1 Samuwɛ́li 24:4 - MAWUXÓWÉMA

⁴ Sawúlu wá ɖo gbɔ̌kpó e ɖo ali ɔ́ kpá lɛ́ɛ kɔn gbɔn wɛ, bó mɔ sónu ɖé, bó byɔ́ mɛ, bó ná yi afɔ jí. Davídi kpó mɛ tɔn lɛ́ɛ kpó ká ɖo sónu ɔ́ mɛ ɖo nukɔn.

1 Samuwɛ́li 24:4 Iomraidhean Croise

2 Samuwɛ́li 4:8

Yě zě Icíbɔcɛ́ti sín ta wá nú Davídi ɖo Eblɔ́n, bó ɖɔ n'i ɖɔ: “Sɛ́mɛɖó! Kɛntɔ́ mɛtɔn Sawúlu e jló ná hu mɛ ɔ́ sín vǐ Icíbɔcɛ́ti ɔ́ sín ta ɖíe. Égbé din ɔ́, Mawu Mavɔmavɔ hu Sawúlu kpó vǐ tɔn lɛ́ɛ kpó dó ba hlɔn nú mɛ.”

Jɔ̌bu 31:31

Mɛ̌ wɛ un ma ka ná lan, bɔ é ɖu gɔ́ xo ǎ? Mɛ e un nɔ yí dó xwé gbe lɛ́ɛ bǐ ná ɖe kúnnu tɔn nú mì.

Ɖɛhan 142:1

Xólómílómí Davídi tɔn dó han mɛ; hwenu e é yi cí sóxo mɛ é wɛ é ji.

Ɖɛhan 57:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. È sɔ́ xó lómílómí dó han mɛ. Davídi sín han wɛ. È nɔ ji dó han e è nɔ ylɔ́ ɖɔ “Ma hɛn nǔ gblé ó” é sín hangbe mɛ. Hwenu e Sawúlu ɖo Davídi nya wɛ, bɔ é yi hɔn hwlá cí sónu mɛ ɔ́ wɛ é ji.

Tíntɔ́n 21:13

nú é má ká nyí é ɖésúnɔ wɛ jló bó hu mɛ ǎ, bɔ ényí nyɛ Mawu wɛ yí gbe ná bɔ é jɛ ɔ́, un ná xlɛ́ fí ɖé mi, bɔ mɛ e hu mɛ ɔ́ ná hɔn yi cí.

1 Samuwɛ́li 22:1

Davídi gosín Gati, bó hɔn yi cí sóxo mɛ ɖo Adulámu. Nɔví tɔn lɛ́ɛ kpó mɛ e ɖo tɔ́ tɔn xwé lɛ́ɛ bǐ kpó se mɔ̌ bó yi mɔ ɛ ɖo dɔ̌n.

1 Samuwɛ́li 23:17

É ɖɔ n'i ɖɔ: “Ma ɖi xɛsi nú nǔ ɖěbǔ ó, ɖó tɔ́ ce Sawúlu sixú wlí we ǎ. A nǎ ɖu axɔ́sú ɖo Izlayɛ́li, bɔ nyɛ ná bɔ dó wǔ we, bó ná nɔ glɔ́ towe. Tɔ́ ce ɖésú tunwun mɔ̌ ganjí.”

1 Samuwɛ́li 23:7

Sawúlu se ɖɔ Davídi wá Keyila; ée é se mɔ̌ ɔ́, é ɖɔ: “Mawu jó Davídi nú mì, ɖó é wá sú éɖée dó toxo e ɖó hɔntogbó, bɔ è nɔ dó gan mɛ é mɛ.”

1 Samuwɛ́li 24:10

Davídi ɖɔ nú Sawúlu ɖɔ: “Étɛ́wú è ka nɔ ɖótó mɛ e nɔ ɖɔ nú mɛ ɖɔ un ɖo nyanya mɛ tɔn lin wɛ lɛ́ɛ?

1 Samuwɛ́li 24:18

bó ɖɔ nú Davídi ɖɔ: “Hwɛ towe jɔ; nyɛ wɛ wa nǔ nyi do, ɖó nyɛ ɔ́, un wa nyanya nú we, bɔ hwɛ ka wa ɖagbe nú mì.

1 Samuwɛ́li 26:23

Mawu Mavɔmavɔ ní kpɔ́n dó nǔjlɔ́jlɔ́wiwa tɔn kpó gbejíninɔ tɔn kpó wú, dó wa nǔ xá mǐ mɛ ɖokpó ɖokpó. Đó Mawu Mavɔmavɔ jó mɛ nú mì égbé, un ka jló ná hu mɛ ǎ, ɖó Mawu Mavɔmavɔ wɛ sɔ́ mɛ axɔ́sú.