1 Samuwɛ́li 4:12 - MAWUXÓWÉMA

¹² Gbe nɛ́ ɔ́ gbe ɖokpó ɔ́, nya ɖokpó bɛ́ wezun sín ahwangbé ɔ́ nu wá yi Silóo. É vún awu dó kɔ nú éɖée, bó lɛ kɔ́ dó ta dó ɖe xlɛ́ ɖɔ émí ɖo aluwɛ mɛ. Nya énɛ́ ɔ́, Bɛnjamɛ́ɛ sín akɔta mɛ wɛ é tɔ́n sín.

1 Samuwɛ́li 4:12 Iomraidhean Croise

2 Samuwɛ́li 1:2

Azǎn tɔn atɔngɔ́ ɔ́ gbe ɔ́, nya ɖokpó gosín Sawúlu sín ahwankpá mɛ bó wá. Nya ɔ́ vún awu dó kɔ nú éɖée, bó lɛ kɔ́ dó ta dó ɖe xlɛ́ ɖɔ émí ɖo aluwɛ mɛ. Ée é wá Davídi nukɔn ɔ́, é jɛ kpo bo ɖe kɔ́.

2 Samuwɛ́li 13:19

É lɛ afín dó ta, bó vún awu dó kɔ nú éɖée, bó kplá así ta bo wlí xósúsú bo ɖidó.

2 Samuwɛ́li 15:32

Hwenu e Davídi ɖo só ɔ́ jí xá wɛ, ɖo fí e é ná ɖe kɔ́ nú Mawu ɖe ɔ́, é mɔ Hucáyi Aakíti ɔ́ ɖo nukɔn tɔn, bɔ awu tɔn bǐ vún, bɔ é lɛ kɔ́ dó ta.

Nɛɛmíi 9:1

Sun ɖokpó énɛ́ ɔ́ sín azǎn ko-nukún-ɛnɛgɔ́ ɔ́ gbe ɔ́, Izlayɛ́li ví lɛ́ɛ kplé bó ná blá nu. Yě dó caki bo lɛ kɔ́, bó dó ɖe xlɛ́ ɖɔ hwɛ e émí hu ɔ́ vɛ́ nú émí.

Jɔ̌bu 2:12

Ée yě mɔ ɛ sɛ́ dó ɔ́, yě sɔ́ tunwun i ǎ. Énɛ́ ɔ́, yě dó avǐ gbe bó ya káká. Yě vún awu ɖaxó e ɖo kɔ yětɔn é, bó lɛ kɔ́ dó ta.

Jelemíi 26:6

Ényí mi ma ɖótó yě ǎ ɔ́, un ná gba xwé élɔ́ lě e un gba éé ɖo Silóo é gbɔn é. Un ná bló bɔ akɔta e ɖo ayǐkúngban jí lɛ́ɛ é ɖěbǔ ja nu dó mɛɖé gbé ɔ́, é ná ɖɔ: Nǔ e gbo Jeluzalɛ́mu é wɛ ná gbo we.’ ”

Ezekiyɛ́li 24:26

Gbe énɛ́ gbe ɔ́, mɛ e ná gán ɖ'é mɛ é ɖokpó ná wá ɖɔ nǔ e jɛ ɔ́ nú we.

Ezekiyɛ́li 27:30

Yě bǐ byɔ́ aluwɛ mɛ; yě ɖo avǐ ya wɛ, yě ɖo vo sa wɛ, yě nɔ́ wún kɔ́ dó ta, yě nɔ́ blí gbo gbɔn afín mɛ.

Jozuwée 7:6

Ée nǔ cí mɔ̌ ɔ́, Jozuwée kpódó mɛxó lɛ́ɛ kpó vún awu dó kɔ nú yěɖée, bó vun afúntúntún dó ta, lobo xwe agbɔ̌nnusú do ɖo akɔjijɛgbá Mawu Mavɔmavɔ tɔn nukɔn, lobo nɔ mɔ̌ káká jɛ gbadanu.