1 Samuwɛ́li 4:3 - MAWUXÓWÉMA

³ Izlayɛ́li ví lɛ́ɛ lɛ́ kɔ wá yi ahwankpá yětɔn mɛ, bɔ tomɛxó yětɔn lɛ́ɛ ɖɔ: “Étɛ́wú Mawu Mavɔmavɔ ká jó mǐ dó égbé, bɔ Filisitɛ́ɛn lɛ́ɛ ɖu ɖo mǐ jí? Mi nú mǐ ná yi Silóo, bó ná yi sɔ́ akɔjijɛgbá Mawu Mavɔmavɔ tɔn ɔ́ wá. Nú akɔjijɛgbá ɔ́ ɖo tɛ́ntin mǐtɔn ɔ́, é ná hwlɛ́n mǐ sín kɛntɔ́ mǐtɔn lɛ́ɛ sí.”

1 Samuwɛ́li 4:3 Iomraidhean Croise

2 Samuwɛ́li 15:25

Axɔ́sú ɔ́ ɖɔ nú vɔ̌sánú-xwlémawutɔ́ Sadɔ́ku ɖɔ: “Lɛ̌ zé akɔjijɛgbá ɔ́ yi ɖó toxo ɔ́ mɛ. Nú Mawu Mavɔmavɔ jló ná wa ɖagbe nú mì ɔ́, é ná bló bɔ un ná lɛ́ kɔ wá, bó ná lɛ́ mɔ akɔjijɛgbá tɔn kpó tɛn mímɛ́ tɔn kpó.

1 Tan 17:1

Axɔ́sú Davídi jɛ hɔn tɔn mɛ. É wá su gbe ɖokpó, bɔ é ɖɔ nú gbeyíɖɔ Mawu tɔn Natáan ɖɔ: “Kpɔ́n! Xɔ e mɛ nyɛ ɖe ɔ́, sɛ́dlutín wɛ è dǒ gbá, bɔ akɔjijɛgbá Mawu Mavɔmavɔ tɔn ɔ́ ká ɖo avɔgoxɔ mɛ. Étɛ́ a lin d'é wú?”

Ɖɛhan 74:1

Xó lómílómí Asáfu tɔn. Mawu ce, nɛ̌ ka gbɔn bɔ a jó mǐ dó bǐ mɔ̌? Nɛ̌ ka gbɔn bɔ a ɖo xomɛ sin dó lɛ̌ngbɔ́ e ɖo wutó towe mɛ lɛ́ɛ wɛ mɔ̌?

Ɖɛhan 74:11

Étɛ́wú a ka ɖe alɔ towe sín mǐ wǔ, ɖisí lɔ towe sín mǐ wǔ? Ma blá alɔ dó wǔ ó, hu yě.

Ezayíi 50:1

Xó e Mawu Mavɔmavɔ ɖɔ ɔ́ ɖíe: “Mi nɔ ɖɔ nyi nya nɔ émítɔn Jeluzalɛ́mu. É nyɔ́, mi bo xlɛ́ wěma e un wlán dó así n'i, bó gbɛ́ ɛ, lobo nya ɛ ɔ́ mì. Mi nɔ ɖɔ nyi sa émí kannumɔ ɖɔhun, bó ná sɔ́ akwɛ́ ɔ́ dó sú axɔ́ e un ɖu ɔ́ ná. É nyɔ́, mi bo ɖɔ mɛ e un sa mi xá ɔ́ nú mì. Ényí un sa mi hǔn, nǔ e mi wa nyi do lɛ́ɛ wú wɛ un sa mi; ényí un nya nɔ mitɔn hǔn, hwɛ e mi hu lɛ́ɛ wú wɛ un nya ɛ.

Ezayíi 58:3

Yě nɔ́ ɖɔ nú mì ɖɔ: “Mǐ ɖo nu blá wɛ bɔ hwɛ ka mɔ ǎ, bɔ ani mǐ ká blá nu dó wa? Mǐ nɔ́ sɔ́ mǐɖée hwe bɔ hwɛ ka tunwun ǎ, bɔ étɛ́ mǐ ká sɔ́ mǐɖée hwe dó wa?” Ée yě ɖo mɔ̌ ɖɔ wɛ ɔ́, un ɖɔ nú yě ɖɔ: “Gbe e gbe mi nɔ blá nu ɔ́, mi nɔ ɖo nǔ e myá nukún nú mi ɔ́ kan xo wɛ, bó nɔ́ ɖo tagba dó nú mɛ e ɖo azɔ̌ wa nú mi lɛ́ɛ wɛ.

Ezayíi 59:1

Mawu Mavɔmavɔ sín alɔ hwe gli, bó ná gɔn mi hwlɛ́n gán ǎ; tó tɔn ká kú, bó ná gɔn xó mitɔn se ǎ.

Ezayíi 59:2

Lo ɔ́, nǔ e mi wa nyi do lɛ́ɛ wɛ gbo do mɛ nú mi kpó Mawu kpó; hwɛ e mi nɔ hu lɛ́ɛ wɛ sɔ́ ɛ hwlá dó mi, bó nɔ́ lɔn nú é ná se xó mitɔn ǎ.

Jelemíi 3:16

“Hwenɛ́nu ɔ́, mi ná sukpɔ́ ɖo to ɔ́ mɛ, mi ná ji gba; è sɔ́ ná ɖɔ akɔjijɛgbá ce sín xó ɖě ǎ. È ka sɔ́ ná flín lɔ ǎ, xó tɔn ká sɔ́ ná nɔ ayi mɛ nú mɛɖé ǎ. Mɛ ɖé ká sɔ́ ná mɔ ɖɔ akɔjijɛgbá ɔ́ kún ɖo fínɛ́ ó ǎ; è ka sɔ́ ná bló ɖěvo ǎ.

Jelemíi 7:4

Mɛblɛ́blɛ́ sín xó e sú wɛ è nɔ ɖe, bo nɔ ɖɔ: ‘Xwé e gbe Mawu Mavɔmavɔ nɔ nɔ ɔ́ ɖíe ɖo fí e, Mawu Mavɔmavɔ xwé ɔ́ ɖíe, fí e Mawu Mavɔmavɔ xwé ɔ́ ɖe ɔ́ jɛ́n ɖíe’ é ɔ́, mi ma gán jɛ wú ó.

Kɛ́nsísɔ́ 10:33

Izlayɛ́li ví lɛ́ɛ gosín Mawu Mavɔmavɔ sín só ɔ́ kɔn ɖidó, bó ɖi zɔnlin xɔ azǎn atɔn; akɔjijɛgbá Mawu Mavɔmavɔ tɔn ɔ́ jɛ nukɔn nú yě. Mɛ e hɛn akɔjijɛgbá ɔ́ lɛ́ɛ ɖi zɔnlin xɔ azǎn atɔn, bó ba fí e yě ná gbɔjɛ́ ɖe ɔ́ ɖ'ayǐ.

Kɛ́nsísɔ́ 10:35

Akɔjijɛgbá ɔ́ ɖidó ɔ́, Mɔyízi nɔ sú xó ɖɔ: “Mawu Mavɔmavɔ, sí te! Sí te, bónú kɛntɔ́ towe lɛ́ɛ ná gbadó. Sí te, bónú mɛ e gbɛ́ wǎn nú we lɛ́ɛ ná hɔn ɖo nukɔn towe!”

Kɛ́nsísɔ́ 31:6

Énɛ́ ɔ́, Mɔyízi sɛ́ yě bǐ dó ahwan fun gbé, bɔ vɔ̌sánú-xwlémawutɔ́ Pínxási Eleazáa ví ɔ́ xwedó yě. É hɛn nǔ e è nɔ zán ɖo tɛn mímɛ́ ɔ́ mɛ lɛ́ɛ, kpódó kpɛn e è nǎ kún dó ɖe xlɛ́ ɖɔ ahwanfunfun yá lɛ́ɛ kpó.

Sɛ́nflínmɛ 29:24

Bɔ è nǎ yí gbe ɖɔ: “Akɔ e yě jɛ xá Mawu Mavɔmavɔ ɔ́ wɛ yě jó dó; akɔ e Mawu tɔ́gbó yětɔn lɛ́ɛ tɔn jɛ xá yě hwenu e é ɖe yě tɔ́n sín Ejípu é wɛ yě jó dó.

Sɛ́nflínmɛ 31:26

“Mi zé sɛ́nwéma élɔ́ ɖó akɔjijɛgbá Mawu Mavɔmavɔ, Mawu mitɔn tɔn kpá; mi wa nǔ nyi do ɔ́, é wɛ ná ɖe kúnnu ɖɔ mi wa nǔ nyi do.

2 Timɔtée 3:5

Yě ná nyí mawusɛntɔ́ ɖo nukúnta, bó ka ná gbɛ́ nǔ e nyí hlɔ̌nhlɔ́n titewungbe nú sinsɛn ɔ́ é; lɛ̌ kɔ sín gbɛtɔ́ mɔ̌hun lɛ́ɛ gúdo.

Eblée 9:4

Vɔ̌sákpe e è blǒ kpó siká kpó bɔ è nɔ dó zǎlínkpɔ́n zo ɖ'é jí ɔ́ ɖo fínɛ́, bɔ akɔjijɛgbá e wú è kɔn siká dó gbɔn fí bǐ ɔ́ ɖo fínɛ́. Sikázɛ́n e mɛ nǔɖuɖu e è nɔ ylɔ́ ɖɔ mǎna ɔ́ ɖe ɔ́ ɖo akɔjijɛgbá ɔ́ mɛ. Aalɔ́ɔn sín kpo e tɔ́n ama ɔ́ kpódó awǐnnyatɛ e jí è wlǎn akɔjijɛxó lɛ́ɛ dó ɔ́ kpán ɖ'é mɛ.

Jozuwée 4:7

mi ná yí gbe nú yě ɖɔ: ‘Hwenu e akɔjijɛgbá Mawu Mavɔmavɔ tɔn ɖo Judɛ́ɛn tɔ dó asá wɛ ɔ́, tɔ ɔ́ gbo ɖo nukɔn tɔn; tɔ ɔ́ gbo bɔ sin kplé cí fí ɖokpó nǔɖé wɛ hɛn ɛ ɖó te ɖɔhun. Nǔ énɛ́ ɔ́ e jɛ ɔ́ flín Izlayɛ́li ví lɛ́ɛ wɛ awǐnnya énɛ́ lɛ́ɛ ɖe káká sɔ́yi mavɔ mavɔ.’ ”

Jozuwée 6:6

Ée Jozuwée Nuni ví ɔ́ se mɔ̌ ɔ́, é ylɔ́ vɔ̌sánú-xwlémawutɔ́ lɛ́ɛ, bó ɖɔ nú yě ɖɔ: “Mi zé akɔjijɛgbá Mawu Mavɔmavɔ tɔn ɔ́, bónú mi mɛ tɛ́nwe ní zé lanzo bo jɛ nukɔn tɔn.”

Jozuwée 7:7

Bɔ Jozuwée sú xó bó ɖɔ: “Óo! Aklúnɔ, Mawu Mavɔmavɔ! Aniwú a kplá mǐ d'asá Judɛ́ɛn tɔ ɔ́? A blǒ mɔ̌ bó ná jó mǐ nú Amɔliti lɛ́ɛ, bó ná tin bɔ mǐ ná kú wɛ a? Ényí mǐ kó tunwun ɔ́, mǐ ná kó gbɔ bó nɔ tɔ ɔ́ gúdo dɔ̌n.

Jozuwée 7:8

Aklúnɔ, din e Izlayɛ́li ví lɛ́ɛ hɔn ɖo kɛntɔ́ nukɔn ɔ́, nu tɛ́ un sixú kɛ?

1 Piyɛ́ɛ 3:21

Nǔ e sín akpajlɛ́ nyí wɛ sin ɔ́ ɖe ɔ́ wɛ nyí yɛhwesin e ɖo mi lɔ hwlɛngán wɛ din e. Yɛhwesin ɔ́, ɖixó agbaza tɔn lɛ́ɛ wɛ é nɔ ɖe síin ǎ, lo ɔ́ vo sa nú Mawu wɛ é ɖe ɖɔ é ní ná ayixa mímɛ́ mi. Fɔ́n e Jezu Klísu fɔ́n sín kú ɔ́ zɔ́n bɔ yɛhwesin hwlɛ́n mi gán.

Judi 1:5

Nǔ élɔ́ lɛ́ɛ e ɖɔ nú mi gbé wɛ un ja din ɔ́, mi ko tunwun ganjí có un ka jló ná lɛ́ flín mi ɖɔ ée Aklúnɔ hwlɛ́n togun Izlayɛ́li tɔn ɔ́ gán, bó ɖe e sín Ejípu gúdo ɔ́, é wá hu mɛ e gbɛ́ ɖɔ émí kún ná ɖi nǔ n'i ó lɛ́ɛ bǐ.

1 Samuwɛ́li 1:24

Ée vǐ ɔ́ ɖe anɔ̌ ɔ́, é kplá ɛ yi Mawu Mavɔmavɔ xwé ɖo Silóo. É kpó asú tɔn kpó hɛn nyibúsú e ɖó xwe atɔn ɔ́ ɖokpó, linfín ati ɖokpó, kpó vɛ̌ɛn anyǔglo ɖokpó kpó dó vǐ ɔ́ jí, bɔ yě yi Mawu Mavɔmavɔ xwé ɖo Silóo. Vǐ ɔ́ ká kpo ɖo kpɛví tawun.

1 Samuwɛ́li 14:18

Sawúlu ɖɔ nú Axiya ɖɔ ní zé akɔjijɛgbá Mawu tɔn ɔ́ wá. Đó hwe énɛ́ ɔ́ nu ɔ́, akɔjijɛgbá Mawu tɔn ɔ́ ɖo fí e Izlayɛ́li ví lɛ́ɛ ɖó gɔnu ɖó é.

1 Samuwɛ́li 4:2

Filisitɛ́ɛn lɛ́ɛ sí te, bó tɔ́n ahwan Izlayɛ́li ví lɛ́ɛ, bɔ ahwan ɔ́ bɛ́, bó syɛ́n ɖésú. Filisitɛ́ɛn lɛ́ɛ wá ɖu ɖo ahwan ɔ́ jí, bó hu Izlayɛ́li ví děgba (4.000) mɔ̌.