1 Samuwɛ́li 26:8 - MAWUXÓWÉMA

⁸ Avicáyi ɖɔ nú Davídi ɖɔ: “Mawu jó kɛntɔ́ towe nú we égbé. Gbɔ nú má yi sɔ́ hwǎn tɔn bó xwe dó lanmɛ n'i dó ká ɛ nyi kɔ́ mɛ. Hwǎn ɖokpó jɛ́n un ná sɔ́ ɛ, un ná sɔ́ ɛ we ǎ.”

1 Samuwɛ́li 26:8 Iomraidhean Croise

2 Samuwɛ́li 16:9

Énɛ́ ɔ́, Avicáyi Selúya ví ɔ́ ɖɔ nú axɔ́sú ɔ́ ɖɔ: “Étɛ́wú wɛ avǔn kúkú nɛ́ ɔ́ ká ɖo dǎnǔ ɖɔ nú hwi sɛ́mɛɖó ce wɛ mɔ̌? Gbɔ nú má yi gbo ta ɛ.”

Ɖɛhan 31:8

Un ná hun xomɛ bo j'awǎ ɖó xomɛnyínyɔ́ towe wú, ɖó a mɔ ya e ji wɛ un ɖe é, a tunwun adǎn e ɖo gbigbo mì wɛ é.

Jelemíi 40:15

Nǔ ɖo mɔ̌ có, Yoxanáni zɔn vo, bó yi mɔ Gedaliyási ɖo Misipa fínɛ́, bó ɖɔ n'i ɖo nǔglɔ́ ɖɔ: “Nǎ gbe mì, nú ma yi hu Yicimayɛ́li énɛ́. Mɛ ɖěbǔ na tunwun ǎ. Étɛ́wú a nǎ jó hwiɖée dó bɔ é ná hu? É hu we din ɔ́, Judáa ví e lɛ́ dó we lɛ́ɛ bǐ na lɛ́ gba dó, bɔ Judáa to ɔ́ ná lɛ́ jɛ vɔ̌.”

Naxúmu 1:9

Étɛ́ gbé blá dó Mawu Mavɔmavɔ wú wɛ mi ɖe? É ná sú kún mitɔn dó; mɛ ɖé nɔ́ fɔ́n gǔ dó jǐ tɔn azɔn we ǎ.

Hlɔ̌manu 11:32

Đó Mawu glɔ́n gbɛtɔ́ lɛ́ɛ bǐ dó tónúmase yě ɖésúnɔ tɔn mɛ, bó ná dó ɖe nǔbláwǔkúnúmɛ tɔn xlɛ́ mɛ bǐ.

Sɛ́nflínmɛ 32:30

Kɛntɔ́ ɖokpó sixú sí te é ɖokpó géé bó gba Izlayɛ́li ví afatɔ́n (1.000) dó a? Kɛntɔ́ we sixú nya Izlayɛ́li ví děgba we afɔwó (10.000) a? Cóbónú nǔ ná cí mɔ̌ ɔ́, nyɛ mɛ e nyí Só yětɔn ɔ́ jɛ́n ná jó yě nú kɛntɔ́ yětɔn lɛ́ɛ.

Jozuwée 21:44

Mawu Mavɔmavɔ ná yě ayi jɛ ayǐ gbɔn dogbó yětɔn lɛ́ɛ bǐ jí, lě e é kó dó akpá tɔn nú tɔ́gbó yětɔn lɛ́ɛ lɔ gbɔn é. É ná yě, bɔ yě ná ɖu ɖo kɛntɔ́ yětɔn lɛ́ɛ bǐ jí. Kɛntɔ́ yětɔn lɛ́ɛ ɖěbǔ ná sixú nɔ te ɖo nukɔn yětɔn ǎ.

Hwɛɖɔtɔ́ 1:4

bɔ yě yi tɔ́n ahwan Kanáanu lɛ́ɛ. Mawu Mavɔmavɔ ka jó Kanáanu lɛ́ɛ kpó Pɛliziti lɛ́ɛ kpó nú yě, bɔ yě hu gbɛtɔ́ děgba we afɔwó (10.000) ɖo Bɛzɛ́ki.

1 Samuwɛ́li 23:14

Davídi yi gbětótló Zifu tɔn mɛ, bó yi cí sókan mɛ fí e è ma ná sixú kpé wǔ tɔn ɖe ǎ é. Sawúlu fɔ́n ɔ́, é nɔ ɖo Davídi ba wɛ, Mawu ka jó e n'i ǎ.

1 Samuwɛ́li 24:4

Sawúlu wá ɖo gbɔ̌kpó e ɖo ali ɔ́ kpá lɛ́ɛ kɔn gbɔn wɛ, bó mɔ sónu ɖé, bó byɔ́ mɛ, bó ná yi afɔ jí. Davídi kpó mɛ tɔn lɛ́ɛ kpó ká ɖo sónu ɔ́ mɛ ɖo nukɔn.

1 Samuwɛ́li 24:5

Davídi sín mɛ lɛ́ɛ ɖɔ n'i ɖɔ: “Égbé wɛ Mawu Mavɔmavɔ ɖɔ émí ná jó kɛntɔ́ towe nú we, bɔ a nǎ sɔ́ dó wa nǔ e jló we é.” Ée yě ɖɔ mɔ̌ ɔ́, Davídi sɛ yi fí e Sawúlu ɖe ɔ́, bó wa dɛ̌dɛ̌, bó kán awu ɖaxó e Sawúlu dó é.

1 Samuwɛ́li 26:23

Mawu Mavɔmavɔ ní kpɔ́n dó nǔjlɔ́jlɔ́wiwa tɔn kpó gbejíninɔ tɔn kpó wú, dó wa nǔ xá mǐ mɛ ɖokpó ɖokpó. Đó Mawu Mavɔmavɔ jó mɛ nú mì égbé, un ka jló ná hu mɛ ǎ, ɖó Mawu Mavɔmavɔ wɛ sɔ́ mɛ axɔ́sú.

1 Samuwɛ́li 26:7

Davídi kpó Avicáyi kpó zɔn zǎn bó yi fí e Sawúlu ɖó gɔnu ɖó é, bɔ Sawúlu ɖo ayǐmlɔ́mlɔ́, bó ɖo amlɔ dɔ́ wɛ ɖo ahwankpá ɔ́ tɛ́ntin, bɔ hwǎn tɔn ɖo te ɖo ta tɔn ligbé. Avunɛ́ɛ kpó sɔ́ja lɛ́ɛ kpó ɖo ayǐmlɔ́mlɔ́ lɛ́ lɛ̌ dó e.

1 Samuwɛ́li 26:9

Lo ɔ́, Davídi ɖɔ nú Avicáyi ɖɔ: “Ma hu i ó. Ényí mǐ hu axɔ́sú e Mawu Mavɔmavɔ sɔ́ ɔ́, Mawu Mavɔmavɔ ná gɔn tó tɔn dɔn nú mǐ wɛ a vɛdó a?”