1 Samuwɛ́li 26:5 - MAWUXÓWÉMA

⁵ Bɔ Davídi wá fí e Sawúlu ɖó gɔnu ɖó é, bó mɔ fí e Sawúlu mlɔ́ ɔ́, bó lɛ́ mɔ fí e ahwangán Avunɛ́ɛ Nɛ̌ɛ ví ɔ́ lɔ mlɔ́ é. Sawúlu mlɔ́ ahwankpá ɔ́ tɛ́ntin, bɔ sɔ́ja lɛ́ɛ lɛ́ lɛ̌ dó e.

1 Samuwɛ́li 26:5 Iomraidhean Croise

2 Samuwɛ́li 3:27

Ée yě kplá Avunɛ́ɛ wá Eblɔ́n ɔ́, Jowabu kplá ɛ jɛ zɔ ɖo toxo ɔ́ sín hɔnnúwa sá, mɛ jló ná ɖe kpá ɛ ɖɔhun, lobo sɔ́ nǔ adɔ mɛ n'i bó hu i. É bló mɔ̌, dó ba nɔví tɔn Asaxɛli e kú ɔ́ sín hlɔn.

1 Tan 9:39

Nɛ̌ɛ ji Kícu, Kícu ji Sawúlu. Sawúlu ji Jonatáan, Maluki-Cua, Avinadávu kpódó Ɛcibáalu kpó.

1 Samuwɛ́li 17:20

Ée tɔ́ tɔn ɖɔ mɔ̌ n'i ɔ́, é fɔ́n zǎn bó ɖidó. É ɖó kanlin lɛ́ɛ nú mɛ ɖěvo, bó dó nǔ e sín xó tɔ́ tɔn ɖɔ lɛ́ɛ sín agban bo ɖidó, lě e tɔ́ ɔ́ kó ɖɔ gbɔn n'i é. Hwenu e é ɖo ahwankpá ɔ́ mɛ byɔ́ wɛ ɔ́, sɔ́ja lɛ́ɛ ɖo zɔnlin ɖi wɛ, bo ɖo ahwanfɔ ɖe wɛ, bó ɖo ahwandán gblɔ́n wɛ.

1 Samuwɛ́li 17:55

Hwenu e Sawúlu mɔ Davídi bɔ é xwe ahwan fun xá Filisitɛ́ɛn ɔ́ gbé ɔ́, é kanbyɔ́ Avunɛ́ɛ ahwangán tɔn e kpa acɛ nú ahwangɔnu ɔ́ ɖɔ: “Avunɛ́ɛ, mɛ̌ ví ká nyí nyaví énɛ́?” Bɔ Avunɛ́ɛ xwlé nǔ n'i ɖɔ: “Sɛ́mɛɖó, un mɔ do ná ǎ.”

1 Samuwɛ́li 26:4

É sɛ́ mɛ dó bɔ è yi ba do ná, bó wá ɖɔ n'i ɖɔ Sawúlu ɖo fínɛ́ nǔgbó.

1 Samuwɛ́li 9:1

Nya Bɛnjamɛ́ɛnu ɖé tíin; bɔ è nɔ ylɔ́ ɛ ɖɔ Kícu, bó nyí Aviɛ́li ví, Aviɛ́li ka nyí Selɔ́ɔ ví, bɔ Selɔ́ɔ nyí Bekolati ví, bɔ Bekolati nyí Afíaxi ví. Kícu ɔ́, nya ɖé wɛ, bó ɖó alɔnu, bó nyí gbɛtɔ́ nukúnɖéjí.