1 Samuwɛ́li 27:8 - MAWUXÓWÉMA

⁸ Davídi kpó mɛ tɔn lɛ́ɛ kpó nɔ yi tɔ́n ahwan Gɛcúunu lɛ́ɛ, Giizíti lɛ́ɛ; yě mɛ énɛ́ lɛ́ɛ kpó Amalɛ́ki ví lɛ́ɛ kpó kó ɖo gbě énɛ́ jí sín do. Togun e ko ɖo gbě énɛ́ jí ɖo Cúu wa jí káká yi Ejípu lɛ́ɛ bǐ wɛ yě nɔ́ gosín Siklági bo nɔ yi tɔ́n ahwan.

1 Samuwɛ́li 27:8 Iomraidhean Croise

2 Samuwɛ́li 14:23

Ée é ɖɔ mɔ̌ ɔ́, é sí te bo yi Gɛcúu, bó yi kplá Abusalɔ́mu wá Jeluzalɛ́mu.

2 Samuwɛ́li 14:32

Bɔ Abusalɔ́mu yí gbe nú Jowabu ɖɔ: “Nǔ e wú wɛ ɔ́, un ɖɔ hwi ní wá gɔ̌n ce bɔ a gbɛ̌. Un ka jló ná sɛ́ we dó axɔ́sú ɔ́ gɔ́n wɛ, bɔ a nǎ yi kanbyɔ́ ɛ nú mì ɖɔ étɛ́wú un ka lɛ́ kɔ sín Gɛcúu wá é jí? Un gbɔ bo nɔ dɔ̌n ɔ́, é nyɔ́ hú. Din ɔ́, un jló ná yi mɔ axɔ́sú ɔ́, bónú hwɛ ɖé wɛ un hu ɔ́, é ná gbɔ bo hu mì.”

2 Samuwɛ́li 15:8

Nǔ e wú un ɖɔ mɔ̌ ɔ́, hwenu e un ɖo Gɛcúu Silíi yíkúngban jí ɔ́, un ɖɔ nú Mawu Mavɔmavɔ ɖɔ nú é kplá mì yi Jeluzalɛ́mu ɔ́, un ná yi sá vɔ̌ n'i ɖo Eblɔ́n.”

2 Samuwɛ́li 3:22

É nɔ zaan bɔ Jowabu kpó Davídi sín ahwanfuntɔ́ lɛ́ɛ kpó lɛ́ kɔ sín to ɖé gba gbé wá. Nǔ e yě mɔ sín dɔ̌n ɔ́ sukpɔ́ tawun. Avunɛ́ɛ sɔ́ ɖo kpɔ́ xá Davídi ɖo Eblɔ́n ǎ, ɖó Davídi ko nyi Avunɛ́ɛ, bɔ é ko yi kpó fífá kpó.

2 Samuwɛ́li 3:3

Vǐ tɔn wegɔ́ ɔ́ nɔ nyí Kileavu, Avigayilu Kaamɛ́linu, asúkúsi Navalu tɔn ɔ́ wɛ ji vǐ énɛ́ ɔ́ n'i. Vǐ tɔn atɔngɔ́ ɔ́ nɔ nyí Abusalɔ́mu; Gɛcúu xɔ́sú Talumayi sín vǐ Maaka wɛ ji vǐ énɛ́ ɔ́ n'i.

2 Samuwɛ́li 8:12

Nǔ énɛ́ lɛ́ɛ ɔ́, é bɛ́ ɖě sín Silíi, bó bɛ́ ɖě sín Mɔwabu, bó bɛ́ ɖě sín Amumɔ́ɔ ví lɛ́ɛ gɔ́n, bó bɛ́ ɖě sín Filisitɛ́ɛn lɛ́ɛ gɔ́n, bó bɛ́ ɖě sín Amalɛ́ki ví lɛ́ɛ gɔ́n, bɔ nǔ e é fun ahwan xá Hadadɛzɛ́ɛ bo yí lɛ́ɛ gɔ́ ná.

1 Tan 2:23

Axɔ́sú Gɛcúu tɔn kpó Alamu tɔn kpó yí gletoxo Yayíi tɔn lɛ́ɛ, bó yí gletoxo e ɖo Kenáti lɛ́ɛ kpódó éé lɛ́ lɛ̌ dó e lɛ́ɛ kpó, bɔ bǐ bló kanɖé ko (60). Mɛ e ɖo toxo énɛ́ lɛ́ɛ mɛ lɛ́ɛ bǐ wɛ nyí Makíi, Galadi tɔ́ ɔ́ sín vǐ.

Tíntɔ́n 15:22

Mɔyízi kplá Izlayɛ́li ví lɛ́ɛ tɔ́n sín Xu Vɔvɔ ɔ́ mɛ, bɔ yě ɖidó gbětótló Cúu tɔn ɔ́ gbé jí. Yě zun zɔnlin ɖo gbětótló ɔ́ mɛ nú azǎn atɔn, bó mɔ sin ǎ.

Tíntɔ́n 17:8

Amalɛ́ki ví lɛ́ɛ wá tɔ́n ahwan Izlayɛ́li ví lɛ́ɛ ɖo Hlefidímu.

Kɛ́nsísɔ́ 13:29

Amalɛ́ki ví lɛ́ɛ ɖo to ɔ́ sín afɔligbé; Hitíti lɛ́ɛ, Jebuzinu lɛ́ɛ, kpódó Amɔliti ví lɛ́ɛ kpó ɖo sókan mɛ, bɔ Kanáanu lɛ́ɛ ɖo xu ɔ́ kpódó Judɛ́ɛn tɔ ɔ́ kpó kpá.”

Kɛ́nsísɔ́ 14:45

Énɛ́ ɔ́, Amalɛ́ki ví lɛ́ɛ kpódó Kanáanu lɛ́ɛ kpó ɖo sókan ɔ́ mɛ; yě jɛ te sín só ɔ́ jí, bó wá fun ahwan xá Izlayɛ́li ví lɛ́ɛ, bó ɖu ɖo yě jí, bó jɛ gǔdo yětɔn káká wá Hɔ́ɔma.

Jozuwée 12:5

É kpa acɛ ɖo Ɛmɔ́ɔ só ɔ́ kɔn, bó kpa acɛ ɖó Saluka toxo ɔ́ nu, bó kpa acɛ dó Basáni to ɔ́ bǐ nu, káká yi Gɛcúunu lɛ́ɛ kpó Maakatinu lɛ́ɛ kpó sín dogbó jí. É lɛ́ kpa acɛ dó ayǐkúngban Galadi tɔn ɔ́ sín vlɔ̌ɖówe nu, káká yi bɔdó Sihɔ́ni axɔ́sú Hɛcibɔ́ni tɔn sín dogbó wú.

Jozuwée 13:13

Lo ɔ́, Izlayɛ́li ví lɛ́ɛ nya Gɛcúunu lɛ́ɛ, kpódó Maakatinu lɛ́ɛ kpó ǎ, bɔ mɛ énɛ́ lɛ́ɛ lɛ́ kpo ɖo Izlayɛ́li ví lɛ́ɛ mɛ káká wá jɛ din.

Jozuwée 13:2

Fí e kpo bɔ a nǎ yí lɛ́ɛ ɖíe: a nǎ yǐ Filisitɛ́ɛn lɛ́ɛ kpó Gɛcúunu lɛ́ɛ kpó sín to.

Jozuwée 16:10

Eflayímu ví lɛ́ɛ nya Kanáanu e ɖo Gɛzɛ́ɛ lɛ́ɛ ǎ. Yě mɛ énɛ́ lɛ́ɛ kpo ɖo Eflayímu ví lɛ́ɛ mɛ káká jɛ égbé, bɔ Eflayímu ví lɛ́ɛ kpa acɛ nú yě bó nɔ́ zɔ́n azɔ̌ syɛ́nsyɛ́n lɛ́ɛ yě.

Hwɛɖɔtɔ́ 1:29

Eflayímu sín mɛ lɛ́ɛ kpé wú bó nya Kanáanu e nɔ nɔ Gɛzɛ́ɛ lɛ́ɛ ǎ; bɔ Kanáanu lɛ́ɛ nɔ tɛ́ntin yětɔn.

1 Samuwɛ́li 29:6

Ée yě ɖɔ mɔ̌ ɔ́, Akíci gbɔ bo ylɔ́ Davídi bó xwlé Mawu n'i ɖɔ: “Mawu Mavɔmavɔ ɖo gbɛ! Gbɛtɔ́ e nɔ wa nǔ jlɔ́jlɔ́ é wɛ nú we; nú a yi fun ahwan élɔ́ xá mì ɔ́, é ná víví nú mì, ɖó sín gbe e gbe a wǎ gɔ̌n ce ɔ́ káká wá jɛ égbé din ɔ́, un mɔ nǔjɛdo ɖěbǔ ɖo wǔ we ǎ. Amɔ̌, axɔ́sú ɖě lɛ́ɛ ba xó towe ǎ.

1 Samuwɛ́li 30:1

Ée Filisitɛ́ɛn lɛ́ɛ nya Davídi bɔ é lɛ́ kɔ ɔ́, é kpó mɛ tɔn lɛ́ɛ kpó wá Siklági toxo mɛ azǎn atɔngɔ́ ɔ́ gbe. Amalɛ́ki ví lɛ́ɛ byɔ́ Judáa tofɔligbé bó tɔ́n ahwan Siklági toxo ɔ́. Yě gba Siklági toxo ɔ́ bǐ, bó dó zo.