1 Samuwɛ́li 22:3 - MAWUXÓWÉMA

³ Davídi gosín Adulámu, bó yi Misipée ɖo Mɔwabu yíkúngban jí, bó ɖɔ nú axɔ́sú Mɔwabu tɔn ɖɔ: “Kɛnklɛ́n bó ná gbe nú tɔ́ ce kpó nɔ ce kpó ná wá nɔ fí káká jɛ hwenu e un ná tunwun nǔ e ná sɔ́ mì dó wa ná wɛ Mawu ɖe é.”

1 Samuwɛ́li 22:3 Iomraidhean Croise

Bǐbɛ́mɛ 47:11

Énɛ́ ɔ́, Jozɛ́fu ɖó tɛnmɛ nú tɔ́ tɔn kpó nɔví tɔn lɛ́ɛ kpó, bó ná ayǐkúngban yě ɖó to ɔ́ mɛ fí e nyɔ́ hú fí bǐ é, ɖo Hlamusɛ́si gbé jí, lě e axɔ́sú ɔ́ ɖɔ gbɔn é.

2 Samuwɛ́li 8:2

É lɛ́ ɖu ɖo Mɔwabunu lɛ́ɛ jí. É ná gbe bɔ yě bǐ mlɔ́ kɔ́ mɛ bɔ è nɔ xa mɛ atɔn bó nɔ́ hu we bó nɔ́ jó ɖokpó dó. Énɛ́ ɔ́, é wá kpo gbɛtɔ́ atɔnvlɔ́ɖó ɖo gbɛ ɖo to ɔ́ mɛ. Sín hwenɛ́nu ɔ́, Mɔwabunu lɛ́ɛ húzú kannumɔ Davídi tɔn, bo nɔ hɛn nǔjɔ wá n'i.

Tíntɔ́n 20:12

Sí tɔ́ towe kpó nɔ towe kpó, énɛ́ ɔ́, a nǎ dɔ́ ji ɖo to e nyɛ Mawu Mavɔmavɔ, Mawu towe ná ná we ɔ́ mɛ.

1 Timɔtée 5:4

Ényí asúkúsi ɖé ka ɖó vǐ abǐ vǐvú ɔ́, vǐ énɛ́ lɛ́ɛ ɖó ná kplɔ́n lě e yě nǎ zé nǔɖiɖi yětɔn dó wa azɔ̌ ná gbɔn ɖo hɛ̌nnu yě ɖésúnɔ tɔn mɛ ɔ́ hwɛ̌, énɛ́ ɔ́, yě ná sú nǔ e sín axɔ́ yě ɖu dó mɛjitɔ́ yětɔn lɛ́ɛ ɔ́ yě, ɖó nǔ e nyɔ́ Mawu nukún mɛ é nɛ́.

Hwɛɖɔtɔ́ 11:29

Yɛ Mawu Mavɔmavɔ tɔn wá ta nú Jɛfutée. Bɔ Jɛfutée gbɔn Galadi gbé jí, bó gbɔn ayǐkúngban Manasée tɔn jí. Énɛ́ ɔ́ gúdo ɔ́, é yi Misipa ɖo Galadi, bó ná gbɔn Amumɔ́ɔ ví lɛ́ɛ sín ayǐkúngban jí.

Hwliti 4:10

Mɔ̌ ɖokpó ɔ́, un sɔ́ Hwliti Mɔwabunu, Maxlɔ́ni e kú ɔ́ sín asi ɖó xɔ ce sá. Énɛ́ ɔ́, ayǐkúngban ɔ́ ná nɔ mɛ e kú ɔ́ sín hɛ̌nnu mɛ, vǐ tɔn lɛ́ɛ ná hɛn nyǐkɔ tɔn ɖó te ɖo hɛ̌nnumɔ tɔn lɛ́ɛ tɛ́ntin, bó ná hɛn ɖó te ɖo to tɔn mɛ. Mi bǐ nukún mɛ wɛ nǔ énɛ́ lɛ́ɛ bǐ jɛ ɖe.”

Hwliti 4:17

Nyɔ̌nu e ɖo xwé tɔn kpá lɛ́ɛ nɔ́ ɖɔ: “Nɔemíi ɖó vǐ súnnu ɖokpó!” Yě ylɔ́ vǐ ɔ́ ɖɔ Ovɛ́di. Ovɛ́di wɛ ji Jɛsée Davídi sín tɔ́.

1 Samuwɛ́li 14:47

Ée Sawúlu ɖu axɔ́sú ɖo Izlayɛ́li ɔ́, é fun ahwan xá kɛntɔ́ tɔn lɛ́ɛ bǐ. Yě wɛ nyí: Mɔwabunu lɛ́ɛ, Amumɔ́ɔ ví lɛ́ɛ, Edɔ́munu lɛ́ɛ, bó fun ahwan xá Sova xɔ́sú lɛ́ɛ, kpó Filisitɛ́ɛn lɛ́ɛ kpó. É fun ahwan ɖěbǔ ɔ́, é nɔ ɖu ɖ'é jí.

1 Samuwɛ́li 22:2

Mɛ e adǎn ɖo gbigbo wɛ lɛ́ɛ, mɛ e axɔ́ ɖo kɔ ná lɛ́ɛ, kpó mɛ e xomɛ ma hun ǎ lɛ́ɛ kpó bǐ hɔn yi su i; yě ná yi gbɛtɔ́ afɔwe (400) mɔ̌, bɔ é húzú gǎn yětɔn.

1 Samuwɛ́li 22:4

Davídi kplá yě yi ɖó axɔ́sú Mɔwabu tɔn ɔ́ xwé, bɔ yě nɔ́ fínɛ́ káká jɛ hwenu e Davídi tɔ́n sín fí e é yi cí, bɔ mɛɖé ma sixú kpé wǔ tɔn ɖe ǎ é.

1 Samuwɛ́li 3:18

Énɛ́ ɔ́, Samuwɛ́li wlí bǐ ɖɔ n'i; é ɖe ɖě kpo ǎ. Eli ka ɖɔ: “Mawu Mavɔmavɔ wɛ, ní bló lě e é jló e gbɔn é.”