1 Samuwɛ́li 5:1 - MAWUXÓWÉMA

¹ Filisitɛ́ɛn lɛ́ɛ yí akɔjijɛgbá Mawu tɔn ɔ́, bó sɔ́ sín Evɛ́ni-Ezɛ́ɛ yi Acidɔ́di.

1 Samuwɛ́li 5:1 Iomraidhean Croise

Ɖɛhan 78:61

Akɔjijɛgbá e nyí hlɔ̌nhlɔ́n tɔn sín wuntun ɔ́, yě jó dó bɔ kɛntɔ́ lɛ́ɛ sɔ́yi. É jó susu tɔn dó nyi kɛntɔ́ lɛ́ɛ sín alɔ mɛ.

Ezayíi 20:1

Axɔ́sú Asilíi tɔn Saagɔ́ɔn ná gbe ahwangán tɔn ɖaxó e kpa acɛ dó ahwangɔnu Asilíi tɔn nu é, bɔ é yi tɔ́n ahwan Acidɔ́di toxo ɔ́ bó ɖu ɖ'é jí.

Amɔ́si 3:9

Mi zé gbe yi jǐ bó ɖɔ ɖo Acidɔ́di kpó Ejípu kpó sín hɔn lɛ́ɛ mɛ ɖɔ: “Mi sɛ miɖée kplé ɖo Samalíi sín só ɔ́ ta, bó ná kpɔ́n nǔ hannyahannya wiwa e ɖo fínɛ́ lɛ́ɛ kpó dǎnúwiwa e ɖo fínɛ́ lɛ́ɛ kpó.”

Mɛsɛ́dó 8:40

Filípu ɔ́ ka wá mɔ éɖée ɖo to e è nɔ ylɔ́ ɖɔ Azɔtɔ́si ɔ́ mɛ, bó wlí ali, bó nɔ́ ɖo Wɛn Ɖagbe ɔ́ jlá wɛ gbɔn to lɛ́ɛ mɛ to lɛ́ɛ mɛ, káká yi jɛ Sezalée.

Jozuwée 11:22

Anáki ví ɖé sɔ́ kpo ɖo Izlayɛ́li ǎ. Gaza kpódó Gati kpó, kpódó Acidɔ́di kpó kɛ́ɖɛ́ wɛ yě mɛ kwín we ɖé kpo ɖe.

Jozuwée 13:3

To énɛ́ ɔ́ bɛ́ sín Cixɔ́ɔ tɔ ɔ́ kɔn ɖo Ejípu dogbó ɔ́ kɔn ɖo afɔligbé, káká yi Eklɔ́ni dogbó ɔ́ kɔn ɖo taligbé. Ayǐkúngban énɛ́ ɔ́, Kanáanu lɛ́ɛ tɔn wɛ, bɔ gǎn Filisitɛ́ɛn lɛ́ɛ tɔn atɔ́ɔ́n kpó Awanu lɛ́ɛ kpó ka klá jɛ nu. Gǎn énɛ́ lɛ́ɛ nɔ́ nɔ Gaza, Acidɔ́di, Acikelɔ́ni, Gati kpó Eklɔ́ni kpó,

1 Samuwɛ́li 4:1

Samuwɛ́li nɔ ɖɔ xó énɛ́ lɛ́ɛ nú Izlayɛ́li togun ɔ́ bǐ. Izlayɛ́li ví lɛ́ɛ tɔ́n gbe ɖokpó, bó ná yi fun ahwan xá Filisitɛ́ɛn lɛ́ɛ. Yě yi ɖó gɔnu ɖó malín málín mɛ dó Evɛ́ni-Ezɛ́ɛ. Filisitɛ́ɛn lɛ́ɛ ká ɖó gɔnu ɖó Afɛ́ki.

1 Samuwɛ́li 4:11

Filisitɛ́ɛn lɛ́ɛ yí akɔjijɛgbá Mawu tɔn ɔ́, bɔ Eli ví we lɛ́ɛ: Hofíni kpó Pínxási kpó kú.

1 Samuwɛ́li 4:22

É ɖo ɖiɖe xlɛ́ gbɔn mɔ̌ wɛ ɖɔ Izlayɛ́li sín wi kɔ́n ɖó akɔjijɛgbá Mawu tɔn ɔ́ jɛ kɛntɔ́ sí.

1 Samuwɛ́li 6:1

Akɔjijɛgbá Mawu Mavɔmavɔ tɔn ɔ́, sun tɛ́nwe wɛ é nɔ Filisitɛ́ɛn lɛ́ɛ gɔ́n xɔ.

1 Samuwɛ́li 7:12

Samuwɛ́li sɔ́ awǐnnya ɖokpó, bó sɔ́ ɖó Misipa kpó Ceni kpó tɛ́ntin, bó ylɔ́ fínɛ́ ɖɔ Evɛ́ni-Ezɛ́ɛ, tínmɛ tɔn wɛ nyí Alɔgɔ́númɛ sín awǐnnya, bó dó ɖo ɖiɖɔ wɛ ɖɔ: “Mawu Mavɔmavɔ dó alɔ mǐ káká wá jɛ fí.”