1 Samuwɛ́li 26:9 - MAWUXÓWÉMA

⁹ Lo ɔ́, Davídi ɖɔ nú Avicáyi ɖɔ: “Ma hu i ó. Ényí mǐ hu axɔ́sú e Mawu Mavɔmavɔ sɔ́ ɔ́, Mawu Mavɔmavɔ ná gɔn tó tɔn dɔn nú mǐ wɛ a vɛdó a?”

1 Samuwɛ́li 26:9 Iomraidhean Croise

2 Samuwɛ́li 1:14

Bɔ Davídi sú xó bó ɖɔ: “Étɛ́! A ja axɔ́sú e Mawu Mavɔmavɔ sɔ́ ɔ́ hu gbé bɔ xɛsi ɖi we ǎ!”

2 Samuwɛ́li 1:16

Hwenɛ́nu ɔ́, Davídi ɖɔ: “Hwi ɖésú wɛ zɔ́n bɔ è hu we, hwi ɖésú wɛ ɖɔ émí hu axɔ́sú e Mawu Mavɔmavɔ sɔ́ é.”

2 Samuwɛ́li 19:22

Ée é ɖɔ mɔ̌ ɔ́, Avicáyi Selúya ví ɔ́ yí xó, bó ɖɔ: “Cimɛ́yi e dó nu axɔ́sú e Mawu Mavɔmavɔ sɔ́ é ɔ́, xó énɛ́ e ɖɔ wɛ é ɖe ɔ́ wɛ ná zɔ́n bɔ é ná gló kú a?”

Ɖɛhan 105:15

bó ɖɔ nú yě ɖɔ: “Mi ma ɖó alɔ mɛ e un cyán lɛ́ɛ wú ó. Mi ma wa nǔ nyanya xá gbeyíɖɔ ce lɛ́ɛ ó.”

Ɖɛhan 17:4

Un nɔ wa nǔ mɛ ɖě lɛ́ɛ ɖɔhun ǎ; lo ɔ́, un bló lě e a ɖɔ gbɔn é; un mlɛ́ ali mɛdídá lɛ́ɛ tɔn ǎ.

Ɖɛhan 57:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. È sɔ́ xó lómílómí dó han mɛ. Davídi sín han wɛ. È nɔ ji dó han e è nɔ ylɔ́ ɖɔ “Ma hɛn nǔ gblé ó” é sín hangbe mɛ. Hwenu e Sawúlu ɖo Davídi nya wɛ, bɔ é yi hɔn hwlá cí sónu mɛ ɔ́ wɛ é ji.

Ɖɛhan 7:4

Mawu Mavɔmavɔ, Mawu ce, ényí nǔ e yě vɛdó mì ɔ́ nyí nǔgbó hǔn, ényí un ɖó alɔ ɖo nǔ nyanya ɖé mɛ hǔn,

1 Samuwɛ́li 10:1

Ée Sawúlu nɔ te ɔ́, Samuwɛ́li sɔ́ ami goví ɖokpó bó kɔn dó ta nú Sawúlu, bó kplá así kɔ n'i, bó ɖɔ: “Mawu Mavɔmavɔ ɖésú wɛ kɔn ami dó ta nú we, bó sɔ́ we axɔ́sú ɖó togun tɔn nu.

1 Samuwɛ́li 12:3

Nyi ɖíe! Ényí un wa nǔɖé nyi do nú mɛɖé hǔn, mi ɖɔ ɖo Mawu Mavɔmavɔ kpó axɔ́sú e é sɔ́ ɔ́ kpó nukɔn din: un yí nyibú mɛɖé tɔn a? Un yí tócí mɛɖé tɔn a? Mɛ̌ un ka táfú kpɔ́n? Mɛ̌ un dó tagba ná kpɔ́n? Mɛ̌ sí un yí nǔ ɖu ɖe bo nɔ jǐ tɔn kpɔ́n? Mɛ ɔ́ ní ɖɔ nú má sú axɔ́ tɔn ɛ.”

1 Samuwɛ́li 26:8

Avicáyi ɖɔ nú Davídi ɖɔ: “Mawu jó kɛntɔ́ towe nú we égbé. Gbɔ nú má yi sɔ́ hwǎn tɔn bó xwe dó lanmɛ n'i dó ká ɛ nyi kɔ́ mɛ. Hwǎn ɖokpó jɛ́n un ná sɔ́ ɛ, un ná sɔ́ ɛ we ǎ.”