1 Samuwɛ́li 4:9 - MAWUXÓWÉMA

⁹ Filisitɛ́ɛn e mi, mi dó wǔsyɛ́n lanmɛ nú miɖée, bó wa nǔ súnnu ɖɔhun; é má nyí mɔ̌ ǎ ɔ́, mi ná húzú kannumɔ Eblée lɛ́ɛ tɔn, lě e yě ɖésú kó nyí kannumɔ mǐtɔn kpɔ́n gbɔn é. Mi wa nǔ súnnu ɖɔhun. Mi fun ahwan.”

1 Samuwɛ́li 4:9 Iomraidhean Croise

2 Samuwɛ́li 10:12

Kpan akɔ́n! Mǐ ní ván kan bo fun ahwan nú togun mǐtɔn kpó Mawu mǐtɔn sín toxo lɛ́ɛ kpó. Mawu Mavɔmavɔ ní ka bló lě e é jló e gbɔn é.”

Ezayíi 14:2

Togun ɖěvo lɛ́ɛ ná dó alɔ yě, bó ná kplá yě wá Izlayɛ́li, to yětɔn mɛ. Yě ná nyí kannumɔ yětɔn súnnu, nyɔ̌nu, ɖo Mawu Mavɔmavɔ sín ayǐkúngban jí fínɛ́. Énɛ́ ɔ́, mɛ e Izlayɛ́li ko nyí gantɔ́ ná ɖ'ayǐ lɛ́ɛ ná húzú gantɔ́ tɔn. É ná nyí gǎn nú mɛ e ko kpa acɛ n'i ɖ'ayǐ lɛ́ɛ.

Ezayíi 33:1

Heelú we, hwi mɛ e nɔ hɛn nǔ bǐ gblé, bɔ mɛ ɖé má ka nɔ hɛn hwɛ gblé ǎ é. Heelú we, hwi mɛ e nɔ flú mɛ, bɔ mɛ ɖé ma ka nɔ́ flú hwɛ ǎ é. Ényí a ko hɛn nǔ gblé fó ɔ́, è nǎ wá hɛn hwi lɔ gblé. A ko flú mɛ fó ɔ́, è nǎ wá flú hwi lɔmɔ̌.

1 Kɔlɛ́ntinu 16:13

Mi nɔ acéjí; mi syɛ́nlǐn ɖo nǔɖiɖi mɛ; mi ɖó akɔ́nkpinkpan; mi ɖó hlɔ̌nhlɔ́n.

Hwɛɖɔtɔ́ 10:7

Énɛ́ ɔ́, Mawu Mavɔmavɔ sin xomɛ dó Izlayɛ́li ví lɛ́ɛ bó jó yě nú Filisitɛ́ɛn lɛ́ɛ kpó Amumɔ́ɔ ví lɛ́ɛ kpó.

Hwɛɖɔtɔ́ 13:1

Izlayɛ́li ví lɛ́ɛ lɛ́ wa nǔ e má nyɔ́ Mawu Mavɔmavɔ nukún mɛ ǎ é; énɛ́ ɔ́ wɛ zɔ́n bɔ Mawu Mavɔmavɔ jó yě nú Filisitɛ́ɛn lɛ́ɛ xɔ xwe kanɖé.

1 Samuwɛ́li 14:21

Eblée ɖé lɛ́ɛ ká ɖo Filisitɛ́ɛn lɛ́ɛ sín acɛ mɛ ɖ'ayǐ, bó nɔ kplá yě yi ahwangbénu. Ée Izlayɛ́li ví lɛ́ɛ kpó Sawúlu kpó Jonatáan kpó wá ɔ́, Eblée énɛ́ lɛ́ɛ lílɛ́ jɛ jǐ yětɔn.

1 Samuwɛ́li 4:8

Étɛ́ ɖíe ká gbo mǐ e! Mɛ̌ ká ná hwlɛ́n mǐ gán ɖo nǔmɛsɛn hlɔ̌nhlɔ́nnɔ énɛ́ ɔ́ sí din. Nǔmɛsɛn énɛ́ ɔ́ wɛ dó nǔ tɛnmɛ tɛnmɛ sin xá Ejípunu lɛ́ɛ ɖo gbětótló mɛ.