1 Samuwɛ́li 3:18 - MAWUXÓWÉMA

¹⁸ Énɛ́ ɔ́, Samuwɛ́li wlí bǐ ɖɔ n'i; é ɖe ɖě kpo ǎ. Eli ka ɖɔ: “Mawu Mavɔmavɔ wɛ, ní bló lě e é jló e gbɔn é.”

1 Samuwɛ́li 3:18 Iomraidhean Croise

Bǐbɛ́mɛ 18:25

A nǎ hu mɛ ɖagbe kpó mɛ nyanya kpó. A nǎ bló mɔ̌ bɔ é ná nyí ɖɔ nǔ ɖokpó ɔ́ wɛ ɖo te kpɔ́n mɛ ɖagbe kpó mɛ nyanya kpó wɛ a? Ma wa nǔ gbɔn mɔ̌ ó; hwi mɛ e nyí hwɛɖɔtɔ́ gbɛ ɔ́ bǐ tɔn ɔ́ ná gɔn hwɛjijɔ xwedó dó wa nǔ wɛ a?”

2 Samuwɛ́li 10:12

Kpan akɔ́n! Mǐ ní ván kan bo fun ahwan nú togun mǐtɔn kpó Mawu mǐtɔn sín toxo lɛ́ɛ kpó. Mawu Mavɔmavɔ ní ka bló lě e é jló e gbɔn é.”

2 Samuwɛ́li 15:26

Amɔ̌, nú é ma jló ná wa ɖagbe nú mì ǎ ɔ́, nyi ɖíe ɖo fí e, é ní wa nǔ ce lě e é jló e gbɔn é.”

2 Axɔ́sú 20:19

Ezekiyási ka ɖɔ nú Ezayíi ɖɔ: “Xó e Mawu Mavɔmavɔ ɖɔ bɔ a ɖɔ ɔ́ nyɔ́.” Đó é tunwun dó xo tɔn mɛ ɖɔ: “Nú un ɖo gbɛ jɛ́n wɛ ɔ́, mǐ nǎ mɔ fífá kpó ayi jɛ ayǐ kpó.”

1 Tan 19:13

Kpan akɔ́n. Wǎ mǐ ván kan bó fun ahwan nú togun mǐtɔn kpó toxo Mawu Mavɔmavɔ, Mawu mǐtɔn tɔn lɛ́ɛ kpó; Mawu Mavɔmavɔ ní ka bló lě e é jló gbɔn é.”

Jɔ̌bu 1:21

bó ɖɔ: “Mɛ̌ wɛ un zɔn sín nɔ ce xomɛ, bó ká ná lɛ́ zɔn mɛ̌ byɔ́ kɔ́ glɔ́. Mawu Mavɔmavɔ wɛ ná, Mawu Mavɔmavɔ wɛ ka lɛ́ yí, susu nú Mawu Mavɔmavɔ.”

Jɔ̌bu 2:10

Ée asi tɔn ɖɔ mɔ̌ ɔ́, é ɖɔ n'i ɖɔ: “A nɔ ɖɔ xó nyɔ̌nu e ayixa tɔn ma sɔgbe ǎ é ɖɔhun. Mawu sɔ́ ɖagbe wá ɔ́, mǐ nɔ yí, é sɔ́ nyanya wá ɔ́, mǐ nǎ gbɛ́ wɛ a?” Nǔ énɛ́ lɛ́ɛ bǐ gbo Jɔ̌bu, có é hu hwɛ ɖěbǔ ɖo xó ɖiɖɔ mɛ ǎ.

Ɖɛhan 39:9

Xɔ mì ɖo hwɛ e un hu lɛ́ɛ bǐ mɛ. Ma jó mì dó nú má ɖu winnyá ɖo xlonɔ lɛ́ɛ nukɔn ó.

Tíntɔ́n 34:5

Mawu Mavɔmavɔ jɛ te ɖo akpɔ́kpɔ́ mɛ, bó wá nɔ te akpá tɔn, bó ɖɔ mɛ e é nyí ɔ́ nú Mɔyízi.

Ezayíi 39:8

Ezekiyási ka ɖɔ nú Ezayíi ɖɔ: “Xó e Mawu Mavɔmavɔ ɖɔ bɔ a ɖɔ ɔ́ nyɔ́.” Đó é tunwun dó xo tɔn mɛ ɖɔ: “Nú un ɖo gbɛ jɛ́n wɛ ɔ́, mǐ na mɔ fífá kpó ayi j'ayǐ kpó.”

Jelemíi 34:6

Wɛn e gbeyíɖɔ Jelemíi dó Judáa xɔ́sú Sedesíyasi é nɛ́. Jeluzalɛ́mu wɛ nǔ énɛ́ ɔ́ ɖo jijɛ ɖe wɛ.

Jelemíi 38:14

Axɔ́sú Sedesíyasi sɛ́ mɛ dó, bɔ è yi kplá Jelemíi wá; ée Jelemíi wá ɔ́, axɔ́sú ɔ́ kplá ɛ jɛ vo, ɖo Mawu Mavɔmavɔ xwé ɔ́ sín hɔntogbó atɔngɔ́ ɔ́ jí, bó ɖɔ n'i ɖɔ: “Jelemíi, un jló ná kan nǔ ɖokpó byɔ́ we, ma hwlá nǔ ɖěbǔ dó mì ó.”

Jelemíi 42:4

Ée yě ɖɔ mɔ̌ ɔ́, gbeyíɖɔ Mawu tɔn Jelemíi ɖɔ nú yě ɖɔ: “Un se xó e mi ɖɔ é. Un na sa vo nú Mawu Mavɔmavɔ, Mawu mǐtɔn lě e mi ɖɔ gbɔn ɔ́. É ká ɖɔ xó ɖé ɔ́, un ná ɖɔ bǐ nú mi, un ná hwlá ɖěbǔ dó mi ǎ.”

Gbɛvíhan 3:39

Mɛ e nɔ ɖo nǔ wa nyi do wɛ cóbó ká nɔ́ kpo ɖo gbɛ ɔ́, étɛ́ sín vo é ká ná lɛ́ sa?

Levíi ví 10:3

Énɛ́ ɔ́, Mɔyízi ɖɔ nú Aalɔ́ɔn ɖɔ: “Nǔ e Mawu Mavɔmavɔ kó ɖɔ ɖ'ayǐ gbɔn xógbe élɔ́ lɛ́ɛ jí ɔ́ nɛ́. É ɖɔ: ‘Un jló ɖɔ mɛ e nɔ wa azɔ̌ nú mì lɛ́ɛ ní nɔ́ ɖó sísí nú mǐmɛ́ e un nyí ɔ́; énɛ́ ɔ́, togun ɔ́ bǐ ná nɔ́ kpa susu nú mì.’ ” Aalɔ́ɔn ka kɛ nu ǎ.

1 Piyɛ́ɛ 5:6

Hǔn mi bo hwíhwɛ́ miɖée dó Mawu sín alɔ hlɔ̌nhlɔ́nnɔ ɔ́ glɔ́, bónú é ná sɔ́ mi su hwenu e é ɖó dó é.

Hwɛɖɔtɔ́ 10:15

Bɔ Izlayɛ́li ví lɛ́ɛ lɛ́ yí xó, bó ɖɔ: “Mawu Mavɔmavɔ, hwɛ wɛ mǐ hu. Wa nǔ xá mǐ lě e é jló we gbɔn ɔ́, amɔ̌, hwlɛ̌n mǐ gán égbé.”