1 Samuwɛ́li 27:1 - MAWUXÓWÉMA

¹ Davídi wá lin tamɛ bo ɖɔ dó ayi mɛ ɖɔ: “É lín káká ɔ́, Sawúlu ná wá hu mì gbe ɖokpó. Nǔɖé sɔ́ kpo nú mì din zɛ má hɔn yi Filisitɛ́ɛn lɛ́ɛ gɔ́n wú ǎ. Énɛ́ ɔ́, Sawúlu ná gbɔjɛ́, bó gɔn biba mì kpé gbɔn Izlayɛ́li to ɔ́ bǐ mɛ; un bló mɔ̌ ɔ́, un ná gló e.”

1 Samuwɛ́li 27:1 Iomraidhean Croise

1 Axɔ́sú 12:26

Jelobowámu ɖo ɖiɖɔ dó ayi mɛ wɛ ɖɔ: “Nǔ e ɖo jijɛ wɛ din ɔ́ ná zɔ́n bɔ mɛ e ɖo axɔ́súɖuto ce mɛ lɛ́ɛ ná lɛ́ kɔ yi axɔ́súɖuto Davídi tɔn mɛ.

1 Axɔ́sú 12:28

Énɛ́ ɔ́, é ba ayixa ɖokpó; é zɔ́n bɔ è zě siká dó bló nyibúví we n'i, bɔ é ɖɔ nú togun ɔ́ ɖɔ: “Fí e mi yi Jeluzalɛ́mu jɛ ɔ́ kpé. Izlayɛ́linu e mi! Mawu mitɔn ɖíe. É wɛ ɖe mi tɔ́n sín Ejípu.”

1 Axɔ́sú 19:3

Ée Elíi se mɔ̌ ɔ́, xɛsi jɛ jǐ tɔn, bɔ é kplá mɛsɛntɔ́ tɔn, bó hɔn, bó ná hwlɛ́n éɖée. É wá jɛ Bɛ̌-Ceva ɖo Judáa sín afɔligbé bó jó mɛsɛntɔ́ tɔn dó nyi fínɛ́.

2 Tan 25:17

Axɔ́sú Judáa tɔn Amasiyasi ɖótó mɛ ɖěvo lɛ́ɛ, bó sɛ́ mɛ dó Yexoázi Yoakázi ví, Jehu vívú, Izlayɛ́li xɔ́sú ɔ́ ɖɔ yě nǐ yi ɖɔ n'i ɖɔ: “Wǎ mǐ ná fun ahwan.”

Ɖɛhan 116:11

Un dán ɖě wa gbɔn káká bó ɖɔ: “È sixú gán jɛ gbɛtɔ́ ɖě wú ǎ.”

Ɖɛhan 55:7

Bɔ un nɔ ɖɔ nǔɖé ló ná awa mì ahwannɛ́ ɖɔhun, énɛ́ ɔ́, un ná zɔn, bó ná yi vo ɖo fí ɖé.

Tíntɔ́n 14:12

Hwenu e mǐ kpo ɖo dɔ̌n ɔ́, mǐ ka ɖɔ nú we ganjí mɛ. Mǐ ɖɔ nú we ɖɔ hwi ní ná agbɔ̌n mǐ; mǐ ɖɔ nú we ɖɔ mǐ ɖǒ jlǒ bó ná wa azɔ̌ nú Ejípunu lɛ́ɛ. Énɛ́ ɔ́ nyɔ́ nú mǐ hú mǐ ní kú jɛ gbětótló mɛ.”

Nǔnywɛ́xó 13:12

È ɖo nǔɖé ɖó nukún wɛ bó má ɖo mimɔ wɛ ǎ ɔ́, azɔn wɛ é nɔ́ dó mɛ; è ka ɖo nǔɖé ba wɛ bó mɔ ɔ́, é nɔ́ cí atín e nɔ́ ná gbɛ ɔ́ ɖɔhun nú mɛ.

Ezayíi 51:12

Mawu ɖɔ: “Nyi wɛ nɔ dó wǔsyɛ́n lanmɛ nú mi; nyi wɛ nɔ bló mɔ̌; togun ce, étɛ́wú a ka nɔ ɖi xɛsi nú gbɛtɔ́? Gbɛtɔ́ bǐ wɛ nɔ́ kú; gběhan gbɛ mɛ wɛ yě ɖe.

Kɛ́nsísɔ́ 14:3

Aniwú Mawu Mavɔmavɔ ka kplá mǐ xwe to énɛ́ ɔ́ mɛ, bɔ mǐ ná kú ɖo ahwangbénu, bɔ asi mǐtɔn lɛ́ɛ kpó vǐ mǐtɔn lɛ́ɛ kpó ná nyí mɛ e ɖu ɖo jǐ mǐtɔn lɛ́ɛ sín ahwankannumɔ? Mǐ lɛ́ kɔ yi Ejípu ɔ́, é nyɔ́ nú mǐ hú ǎ cé?”

Matíe 14:31

Tlóló ɔ́, Jezu dlɛ́n alɔ, bó hɛn ɛ, bó ɖɔ n'i ɖɔ: “Nǔɖiɖihwedónánɔ, étɛ́wú wɛ a xo nǔ kpɔ́n?”

Maki 4:40

Bɔ é wá kanbyɔ́ ahwanvú tɔn lɛ́ɛ ɖɔ: “Aniwú mi ka ɖo xɛsi ɖi wɛ sɔ mɔ̌? Mi ɖó nǔɖiɖi ǎ cé?”

2 Kɔlɛ́ntinu 7:5

Đésú ɔ́, hwenu e mǐ wá Masedwani ɔ́, mǐ mɔ gbɔjɛ́ ɖěbǔ ǎ; mǐ mɔ wǔvɛ́ gbɔn fí bǐ: mǐ nɔ ɖo zali xá mɛɖěvo lɛ́ɛ wɛ, bó nɔ́ ɖo xɛsi ɖi wɛ ɖo ayi mɛ.

1 Samuwɛ́li 16:1

Mawu Mavɔmavɔ ɖɔ nú Samuwɛ́li ɖɔ: “Hwetɛ́nu a nǎ gɔn avǐ ya dó Sawúlu tamɛ dó? Un gbɛ́ xó tɔn wɛ hǔn; é sɔ́ ná ɖu axɔ́sú ɖo Izlayɛ́li gbeɖé ǎ. Hwɛ ɔ́, un ná sɛ́ we dó Jɛsée Bɛteleyɛ́munu ɔ́ gɔ́n, ɖó mɛ e un jló ná sɔ́ axɔ́sú ɔ́, un mɔ ɖo vǐ tɔn lɛ́ɛ mɛ. Hǔn, sɔ́ lanzo towe bó kɔn ami d'é mɛ ní gɔ́, bó jɛ ali.”

1 Samuwɛ́li 16:13

Samuwɛ́li sɔ́ ami ɔ́ bó kɔn dó ta n'i bó sɔ́ ɛ axɔ́sú ɖo nɔví tɔn lɛ́ɛ nukún mɛ. Kpowun ɔ́, yɛ Mawu Mavɔmavɔ tɔn wá Davídi jí gbe énɛ́ gbe, bó nɔ jǐ tɔn káká sɔ́yi. Ée Samuwɛ́li bló énɛ́ ɔ́ fó ɔ́, é lɛ́ kɔ yi Hlama.

1 Samuwɛ́li 20:3

Davídi lɛ́ yí xó, bó ɖɔ n'i ɖɔ: “Un xwlé Mawu nú we ɖɔ nǔgbó wɛ. Tɔ́ towe tunwun ganjí ɖɔ xɔ́ntɔn towe wɛ un nyí; énɛ́ wú wɛ é má ná ba ɖɔ hwi ní mɔ do ná ǎ, é táá vɛ́ nú we. Amɔ̌, Mawu Mavɔmavɔ nukɔn ɖíe ɖɔ ɖe wɛ un ɖe, bó ɖo ɖiɖɔ wɛ ɖo hwi ɖésúnɔ nukɔn e, afɔ ɖiɖe ɖokpó jɛ́n ɖo kú kpó nyɛ kpó tɛ́ntin.”

1 Samuwɛ́li 22:5

É wá su gbe ɖokpó bɔ gbeyíɖɔ Mawu tɔn Gadi ɖɔ nú Davídi ɖɔ: “Ma nɔ fí élɔ́ e a wǎ hɔn hwlá cí é ó, yi Judáa tomɛ.” Ée é ɖɔ mɔ̌ ɔ́, Davídi yi nǔgbó bó yi cí Ɛlɛti zungbó mɛ.

1 Samuwɛ́li 23:17

É ɖɔ n'i ɖɔ: “Ma ɖi xɛsi nú nǔ ɖěbǔ ó, ɖó tɔ́ ce Sawúlu sixú wlí we ǎ. A nǎ ɖu axɔ́sú ɖo Izlayɛ́li, bɔ nyɛ ná bɔ dó wǔ we, bó ná nɔ glɔ́ towe. Tɔ́ ce ɖésú tunwun mɔ̌ ganjí.”

1 Samuwɛ́li 25:30

Sɛ́ ce, hwenu e Mawu Mavɔmavɔ ná bló nǔ ɖagbe e sín akpá é dó nú we ɔ́ bǐ, bó ná sɔ́ we ɖó Izlayɛ́li togun ɔ́ nu ɔ́,

1 Samuwɛ́li 26:19

Sɛ́mɛɖó, kɛnklɛ́n bó ɖótó xó e ɖɔ nú mɛ gbé un ja é. Ényí Mawu Mavɔmavɔ ɖésú wɛ sɛ́ mɛ dó ɖɔ mɛ wá wa mɔ̌ xá mì hǔn, ní yí vɔ̌ e è nǎ sá n'i ɔ́ dó fá xomɛ. É ká nyí gbɛtɔ́ lɛ́ɛ wɛ hǔn, Mawu Mavɔmavɔ ní dó nu yě, ɖó yě ɖo nyinya mì wɛ égbé din sín Mawu Mavɔmavɔ to ɔ́ mɛ, bó ɖo ɖiɖɔ nú mì wɛ ɖɔ nyi ní yi sɛn vodún.

1 Samuwɛ́li 29:2

Axɔ́sú Filisitɛ́ɛn lɛ́ɛ tɔn ɖokpó ɖokpó ɖo ahwankánɖó yětɔn yětɔn nukɔn bó ɖidó; Davídi kpó mɛ tɔn lɛ́ɛ kpó kplá axɔ́sú Akíci bó jɛ yě gúdo.

1 Samuwɛ́li 29:3

Ahwangán Filisitɛ́ɛn lɛ́ɛ tɔn lɛ́ɛ kanbyɔ́ ɖɔ: “Étɛ́ wa wɛ Eblée élɔ́ lɛ́ɛ ka ɖe ɖo fí?” Bɔ Akíci yí gbe nú yě ɖɔ: “É má nyí Sawúlu Izlayɛ́li xɔ́sú ɔ́ sín mɛsɛntɔ́ Davídi nɛ́ a? É ɖo gɔ̌n ce din ɔ́, xwe ko yi ɖokpó abǐ we; sín gbe e gbe é jó gǎn tɔn dó ɔ́ káká jɛ égbé din ɔ́, un ko mɔ nǔjɛdo ɖěbǔ ɖo wǔ tɔn ǎ.”