1 Samuwɛ́li 4:10 - MAWUXÓWÉMA

¹⁰ Ée Filisitɛ́ɛn lɛ́ɛ ɖɔ mɔ̌ ɔ́, yě tɔ́n ahwan Izlayɛ́li ví lɛ́ɛ, bó ɖu ɖo yě jí, bɔ mɛ ɖokpó ɖokpó hɔn yi xwé tɔn gbe. Lě e Filisitɛ́ɛn lɛ́ɛ ɖu ɖo Izlayɛ́li ví lɛ́ɛ jí gbɔn ɔ́ syɛ́n ɖésú. Izlayɛ́li ví adɔ̌kpo ɖě děgba we afɔwó (30.000) wɛ è hu gbe nɛ́ gbe.

1 Samuwɛ́li 4:10 Iomraidhean Croise

2 Samuwɛ́li 18:17

Yě zě Abusalɔ́mu sín cyɔ nyi dó do ɖaxó ɖé mɛ ɖo zungbó ɔ́ mɛ, bó bɛ́ awǐnnyaglo kɔn nyi jǐ tɔn kpɔ́ gégé. Hwenu e yě ɖo énɛ́ ɔ́ bló wɛ ɔ́, Abusalɔ́mu sín sɔ́ja lɛ́ɛ ɖokpó ɖokpó ba ali ɖó ta wú, bó yi xwé yětɔn yětɔn gbe.

2 Samuwɛ́li 18:7

Davídi sín ahwangɔnu ɖu ɖo Abusalɔ́mu sín mɛ lɛ́ɛ jí. Mɛ e kú gbe nɛ́ gbe lɛ́ɛ sukpɔ́ ɖésú. Yě yi adɔ̌kpo (20.000).

2 Samuwɛ́li 19:8

È byɔ̌ mɛɖée mɛ din, bo yi ɖɔ xó ɖé dó dó wǔyá lanmɛ nú sɔ́ja mɛtɔn lɛ́ɛ. Nú è ma yi ǎ ɔ́, un xwlé Mawu Mavɔmavɔ nú mɛ, yě bǐ ná gosín acɛ mɛtɔn mɛ zǎn élɔ́ mɛ. Awě énɛ́ e ná xo mɛ ɔ́ ná nylá hú éé ɖo mɛ xo wɛ sín dɔ̌nkpɛvú mɛ mɛtɔn káká wá jɛ égbé lɛ́ɛ bǐ.”

2 Samuwɛ́li 20:1

Nya nǔvɔ́nɔ ɖé ɖo Gilugalu fínɛ́, bó nɔ nyí Cɛ́va; Bɛnjamɛ́ɛnu wɛ, lobo nyí Bikli ví. É kún lanzo bo sú xó bó ɖɔ: “Mǐ ɖó xó ɖěbǔ xá Davídi ǎ, mǐ kpó Jɛsée ví nɛ́ kpó kpé dó nǔɖé ǎ lóóo! Izlayɛ́li ví e mi! Mɛ ɖokpó ɖokpó ní lɛ́ kɔ yi xwé tɔn gbe!”

1 Axɔ́sú 12:16

Ée akɔta Izlayɛ́li tɔn e ɖo Totaligbé lɛ́ɛ bǐ mɔ ɖɔ axɔ́sú ɔ́ kún bló nǔ e ba wɛ émí ɖe ɔ́ ó ɔ́, yě ɖɔ: “Ani wɛ ɖo mǐ kpódó Davídi kpó tɛ́ntin? Mǐ kpó Jɛsée ví énɛ́ ɔ́ kpó kpé nǔɖé ǎ, Izlayɛ́li ví e mi, mi wá mǐ ní lɛ́ kɔ yi xwé! Din ɔ́, Davídi ví, kpé nukún dó axɔ́súɖuto towe wú!” Ée Izlayɛ́li ví lɛ́ɛ ɖɔ mɔ̌ ɔ́, yě ɖidó.

1 Axɔ́sú 22:36

Ée hwe lɛ́ kɔ ɔ́, è sú xó, bó ɖɔ gbɔn ahwangɔnu Izlayɛ́li tɔn ɔ́ bǐ mɛ ɖɔ mɛ ɖokpó ɖokpó ní yi toxo tɔn mɛ, mɛ ɖokpó ɖokpó ní yi to tɔn mɛ.

2 Axɔ́sú 14:12

Izlayɛ́linu lɛ́ɛ ɖu ɖo Judáanu lɛ́ɛ jí, bɔ Judáanu lɛ́ɛ ɖokpó ɖokpó hɔn yi xwé.

2 Tan 13:17

Abiya kpódó ahwanfuntɔ́ tɔn lɛ́ɛ kpó ɖu ɖo ahwanfuntɔ́ Izlayɛ́li tɔn lɛ́ɛ jí tawun, bó hu ahwanfuntɔ́ ɖaxó ɖaxó adɔ̌kpo ko atɔ́ɔ́n (500.000).

2 Tan 25:22

Izlayɛ́linu lɛ́ɛ ɖu ɖo Judáanu lɛ́ɛ jí, bɔ Judáanu lɛ́ɛ ɖokpó ɖokpó hɔn yi xwé.

Ɖɛhan 78:9

Eflayímu ví lɛ́ɛ hɛn gǎ bó xwe ahwan fun gbé, gbe e gbe è nǎ fun ahwan ɔ́ ká su, bɔ yě dó gblǒ mɛ.

Jelemíi 7:12

“Mi bo yi Silóo, fí e xwé ce nɔ ɖ'ayǐ é, bó kpɔ́n lě e un hánnyá Silóo énɛ́ gbɔn é. Adǎka e xo wɛ togun ce Izlayɛ́li ɖe ɔ́ wú wɛ un wa nǔ gbɔn mɔ̌.

Levíi ví 26:17

Un ná húzú kpan nukɔn mi, bɔ kɛntɔ́ mitɔn lɛ́ɛ ná ɖu ɖo mi jí. Mɛ e gbɛ́ wǎn nú mi lɛ́ɛ ná kpa acɛ nú mi, bɔ mɛ ɖěbǔ ná bó ma ɖo nyinya mi wɛ ǎ ɔ́, mi ná nɔ́ ɖo hinhɔn wɛ.

Sɛ́nflínmɛ 28:15

Mi ma ka se Mawu Mavɔmavɔ, Mawu mitɔn sín gbe bó nɔ acéjí, bó bló nǔ e é zɔ́n mi lɛ́ɛ, bó nyi sɛ́n e é dó nú mi, bɔ un ɖo ɖiɖɔ nú mi wɛ égbé din lɛ́ɛ ǎ ɔ́, nǔ nyanya e ná gbo mi lɛ́ɛ ɖíe:

Sɛ́nflínmɛ 28:25

Mawu Mavɔmavɔ ná jó kɛntɔ́ dó bɔ kɛntɔ́ ná ɖu ɖo mi jí. Nú ali ɖokpó wɛ mi gbɔn bó yi tɔ́n ahwan kɛntɔ́ ɔ́, ali tɛ́nwe wɛ mi ná hɔn gbɔn ɖo nukɔn tɔn, bɔ axɔ́súɖuto e ɖo gbɛ ɔ́ mɛ é ɖěbǔ mɔ nǔ e gbo mi ɔ́, xɛsi ná jɛ jǐ tɔn.

1 Samuwɛ́li 3:11

Bɔ Mawu Mavɔmavɔ ɖɔ nú Samuwɛ́li ɖɔ: “Un ná dó nǔ ɖokpó sin ɖo Izlayɛ́li, bɔ mɛ ɖěbǔ se ɔ́, tó tɔn ná sú hɔn.

1 Samuwɛ́li 4:2

Filisitɛ́ɛn lɛ́ɛ sí te, bó tɔ́n ahwan Izlayɛ́li ví lɛ́ɛ, bɔ ahwan ɔ́ bɛ́, bó syɛ́n ɖésú. Filisitɛ́ɛn lɛ́ɛ wá ɖu ɖo ahwan ɔ́ jí, bó hu Izlayɛ́li ví děgba (4.000) mɔ̌.