1 Samuwɛ́li 3:3 - MAWUXÓWÉMA

³ Zogbɛ́n e è tá ɖó Mawu Mavɔmavɔ sín goxɔ mɛ ɔ́, è ko xo cí hwenɛ́nu ǎ, bɔ Samuwɛ́li ka ɖo ayǐmlɔ́mlɔ́ ɖo goxɔ Mawu Mavɔmavɔ tɔn mɛ, fí e akɔjijɛgbá Mawu tɔn ɔ́ ɖe é.

1 Samuwɛ́li 3:3 Iomraidhean Croise

2 Tan 13:11

Zǎnzǎn gbada ɔ́, yě nɔ́ ɖo vɔ̌ e è nɔ dó zo lɛ́ɛ xwlé Mawu Mavɔmavɔ wɛ, bó nɔ́ ɖo zǎlínkpɔ́n dó zo n'i wɛ. Yě nɔ́ to wɔ̌xúxú e è nǎ Mawu lɛ́ɛ ɖó távo mímɛ́ ɔ́ jí, bɔ gbadanu tɛgbɛ ɔ́, yě nɔ́ tá zogbɛ́n lɛ́ɛ ɖó zogbɛ́nhɛnnú e è zě siká dó bló ɔ́ jí. Mǐ nɔ́ kpé nukún dó azɔ̌ e Mawu Mavɔmavɔ, Mawu mǐtɔn zɔ́n mǐ lɛ́ɛ wú, bó nɔ́ wa ganjí. Amɔ̌, midɛɛ lɛ́ɛ ɔ́, mi jó e dó.

Ɖɛhan 27:4

Nǔ ɖokpó géé wɛ un nɔ byɔ́ Mawu Mavɔmavɔ, bɔ é ká myá nukún nú mì ɖésú; é wɛ nyí ɖɔ má nɔ́ nɔ xwé tɔn gbe nú gbɛ hwenu ce bǐ, bó ná nɔ́ kpɔ́n lě e é nyɔ́ xomɛ sɔ é, bó ná nɔ́ kpɔ́n lě e nɔtɛn tɔn nyɔ́ sɔ é.

Ɖɛhan 29:9

Mawu Mavɔmavɔ dó gbe bɔ zungbɔ́ lɛ́ɛ ji vǐ. É dó gbe bɔ zungbó lɛ́ɛ lúnlún ama. Nǔ e kó ɖo Mawu Mavɔmavɔ sín hɔnmɛ lɛ́ɛ bǐ nɔ́ sú xó ɖɔ: “Susu nú Mawu!”

Ɖɛhan 5:7

Hwi Mawu Mavɔmavɔ ɔ́, a nɔ sú mɛ e ɖo adingban te lɛ́ɛ kún dó. A gbɛ̌ wǎn nú gbɛtɔ́ e nɔ́ kɔn hun kɔn nyi ayǐ é, gbɛtɔ́ e nɔ́ ɖó sísɛ́ nukɔn nú mɛ é.

Tíntɔ́n 25:31

“A nǎ zě siká akú dó bló zogbɛ́nhɛnnú ɖokpó ná, bɔ é ná ɖó ala tɛ́nwe. É ná ɖó cícá ǎ, bǐ ná ɖo bǔte; afɔ tɔn, ala tɔn lɛ́ɛ, folówa tɔn lɛ́ɛ, nǔ e mɛ folówa nɔ tɔ́n sín lɛ́ɛ kpódó folówa e ma tɔ́n ǎ lɛ́ɛ kpó bǐ ná ɖo bǔte.

1 Samuwɛ́li 1:6

Ana ɔ́, asísi tɔn nɔ ɖo nǔ ɖɔ ba ɛ wɛ, bó ná dó dó aɖi xomɛ n'i ɖó vǐ e Mawu Mavɔmavɔ ma ná ɛ ǎ é wú.

1 Samuwɛ́li 1:9

Ée yě ɖu nǔ bó nu sin fó ɖo Silóo fínɛ́ ɔ́, Ana sí te, bó yi Mawu Mavɔmavɔ xwé ɔ́ sín hɔntogbó jí. Eli vɔ̌sánú-xwlémawutɔ́ ɔ́ ká ɖo ayǐjínjɔ́n ɖo hɔnkpo ɔ́ kpá.