1 Samuwɛ́li 23:3 - MAWUXÓWÉMA

³ Lo ɔ́, Davídi sín mɛ lɛ́ɛ ɖɔ n'i ɖɔ: “Mǐ ɖíe kó ɖo xɛsi ɖi wɛ ɖo Judáa fí din e, mǐ ká yi Keyila bó ná tɔ́n ahwan Filisitɛ́ɛn lɛ́ɛ ɔ́, nɛ̌ ká ná nyí gbɔn lo?”

1 Samuwɛ́li 23:3 Iomraidhean Croise

Ɖɛhan 11:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. Davídi sín han wɛ. Mawu Mavɔmavɔ gɔ́n wɛ un nɔ hɔn hwlá cí, bɔ mi ka nɔ ɖɔ nú mì ɖɔ: “Zɔn xɛ ɖɔhun yi sókan mɛ,

Jelemíi 12:5

Mawu ɖɔ nú mì ɖɔ: “Ée hwi kpó gbɛtɔ́ kpó ɖo wezun nu, bɔ nǔ ko cikɔ nú we sɔ lě din ɔ́, a nǎ sixú wá dó wezun xá sɔ́ a? Bɔ é ka nyí fí e fífá ɖe ɔ́ kɛ́ɖɛ́ jɛ́n a nɔ mɔ ɖɔ émí ɖó vivo ɖe ɔ́, nɛ̌ a ka ná wa nǔ gbɔn ɖo Judɛ́ɛn tɔ ɔ́ tó, fí e zunkan ɖe é?

1 Samuwɛ́li 23:15

Ée Davídi mɔ ɖɔ Sawúlu dó ahwan gbě, bó ɖo émí ná hu wɛ ɔ́, é cí gbětótló Zifu tɔn mɛ ɖo Holɛ́ca.

1 Samuwɛ́li 23:2

Ée Davídi se mɔ̌ ɔ́, é kan nǔ byɔ́ Mawu Mavɔmavɔ ɖɔ: “Má yi fun ahwan xá Filisitɛ́ɛn lɛ́ɛ a?” Bɔ Mawu Mavɔmavɔ yí gbe n'i ɖɔ: “Yi, a nǎ ɖu ɖo Filisitɛ́ɛn lɛ́ɛ jí, bó ná hwlɛ́n Keyila toxo ɔ́ gán.”

1 Samuwɛ́li 23:23

Mi ba do ná, bó tunwun fí e é nɔ hɔn hwlá cí lɛ́ɛ bǐ, bó lɛ́ kɔ wá mɔ mì, bó ná ɖɔ fí e é ɖe tawun ɔ́ nú mì. Énɛ́ ɔ́, un ná xwedó mi yi. Ényí to ɔ́ mɛ jɛ́n é ɖe ɔ́, un ná ba ɛ gbɔn Judáa yíkúngban ɔ́ jí káká bó ná mɔ ɛ.”

1 Samuwɛ́li 23:26

Sawúlu ɖo zɔnlin ɖi gbɔn só ɔ́ sín akpá ɖě xwé wɛ ɔ́, Davídi ɔ́ nɔ ɖo zɔnlin ɖi gbɔn akpá ɖě ɔ́ xwé wɛ, é kpó mɛ tɔn lɛ́ɛ kpó. Davídi ɖo hwlɛ̌nhwlɛ́n dó wɛ bó ná gló Sawúlu. Lo ɔ́, Sawúlu kpó ahwan tɔn lɛ́ɛ kpó ko ɖo Davídi kpó mɛ tɔn lɛ́ɛ kpó ná xá wɛ hwenɛ́nu, bó ná wlí yě.

1 Samuwɛ́li 23:4

Énɛ́ ɔ́, Davídi lɛ́ kan nǔ byɔ́ Mawu Mavɔmavɔ, bɔ Mawu Mavɔmavɔ yí gbe n'i ɖɔ: “Sɔ́ nǔ bó yi Keyila, ɖó un ná jó Filisitɛ́ɛn lɛ́ɛ nú we.”