1 Samuwɛ́li 4:4 - MAWUXÓWÉMA

⁴ Togun ɔ́ sɛ́ mɛ dó Silóo nǔgbó, bɔ è yi sɔ́ akɔjijɛgbá Mawu Mavɔmavɔ Nǔbǐwúkpétɔ́ ɔ́ tɔn wá. Akɔjijɛgbá ɔ́ jí wɛ Mawu Mavɔmavɔ ɖo ayǐjínjɔ́n ɖe, ɖo axɔ́súzinkpo tɔn jí. Eli ví we lɛ́ɛ: Pínxási kpó Hofíni kpó ɖo akɔjijɛgbá ɔ́ kɔn.

1 Samuwɛ́li 4:4 Iomraidhean Croise

2 Samuwɛ́li 15:24

Vɔ̌sánú-xwlémawutɔ́ Sadɔ́ku lɔmɔ̌ ɖo fínɛ́, bɔ Levíi ví lɛ́ɛ hɛn akɔjijɛgbá Mawu tɔn, bó ɖo fínɛ́ xá ɛ. Yě zlɔ́n akɔjijɛgbá ɔ́, bɔ vɔ̌sánú-xwlémawutɔ́ Abiyatáa ɖo vɔ̌ sá nú Mawu wɛ káká bɔ togun ɔ́ bǐ tɔ́n sín toxo ɔ́ mɛ.

2 Samuwɛ́li 6:2

Davídi kplá sɔ́ja énɛ́ lɛ́ɛ, bó yi Baalé-Yehuda ɖo Judáa yíkúngban jí, bó ná yi zé akɔjijɛgbá Mawu tɔn. Mawu Mavɔmavɔ Nǔbǐwúkpétɔ́ ɔ́ sín nyǐkɔ ɖ'é wú, bɔ é ɖo ayǐjínjɔ́n ɖo akɔjijɛgbá ɔ́ jí, ɖo axɔ́súzinkpo tɔn jí.

2 Axɔ́sú 19:15

Énɛ́ ɔ́ gúdo ɔ́, é jɛ ɖɛ xo jí ɖɔ: “Mawu Mavɔmavɔ, Mawu Izlayɛ́li tɔn e, hwi mɛ e ɖo ayǐjínjɔ́n ɖo akɔjijɛgbá ɔ́ jí, ɖo axɔ́súzinkpo towe jí é ɔ́, hwi ɖokpó géé wɛ nyí Mawu; hwi ɖokpó géé wɛ kpa acɛ nú axɔ́súɖuto e ɖo ayǐkúngban jí lɛ́ɛ bǐ. Hwi wɛ bló jǐ kpó do kpó.

Ɖɛhan 80:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. È nɔ ji dó han e è nɔ ylɔ́ ɖɔ “Folówa ɖagbe ɖagbe” ɔ́ sín hangbe mɛ. Kúnnuɖiɖe Asáfu tɔn sín han wɛ.

Ɖɛhan 80:2

Lɛ̌ngbɔ́nyitɔ́ Izlayɛ́li tɔn, ɖǒtó! Hwi mɛ e nɔ xlɛ́ ali Jozɛ́fu ví lɛ́ɛ lɛ̌ngbɔ́nyitɔ́ ɖɔhun ɔ́, hwi mɛ e ɖo ayǐjínjɔ́n ɖo wɛnsagun susunɔ lɛ́ɛ jí ɔ́, ɖe hwiɖée xlɛ́ ɖo susu towe mɛ.

Ɖɛhan 99:1

Mawu Mavɔmavɔ ɖo axɔ́sú ɖu wɛ: togun lɛ́ɛ nɔ́ sísɔ́. É jínjɔ́n ayǐ ɖo wɛnsagun susunɔ lɛ́ɛ jí: ayǐkúngban ɔ́ nɔ́ dán wǔ.

Ezayíi 37:16

“Mawu Mavɔmavɔ Nǔbǐwúkpétɔ́, Mawu Izlayɛ́li tɔn e, hwi mɛ e ɖo ayǐjínjɔ́n ɖo wɛnsagun susunɔ lɛ́ɛ ta nu é ɔ́, hwi ɖokpónɔ géé wɛ nyí Mawu; hwi ɖokpónɔ géé wɛ kpa acɛ nú axɔ́súɖuto e ɖo ayǐkúngban jí lɛ́ɛ bǐ. Hwi wɛ bló jǐ kpó do kpó.

Malacíi 1:9

Din ɔ́, mi wá cikpɛ nú nyɛ Mawu mitɔn, bónú má kú nǔbláwǔ nú togun ce. Din e mi ko dó nǔ énɛ́ ɔ́ sin ɔ́, mi vɛdó ɖɔ un ná ɖótó mi bo yí ɖɛ mitɔn wɛ sín a? Gbeɖé kpɔ́n!

Kɛ́nsísɔ́ 4:15

Cóbónú yě ná jɛ ali ɔ́, Aalɔ́ɔn kpódó vǐ tɔn súnnu lɛ́ɛ kpó nɔ́ bú nǔ dó nǔ mímɛ́ énɛ́ lɛ́ɛ, kpódó nǔ e è nɔ zán ɖo nǔ énɛ́ lɛ́ɛ kɔn lɛ́ɛ kpó. Yě bló fó ɔ́, Kexáti sín vǐ súnnu lɛ́ɛ nɔ́ wá ɖíɖá. Lo ɔ́, yě ná ɖó alɔ nǔ mímɛ́ lɛ́ɛ ɖě wú ǎ; yě táá kú. Nú è tún Goxɔ ɔ́, azɔ̌ e nyí yědɛɛ lɛ́ɛ tɔn bɔ yě ná wa é nɛ́.

Kɛ́nsísɔ́ 4:5

Izlayɛ́li ví lɛ́ɛ jló ná sɛ tɛn sín fí e yě ɖó gɔnu ɖó ɔ́ hweɖěbǔnu ɔ́, Aalɔ́ɔn kpódó vǐ tɔn súnnu lɛ́ɛ kpó ná byɔ́ Goxɔ ɔ́ mɛ, bó ná ɖe xɔmɛgbovɔ e è dǒ gbo tɛn mímɛ́ bǐ ɔ́ ná ɔ́ síin, bó ná zé bú dó akɔjijɛgbá ɔ́,

Kɛ́nsísɔ́ 7:89

Hwenu e Mɔyízi byɔ́ Goxɔ ɔ́ mɛ, bo ná ɖɔ xó xá Mawu Mavɔmavɔ ɔ́, é se gbe ɖé sín wɛnsagun susunɔ we e ɖo akɔjijɛgbá ɔ́ sín nusú jí lɛ́ɛ ta nu. Hwe énɛ́ ɔ́ nu ɔ́, é jɛ xó ɖɔ xá ɛ jí.

1 Samuwɛ́li 1:24

Ée vǐ ɔ́ ɖe anɔ̌ ɔ́, é kplá ɛ yi Mawu Mavɔmavɔ xwé ɖo Silóo. É kpó asú tɔn kpó hɛn nyibúsú e ɖó xwe atɔn ɔ́ ɖokpó, linfín ati ɖokpó, kpó vɛ̌ɛn anyǔglo ɖokpó kpó dó vǐ ɔ́ jí, bɔ yě yi Mawu Mavɔmavɔ xwé ɖo Silóo. Vǐ ɔ́ ká kpo ɖo kpɛví tawun.

1 Samuwɛ́li 14:3

Vɔ̌sánú-xwlémawutɔ́ e ɖo yě mɛ, bɔ nǔ e è nɔ dó kan nǔ byɔ́ Mawu lɛ́ɛ ɖo así tɔn ɔ́ nɔ́ nyí Axiya. Axitúvu ví wɛ, bɔ tɔ́ tɔn nɔví nɔ́ nyí Ikavodi. Ikavodi ɔ́, Pínxási ví wɛ, bó nyí Eli vívú. Eli ɔ́ wɛ nyí vɔ̌sánú-xwlémawutɔ́ e nɔ Silóo ɖ'ayǐ é. Ahwanfuntɔ́ ɖě ká tunwun ɖɔ Jonatáan yi fí ɖé ǎ.

1 Samuwɛ́li 2:22

Hwenɛ́nu ɔ́, vɔ̌sánú-xwlémawutɔ́ Eli ko kpo bǐ. É se nǔ e dó sin xá Izlayɛ́li ví lɛ́ɛ wɛ vǐ tɔn lɛ́ɛ ɖe ɔ́; é lɛ́ se ɖɔ yě nɔ́ ɖó xó xá nyɔ̌nu e jí azɔ̌ jɛ ɖo Mawu Mavɔmavɔ sín goxɔ nukɔn lɛ́ɛ.