1 Samuwɛ́li 3:9 - MAWUXÓWÉMA

⁹ Énɛ́ ɔ́, é ɖɔ nú Samuwɛ́li ɖɔ: “Yi mlɔ́ ayǐ, nú è sɔ́ ylɔ́ we ɖě ɔ́, a nǎ ɖɔ: ‘Mawu Mavɔmavɔ, ɖɔ xó; nyɛ mɛsɛntɔ́ towe ɖo tó ɖó we wɛ.’ ” Bɔ Samuwɛ́li yi mlɔ́ ayǐ fí e é fɔ́n sín é.

1 Samuwɛ́li 3:9 Iomraidhean Croise

Ɖɛhan 85:8

Mawu Mavɔmavɔ, sɔ́ xomɛnyínyɔ́ towe xlɛ́ mǐ, hwlɛ́n mǐ gán.

Ɖɛhan 85:9

Un ná ɖótó nǔ e ɖɔ wɛ Mawu Mavɔmavɔ, Mawu mǐtɔn ɖe ɔ́, ɖó é ɖo fífá sín akpá dó nú togun tɔn wɛ, bó dó fífá sín akpá nú mɛ e ɖo gbejí n'i lɛ́ɛ, bónú yě ma sɔ́ bló nǔ dǎkɔdǎkɔ ɖě ó.

Tíntɔ́n 20:19

Bó ɖɔ nú Mɔyízi ɖɔ: “Hwi ɖésúnɔ ní nɔ́ ɖɔ xó nú mǐ; mǐ ná ɖótó we. Mawu ɖésú ní má sɔ́ ɖɔ xó nú mǐ ɖě ó, é má nyí mɔ̌ ǎ ɔ́, mǐ táá kú.”

Ezayíi 6:8

Énɛ́ ɔ́, un se Aklúnɔ ɖo kinkanbyɔ́ wɛ ɖɔ: “Mɛ̌ un ka ná sɛ́ dó? Mɛ̌ ka ná nyí gbeyíɖɔ mǐtɔn?” Bɔ un yí gbe n'i ɖɔ: “Nyɛ ná yi, sɛ́ mì dó.”

Daniyɛ́li 10:19

bɔ é ɖɔ nú mì ɖɔ: ‘Wǎnyínámɔ Mawu tɔn, ma ɖi xɛsi ó. Nǔ wɛ nyɔ́ nú we! Lɛ̌ kpan akɔ́n! Dǒ gǎn!’ Hwenu e é ɖo xó ɖɔ nú mì wɛ ɔ́, hlɔ̌nhlɔ́n ɖo wǔ ce wá wɛ, bɔ un ɖɔ n'i lo ɖɔ: ‘Sɛ́mɛɖó ce, a hɛn ɔ́, a nǎ ɖɔ xó nú mì din, ɖó a nǎ hlɔ̌nhlɔ́n mì.’

Mɛsɛ́dó 9:6

Din ɔ́, sí te, bó byɔ́ toxo ɔ́ mɛ; è nǎ ɖɔ nǔ e a ɖǒ ná wa ɔ́ nú we.”

Jozuwée 5:14

Bɔ nya ɔ́ yí gbe n'i ɖɔ: “Un ɖo mɛ ɖěbǔ jí ǎ, ahwangán Mawu Mavɔmavɔ tɔn wɛ un nyí. Wǐwá wɛ un ɖe din.” Ée Jozuwée se mɔ̌ ɔ́, é xwe agbɔ̌nnusú do, bó ɖe kɔ́, lobo ɖɔ nú nya ɔ́ ɖɔ: “Mɛsɛntɔ́ towe wɛ un nyí, étɛ́ a jlǒ ná zɔ́n mì?”

1 Samuwɛ́li 3:10

Mawu Mavɔmavɔ wá Samuwɛ́li gɔ́n, bó ylɔ́ ɛ lě e é ko nɔ ylɔ́ ɛ gbɔn é; é ɖɔ: “Samuwɛ́li! Samuwɛ́li!” Samuwɛ́li yí gbe ɖɔ: “Đɔ xó, nyɛ mɛsɛntɔ́ towe ɖo tó ɖó we wɛ.”

1 Samuwɛ́li 3:8

Mawu Mavɔmavɔ lɛ́ ylɔ́ Samuwɛ́li azɔn atɔngɔ́ ɔ́, bɔ é bɛ́ wezun yi Eli gɔ́n, bó ɖɔ: “Un se a ylɔ̌ mì; nyi ɖíe!” Bɔ Eli wá mɔ nǔ jɛ wú ɖɔ Mawu Mavɔmavɔ wɛ ɖo ylɔ̌ylɔ́ ɛ wɛ.