1 Samuwɛ́li 4:8 - MAWUXÓWÉMA

⁸ Étɛ́ ɖíe ká gbo mǐ e! Mɛ̌ ká ná hwlɛ́n mǐ gán ɖo nǔmɛsɛn hlɔ̌nhlɔ́nnɔ énɛ́ ɔ́ sí din. Nǔmɛsɛn énɛ́ ɔ́ wɛ dó nǔ tɛnmɛ tɛnmɛ sin xá Ejípunu lɛ́ɛ ɖo gbětótló mɛ.

1 Samuwɛ́li 4:8 Iomraidhean Croise

Tíntɔ́n 15:14

Togun lɛ́ɛ se mɔ̌, bó nɔ́ sísɔ́; xɛsi jɛ Filisitɛ́ɛn lɛ́ɛ jí.

Tíntɔ́n 7:5

Hwenu e alɔ ce ná jɛ Ejípunu lɛ́ɛ wú, bɔ un ná ɖe Izlayɛ́li ví lɛ́ɛ tɔ́n sín yě mɛ ɔ́, Ejípunu lɛ́ɛ ná tunwun ɖɔ nyɛ wɛ nyí Mawu Mavɔmavɔ.”

Tíntɔ́n 9:14

Đó din tɔn ɔ́, un ná sɛ́ nǔ nyanya e ɖo así ce lɛ́ɛ bǐ dó hwi kpó gǎn hɔn-yitɔ́ towe lɛ́ɛ kpó, kpó togun towe kpó, bónú a nǎ dó tunwun ɖɔ è kún sixú jlɛ́ mì dó mɛ ɖěbǔ wú ɖo ayǐkúngban ɔ́ jí ó.

Nǔɖexlɛ́mɛ 11:6

Yě ɖó acɛ, bó ná sú jǐxwé, bónú jǐ ní ma ja hwenu e yě ná ɖo wɛn Mawu tɔn dó wɛ ɔ́ ó. Yě lɛ́ ɖó acɛ bó ná sɔ́ sin dó húzú hun ná; yě lɛ́ ɖó acɛ bó ná sɛ́ nǔ nyanya tɛnmɛ tɛnmɛ bǐ dó ayǐkúngban ɔ́ jí. É jló yě hweɖěbǔnu ɔ́, yě ná nɔ wa nǔ énɛ́ lɛ́ɛ.

1 Samuwɛ́li 4:7

Énɛ́ ɔ́, xɛsi jɛ Filisitɛ́ɛn lɛ́ɛ jí, ɖó yě ɖo ɖiɖɔ wɛ ɖɔ: “Mawu wá fí e Eblée lɛ́ɛ ɖó gɔnu ɖó ɔ́. É ɖo fínɛ́ ɖ'ayǐ ǎ. Étɛ́ ɖíe gbo mǐ e!

1 Samuwɛ́li 4:9

Filisitɛ́ɛn e mi, mi dó wǔsyɛ́n lanmɛ nú miɖée, bó wa nǔ súnnu ɖɔhun; é má nyí mɔ̌ ǎ ɔ́, mi ná húzú kannumɔ Eblée lɛ́ɛ tɔn, lě e yě ɖésú kó nyí kannumɔ mǐtɔn kpɔ́n gbɔn é. Mi wa nǔ súnnu ɖɔhun. Mi fun ahwan.”

1 Samuwɛ́li 5:7

Ée nǔ cí mɔ̌ ɔ́, Acidɔ́dinu lɛ́ɛ ɖɔ: “Akɔjijɛgbá Mawu Izlayɛ́li tɔn ɔ́ tɔn ná nɔ gɔ̌n mǐtɔn ǎ, ɖó alɔ Mawu tɔn ɖo mǐ wú jɛ wɛ, bó jɛ vodún mǐtɔn Dagɔ́ni wú.”