛgbá Mawu Mavɔmavɔ tɔn sá mɛ. Ée yě mɔ mɔ̌ ɔ́, yě fɔ́n Dagɔ́ni xwete, bó lɛ́ sɔ́ ɛ ɖó tɛn tɔn mɛ.

1 Samuwɛ́li 5:3 Iomraidhean Croise

1 Axɔ́sú 18:26

Ée é ɖɔ mɔ̌ ɔ́, yě zě nyibúsú e è zě wá lɛ́ɛ ɖokpó, bó wa azɔ̌ tɔn, bó jɛ vodún Baalu xomlá jí sín zǎnzǎn káká yi hwemɛ, bó nɔ ɖɔ: “Baalu, yǐ gbe nú mǐ.” Yě ɖo we ɖú lɛ́ lɛ̌ dó vɔ̌sákpe e yě bló ɔ́ wɛ. Lo ɔ́, mɛɖé kɛ nu d'é mɛ nú yě ǎ.

Ɖɛhan 115:7

Yě ɖó alɔ, yě ká nɔ́ sixú ɖó alɔ nǔɖé wú ǎ. Yě ɖó afɔ, yě ká nɔ́ sixú ɖi zɔnlin ǎ. Xó ɖé nɔ́ tɔ́n sín vɛ̌gokan yětɔn mɛ ǎ.

Ɖɛhan 97:7

Yě mɛ e nɔ ɖo bǒcyɔ sɛn wɛ lɛ́ɛ bǐ wɛ ná ɖu winnyá; yě mɛ e nǔ ma nyí nǔɖé sinsɛn nyí nǔgɛ́n bɔ yě wa lɛ́ɛ bǐ wɛ ná ɖu winnyá, ɖó nǔmɛsɛn lɛ́ɛ bǐ wɛ nɔ yi do ɖo Mawu Mavɔmavɔ nukɔn.

Tíntɔ́n 12:12

“Zǎn énɛ́ ɔ́ mɛ ɔ́, un ná gbɔn Ejípu to ɔ́ mɛ, bó ná hu nukɔngbéví súnnu e ɖo to ɔ́ mɛ lɛ́ɛ bǐ, un ná hu gbɛtɔ́ kpó kanlin kpó sín nukɔngbéví bǐ. Un ná ɖó hwɛ nú vodún e ɖo Ejípu lɛ́ɛ bǐ. Nyɛ wɛ nyí Mawu Mavɔmavɔ.

Ezayíi 19:1

Xó e Mawu ɖɔ dó Ejípu jí é ɖíe: Mawu Mavɔmavɔ ɖíe zɔn akpɔ́kpɔ́ ɖé jí ja Ejípu e! Akpɔ́kpɔ́ e jí é ɖe é ɖo wezun jí. Vodún Ejípu tɔn lɛ́ɛ ɖo sísɔ́sísɔ́ wɛ ɖo nukɔn tɔn, bɔ awakanmɛ kú Ejípunu lɛ́ɛ bǐ.

Ezayíi 40:20

Mɛ e nyí wamamɔnɔ, bó ma sixú zán kwɛ́ sɔ mɔ̌ ǎ ɔ́, é nɔ́ ba atín e ma nɔ jɛ wɔvli ǎ é. Énɛ́ ɔ́ gúdo ɔ́, é nɔ́ ba alɔlyɛ́nzɔ́watɔ́ ɖagbe ɖokpó; alɔlyɛ́nzɔ́watɔ́ e ná sixú bló bǒcyɔ e má ná xo to ǎ é.

Ezayíi 41:7

Alɔlyɛ́nzɔ́watɔ́ nɔ́ ná akɔ́nkpinkpan nǔtuntɔ́; mɛ e nɔ tɛ́ gan ɔ́ nɔ́ ná akɔ́nkpinkpan mɛ e ɖo wan ɔ́ jí é. Yě nɔ́ ɖɔ: ‘Lě e è cá gan ɔ́ gbɔn é nyɔ́.’ Énɛ́ ɔ́ gúdo ɔ́, yě nɔ́ sɔ́ hǔnjɛ́n dó hɛn bǒcyɔ ɔ́ ɖó te.”

Ezayíi 46:7

Énɛ́ ɔ́, yě nɔ́ ɖíɖá nǔmɛsɛn yětɔn ɖó abɔ̌ta, bó nɔ́ sɔ́ yi ɖó tɛn tɔn mɛ, bɔ é nɔ́ nɔ fínɛ́, é sɔ́ ná sɛ tɛn gbeɖé ǎ. È ylɔ̌ ɛ ɔ́, é nɔ́ kɛ nu ǎ; adǎn ká ná gbo mɛ ɖé bɔ é ná hwlɛ́n ɛ gán ǎ.”

Jelemíi 10:8

Yě bǐ wɛ jɔ xlo, bó jɔ yɛyi. Vodún sinsɛn ɔ́, nǔ yǎyá kpowun wɛ.

Sofoníi 2:11

Mawu Mavɔmavɔ ná ɖó adohu nú yě, ɖó é ná sɔ́ vodún e ɖo ayǐkúngban jí lɛ́ɛ bǐ dó húzú nǔ yǎyá. Énɛ́ ɔ́, akɔta e ɖo fí má yá fí lɛ́ɛ bǐ ná nɔ sɛn ɛ. Akɔta lɛ́ɛ ɖokpó ɖokpó ná nɔ sɛn ɛ ɖo ayǐkúngban yětɔn yětɔn jí.

Maki 3:11

Yɛ nyanya lɛ́ɛ mɔ ɛ hweɖěbǔnu ɔ́, yě nɔ́ ɖe kɔ́ n'i, bó nɔ́ sú xó ɖɔ: “Mawu ví wɛ a nyǐ!”

1 Samuwɛ́li 6:1

Akɔjijɛgbá Mawu Mavɔmavɔ tɔn ɔ́, sun tɛ́nwe wɛ é nɔ Filisitɛ́ɛn lɛ́ɛ gɔ́n xɔ.

1 Samuwɛ́li 6:5

Mi ná sɔ́ siká dó bló yonutúntún e ɖo mi wú é sín akpajlɛ́ ná, bó ná lɛ́ sɔ́ siká dó bló ajaka e ɖo nǔkún mitɔn lɛ́ɛ hɛn gblé wɛ é sin akpajlɛ́ ná, bó ná susu Mawu Izlayɛ́li tɔn. Énɛ́ ɔ́, é sixú kú nǔbláwǔ mitɔn, bó ná gɔn tó dɔn nú mi, bó ná gɔn tó dɔn nú vodún mitɔn lɛ́ɛ, bó ná gɔn tó dɔn nú to mitɔn.