1 Samuwɛ́li 3:19 - MAWUXÓWÉMA

¹⁹ Samuwɛ́li ɖo susu wɛ, bɔ Mawu Mavɔmavɔ ɖo kpɔ́ xá ɛ, bɔ nǔ e é nɔ́ ɖɔ dó Mawu Mavɔmavɔ nyíkɔ mɛ ɔ́ bǐ nɔ́ jɛ.

1 Samuwɛ́li 3:19 Iomraidhean Croise

Bǐbɛ́mɛ 21:22

Hwenɛ́nu ɔ́, Abimɛlɛ́ki wá Ablaxámu gɔ́n, é kpó Pikɔ́lu ahwangán tɔn ɔ́ kpó, bó ɖɔ n'i ɖɔ: “Mawu ɖo kpɔ́ xá we ɖo nǔ e wa wɛ a ɖe lɛ́ɛ bǐ mɛ.

Bǐbɛ́mɛ 28:15

Đǒtó ganjí. Nyi ɖésú ɖo kpɔ́ xá we; un ná kpé nukún wǔ we gbɔn fí e a nǎ gbɔn lɛ́ɛ bǐ, bó ná lɛ́ kplá we wá to élɔ́ mɛ. Un ná jó we dó ǎ; un ná ɖe akpá e un dó nú we ɔ́ bǐ.”

Bǐbɛ́mɛ 39:2

Mawu Mavɔmavɔ ka ɖo kpɔ́ xá Jozɛ́fu, bɔ nǔ bǐ ɖo yiyi n'i wɛ. Gǎn tɔn Ejípunu ɔ́ sín xwé gbe wɛ é nɔ́ nɔ.

Bǐbɛ́mɛ 39:3

Jozɛ́fu sín gǎn ɔ́ mɔ ɖɔ Mawu Mavɔmavɔ ɖo kpɔ́ xá ɛ; é mɔ ɖɔ Mawu Mavɔmavɔ nɔ bló bɔ nǔ e wa wɛ é ɖe lɛ́ɛ bǐ nɔ́ ɖo yiyi n'i wɛ.

1 Axɔ́sú 8:56

“Un dó kú nú Mawu Mavɔmavɔ ɖó é ná vivo togun tɔn Izlayɛ́li, bɔ é sɔgbe xá akpá e é dó lɛ́ɛ bǐ! Akpá ɖagbe ɖagbe e é dó gbɔn mɛsɛntɔ́ tɔn Mɔyízi jí lɛ́ɛ ɔ́, é gɔn ɖěbǔ ɖe ǎ.

2 Axɔ́sú 10:10

Mi bo tunwun ɖɔ xó e Mawu Mavɔmavɔ ɖɔ dó Akábu sín mɛ lɛ́ɛ wú ɔ́ ɖě kún ná gɔn jijɛ ó. Mawu Mavɔmavɔ bló nǔ e é ɖɔ gbɔn mɛsɛntɔ́ tɔn Elíi jí é.”

2 Axɔ́sú 15:12

Lě e nǔ e Mawu Mavɔmavɔ ɖɔ nú Jehu ɔ́ jɛ gbɔn é nɛ́. Mawu Mavɔmavɔ ɖɔ n'i ɖɔ: “Vǐ towe, vǐvú towe, vitikli towe kpó kpaba towe kpó ná yi axɔ́súzinkpo Izlayɛ́li tɔn jí.”

2 Axɔ́sú 22:16

‘Xó e Mawu Mavɔmavɔ, Mawu Izlayɛ́li tɔn ɔ́ ɖɔ ɔ́ ɖíe: Un ná sɛ́ awě dó toxo élɔ́, bó sɛ́ dó mɛ e ɖo toxo ɔ́ mɛ lɛ́ɛ lě e Judáa xɔ́sú ɔ́ xa gbɔn ɖo sɛ́nwéma ɔ́ mɛ é.’

Ezayíi 43:2

A ɖo tɔ mɛ gbɔn wɛ ɔ́, un ná ɖo kpɔ́ xá we; a ɖo tɔ gbo wɛ ɔ́, a nǎ kú tɔ ǎ. A ɖo zɔnlin ɖi gbɔn myɔ mɛ wɛ ɔ́, a nǎ ji myɔ ǎ, myɔ ná wa nǔɖé nú we ǎ.

Ezayíi 44:26

Amɔ̌, nǔ e mɛsɛntɔ́ ce lɛ́ɛ ɖɔ ɔ́, un nɔ bló, xó e mɛsɛ́dó ce lɛ́ɛ ɖɔ lɛ́ɛ ɔ́, un nɔ bló bɔ bǐ nɔ́ nyí wiwa. Un ɖɔ dó Jeluzalɛ́mu wú ɖɔ: ‘É ná vɔ́ ji gba. È nǎ bló nǔ e gblé lɛ́ɛ bǐ ɖó.’ Un ɖɔ dó toxo Judáa tɔn lɛ́ɛ wú ɖɔ: ‘È nǎ vɔ̌ toxo lɛ́ɛ gbá.’

Ezayíi 55:11

Mɔ̌ ɖokpó ɔ́, xó e nɔ́ tɔ́n sín nu ce mɛ ɔ́ nɔ́ lɛ́ kɔ wá gɔ̌n ce agba ǎ; é nɔ́ bló nǔ e un lɛ́n é, é nɔ́ bló nǔ e gbé un sɛ́ ɛ dó é.”

Matíe 1:23

“É ɖíe, nyɔ̌nu ɖo alɔjí ná mɔ xo, bó ná ji vǐ súnnu ɖokpó, bɔ è nǎ sun nyǐ i ɖɔ Emanuwɛ́li.” (Nyǐkɔ énɛ́ ɔ́ sín tínmɛ wɛ nyí: “Mawu ɖo kpɔ́ xá mǐ.”)

Luki 1:28

Wɛnsagun ɔ́ yi Mali gɔ́n, ɖo xwé tɔn gbe, bó dó gbe e ɖɔ: “Mali, fífá ní nɔ kpɔ́ xá we. Mawu jɔwǔ we; Aklúnɔ ɖo kpɔ́ xá we.”

Luki 1:80

Vǐ ɔ́ ɖo susu wɛ, bɔ nǔ e é nyí ɔ́ ɖo wěxo jɛ wɛ. É yi cí gbětótló mɛ káká jɛ gbe e gbe é wá ɖe éɖée xlɛ́ Izlayɛ́li togun ɔ́ é.

Luki 2:40

Vǐ ɔ́ ka ɖo susu wɛ, bɔ hlɔ̌nhlɔ́n ɖo wǔ tɔn wá wɛ; nǔnywɛ́ kpé e; bɔ nyɔ̌ná Mawu tɔn ɖo kpɔ́ xá ɛ.

Luki 2:52

Jezu ɖo susu wɛ, bɔ nǔnywɛ́ tɔn ɖo jijɛ jí wɛ. Mawu yí wǎn n'i, bɔ gbɛtɔ́ lɛ́ɛ lɔ yí wǎn n'i.

2 Kɔlɛ́ntinu 13:11

Nɔví lɛ́ɛ mi, din ɔ́, é su gbeɖé! Mi dó gǎn bó ná nyí nǔɖagbewatɔ́ yí fó; mi dó wǔsyɛ́n lanmɛ nú miɖée; mi ɖó gbe kpɔ́; mi fá xomɛ dó miɖée wú; énɛ́ ɔ́, Mawu wǎn yíyí kpó fífá kpó nɔ ɔ́ ná nɔ kpɔ́ xá mi.

Sɛ́nflínmɛ 18:22

Éɖíe, ényí gbeyíɖɔ ɖé ɖɔ nǔɖé dó Mawu Mavɔmavɔ sín nyǐkɔ mɛ, bɔ nǔ ɔ́ má jɛ ǎ ɔ́, hǔn xó e é ɖɔ ɔ́ gosín Mawu Mavɔmavɔ gɔ́n ǎ nɛ́. Gbeyíɖɔ ɔ́ ɖésú wɛ syɛ́n ta bó ɖɔ xó énɛ́ ɔ́. Mi ma ké ya nú xó tɔn ó.

2 Timɔtée 4:22

Aklúnɔ ní nɔ kpɔ́ xá we. Fɛ́nú Mawu tɔn ní nɔ kpɔ́ xá mi.

Jozuwée 21:45

Akpá e Mawu Mavɔmavɔ dó nú Izlayɛ́li togun ɔ́ lɛ́ɛ, bǐ wɛ é ɖe. É gɔn ɖěbǔ ɖe ǎ.

Hwɛɖɔtɔ́ 13:24

Nyɔ̌nu ɔ́ ji vǐ súnnu ɖokpó, bó sun nyǐ i ɖɔ Sanmusɔ́ɔn. Vǐ ɔ́ su, bɔ Mawu Mavɔmavɔ dó acɛ jǐ tɔn.

1 Samuwɛ́li 10:7

Ényí nǔ énɛ́ lɛ́ɛ bǐ jɛ ɔ́, a nǎ tunwun ɖɔ Mawu ɖo kpɔ́ xá émí nǔgbó. Hwenɛ́nu ɔ́, a nǎ jɛ nǔ wa jí lě e é byɔ́ gbɔn é.

1 Samuwɛ́li 12:2

Bɛ́ sín din ɔ́, é wɛ ná ɖu gǎn ɖo mi nu. Nyɛ ɔ́, un ko kpo, bó wú hwa kpé fí bǐ; vǐ ce lɛ́ɛ ka ɖo mi mɛ. Nyɛ ɔ́, un nɔ mi nu sín vǔ ce káká wá jɛ égbé.

1 Samuwɛ́li 16:18

Mɛsɛntɔ́ lɛ́ɛ ɖokpó ká yí xó, bó ɖɔ: “Un tunwun Jɛsée Bɛteleyɛ́munu ɔ́ sín vǐ ɖokpó, bɔ é nyɔ́ nǔ xo ganjí. Nyaví ahwanfuntɔ́ ɖé wɛ. É nyɔ́ xó ɖɔ ganjí. É nyɔ́ ɖɛkpɛ. Asúká ɖokpó wɛ. Mawu Mavɔmavɔ ɖo kpɔ́ xá ɛ.”

1 Samuwɛ́li 18:12

Sawúlu jɛ xɛsi ɖi nú Davídi jí, ɖó Mawu Mavɔmavɔ ɖo kpɔ́ xá ɛ, bó ká jó éyɛ́ Sawúlu ɔ́ dó.

1 Samuwɛ́li 18:14

Davídi sɔ́ nǔ ɖěbǔ bó ná wa ɔ́, é nɔ bló ganjí, bɔ Mawu Mavɔmavɔ ɖo kpɔ́ xá ɛ.

1 Samuwɛ́li 18:5

Sawúlu sɛ́ Davídi dó ahwangbénu hweɖěbǔnu ɔ́, Davídi nɔ ɖu ɖ'é jí, bɔ Sawúlu sɔ́ ɛ ahwangán, bɔ é nyɔ́ togun ɔ́ bǐ nukún mɛ, káká bó lɛ́ nyɔ́ mɛsɛntɔ́ Sawúlu tɔn lɛ́ɛ lɔ nukún mɛ.

1 Samuwɛ́li 2:21

Mawu Mavɔmavɔ nyi kɔ kpɔ́n Ana, bɔ é lɛ́ ji vǐ; é ji súnnu atɔn, nyɔ̌nu we. Samuwɛ́li ka ɖo susu wɛ ɖo Mawu Mavɔmavɔ nukɔn.

1 Samuwɛ́li 2:26

Samuwɛ́li ka ɖo susu wɛ, bɔ nǔ tɔn nyɔ́ Mawu Mavɔmavɔ nukún mɛ, bó nyɔ́ gbɛtɔ́ lɛ́ɛ nukún mɛ.

1 Samuwɛ́li 9:6

Mɛsɛntɔ́ ɔ́ ká yí gbe n'i ɖɔ: “Đɛ̌mɛnu Mawu tɔn ɖokpó ɖo toxo élɔ́ mɛ fí; nya ɖé wɛ bɔ mɛ bǐ nɔ sí i. É ɖɔ nǔɖé ɔ́, é nɔ jɛ. Wǎ mǐ ní yi gɔ̌n tɔn, afɔ nyɔ́ ɔ́, é ná ɖɔ ali e mǐ ná gbɔn bó ná mɔ tócí lɛ́ɛ nú mǐ.”