1 Samuwɛ́li 27:9 - MAWUXÓWÉMA

⁹ Davídi nɔ yi gba togun énɛ́ lɛ́ɛ sín to. É nɔ jó mɛ ɖěbǔ dó nyi gbɛ ǎ; súnnu wɛ a, nyɔ̌nu wɛ a? É nɔ hu bǐ, bó nɔ bɛ́ gbɔ̌ yětɔn lɛ́ɛ, nyibú yětɔn lɛ́ɛ, tócí yětɔn lɛ́ɛ, lǎkúnmí yětɔn lɛ́ɛ kpó avɔ yětɔn lɛ́ɛ kpó, bó nɔ lɛ́ kɔ yi Akíci gɔ́n.

1 Samuwɛ́li 27:9 Iomraidhean Croise

Bǐbɛ́mɛ 16:7

Wɛnsagun Mawu Mavɔmavɔ tɔn mɔ Hagáa ɖo tɔjɔtɛn ɖé kɔn, ɖo gbětótló mɛ ɖo Cúu sín ali jí.

Bǐbɛ́mɛ 25:18

Kúnkan tɔn lɛ́ɛ nɔ́ nɔ gbě ɖé jí ɖo Hawíla kpódó Cúu kpó tɛ́ntin. Cúu ɔ́ ɖo Ejípu kpá, ɖo zǎnzǎnhwe jí, ɖo Acúu wají. Yě ján dó kúnkan Ablaxámu tɔn ɖě lɛ́ɛ mɛ ǎ.

Jɔ̌bu 1:3

É ɖó gbɔ̌ děgba ɖě afɔwó-afatɔ́n (7.000), lǎkúnmí afɔwó-afatɔ́n (3.000), nyibú we we donu afɔwe kanwe ko (500), tócí asi afɔwe kanwe ko (500). É ɖó azɔ̌watɔ́ kɔn nyi kpɔ́. Nya nukúnɖéjí ɖaxó bǐ e ɖo to ɖěɖě e ɖo zǎnzǎnhwe jí nú Judɛ́ɛn tɔ ɔ́ lɛ́ɛ é wɛ.

Tíntɔ́n 15:22

Mɔyízi kplá Izlayɛ́li ví lɛ́ɛ tɔ́n sín Xu Vɔvɔ ɔ́ mɛ, bɔ yě ɖidó gbětótló Cúu tɔn ɔ́ gbé jí. Yě zun zɔnlin ɖo gbětótló ɔ́ mɛ nú azǎn atɔn, bó mɔ sin ǎ.

Jozuwée 6:21

Yě vívá nǔ e ɖo toxo ɔ́ mɛ lɛ́ɛ bǐ sín kún. Yě hu súnnu lɛ́ɛ, bó hu nyɔ̌nu lɛ́ɛ, bó hu mɛ wínnyáwínnyá lɛ́ɛ kpódó degénɔ lɛ́ɛ kpó. Yě hu káká bó hu nyibú bó hu gbɔ̌ kpódó tócí lɛ́ɛ kpó.

1 Samuwɛ́li 15:3

Din ɔ́, yi bo gba Amalɛ́ki, bó hɛn nǔ tɔn lɛ́ɛ bǐ gblé. Ma jó é ɖésúnɔ dó ó. A nǎ hu nǔ e ɖo to ɔ́ mɛ lɛ́ɛ bǐ; a nǎ hu súnnu kpó nyɔ̌nu kpó, yɔkpɔ́vú kpó vǐ yɛ̌yɛ́ kpó, nyibú kpó gbɔ̌ kpó, lǎkúnmí kpó tócí kpó.’ ”

1 Samuwɛ́li 15:7

Ée Keninu lɛ́ɛ tɔ́n ɔ́, Sawúlu gba Amalɛ́ki ví lɛ́ɛ, sín Hawíla káká wá Cúu, ɖo Ejípu kpá.

1 Samuwɛ́li 15:8

É wlí Amalɛ́ki xɔ́sú Agagi ɔ́ gbɛɖe gbɛɖe, bo hu mɛ e kpo lɛ́ɛ bǐ.