1 Samuwɛ́li 21:7 - MAWUXÓWÉMA

⁷ Énɛ́ ɔ́, vɔ̌sánú-xwlémawutɔ́ ɔ́ gbɔ bó ná ɛ wɔ̌xúxú e è xwlé Mawu é, ɖó wɔ̌xúxú ɖěvo sɔ́ ɖo fínɛ́ zɛ ée è xo ɖɛ d'é jí bó ɖe sín vɔ̌sákpe Mawu Mavɔmavɔ tɔn ɔ́ jí é wú ǎ. Wɔ̌xúxú énɛ́ ɔ́, è ka ɖe síin gbeɖé ɔ́, è nɔ sɔ́ wɔ̌xúxú zozo ɖěvo ɖó tɛn tɔn mɛ.

1 Samuwɛ́li 21:7 Iomraidhean Croise

Bǐbɛ́mɛ 26:20

Lɛ̌ngbɔ́nyitɔ́ Geláa tɔn lɛ́ɛ ká wá jɛ nǔ dɔn xá lɛ̌ngbɔ́nyitɔ́ Izáki tɔn lɛ́ɛ jí ɖɔ émítɔn wɛ nyí sin ɔ́, bɔ Izáki ɖó nyǐkɔ nú tɔ ɔ́ ɖɔ: “Esɛ́ki” tínmɛ tɔn wɛ nyí “adɔn”, ɖó yě dɔn nǔ xá ɛ.

1 Tan 27:29

Citlayi Calɔ́ninu ɔ́; é wɛ nɔ kpɔ́n nyibúkpó e ɖo amagbo mɛ ɖo Calɔ́ni lɛ́ɛ jí. Cafáti Adlayi ví ɔ́; é wɛ nɔ kpɔ́n nyibúkpó e ɖo amagbo mɛ ɖo tɔdo lɛ́ɛ mɛ lɛ́ɛ jí.

1 Tan 27:31

Yazízi Hagáa ví ɔ́; é wɛ nɔ kpɔ́n gbɔ̌ lɛ́ɛ jí. Yě mɛ e nɔ kpɔ́n axɔ́sú Davídi sín dɔkun jí lɛ́ɛ nɛ́.

2 Tan 26:10

É lɛ́ mɛ tocɔ́kpe kɔn nyi gbětótló mɛ; é kun dotɔ gěgé, ɖó é ɖó kanlin gěgé ɖo tɔdo lɛ́ɛ mɛ bó ɖó ɖo ayǐkúngban wɛnjɛ lɛ́ɛ jí. É ɖó glesi lɛ́ɛ kpódó vǐwunglejíkpɔ́ntɔ́ lɛ́ɛ kpó, bɔ yě ɖo azɔ̌ wa n'i wɛ ɖo sókan lɛ́ɛ mɛ kpódó Kaamɛ́li gbé ɔ́ jí kpó, ɖó é yí wǎn nú gle.

Ezekiyɛ́li 33:31

Énɛ́ ɔ́, yě nɔ́ dó ahwan gbě kpɔ́ gégé bó ná ɖótó we; yě nɔ́ jínjɔ́n ayǐ bó nɔ́ ɖótó we ganjí; amɔ̌, yě nɔ́ xwédo xó towe dó wa nǔ ǎ. Nǔ e jló yě lɛ́ɛ kɛ́ɖɛ́ wɛ yě nɔ́ wa; yě nɔ́ bló nǔ e ná nyí ɖagbe nú yě ɖokpónɔ lɛ́ɛ kɛ́ɖɛ́.

Levíi ví 22:10

“Mɛ yǎyá ɖěbǔ ɖó ná ɖu nǔ e è ɖe ɖó vo nú mì ɔ́ ǎ; é sixú nyí ylɔ̌ wɛ è ylɔ̌ ɛ, abǐ é sixú nyí mɛ e nɔ wa azɔ̌ nú vɔ̌sánú-xwlémawutɔ́ ɔ́ bɔ è nɔ sú axɔ́ é ɖě; é ná ɖu ǎ.

Levíi ví 22:13

Lo ɔ́, vɔ̌sánú-xwlémawutɔ́ ɔ́ sín vǐ nyɔ̌nu e nyí asúkúsi, abǐ éé asú tɔn gbɛ́, bɔ é má ɖó vǐ ǎ bó lɛ́ wá jɛ tɔ́ tɔn xwé, lě e é kó ɖe gbɔn ɖ'ayǐ cóbó yi da asú ɔ́, é sixú ɖu tɔ́ tɔn sín nǔɖuɖu. Mɛ yǎyá ɖěbǔ sixú ɖu ǎ.

Levíi ví 24:5

Mawu Mavɔmavɔ ɖɔ nú Mɔyízi ɖɔ: “Zě linfín dó ɖa wɔ̌xúxú gbajagbaja wěwe ná. Wɔ̌xúxú ɖokpó ɖokpó ní da kilóo ayizɛ́n.

Levíi ví 24:8

“Gbɔjɛzán gbe tɛgbɛ káká sɔ́yi ɔ́, è ɖǒ ná nɔ́ to wɔ̌xúxú mɔ̌hunkɔtɔn wěwe ɖó nukɔn ce; Izlayɛ́li ví lɛ́ɛ ɖó ná nɔ́ bló mɔ̌ hwebǐnu dandan.

Amɔ́si 8:5

Mi nɔ ɖɔ: “Hwetɛ́nu wɛ mǐ ná ɖu sunwájǐxwe ɔ́ fó dó, bó ná sa jinukún? Hwetɛ́nu wɛ gbɔjɛzán ɔ́ ná fó dó, bɔ mǐ nǎ hun agɔ̌ mǐtɔn lɛ́ɛ?” Mǐ ná ɖe nǔjlɛ́ká ɔ́ kpo; mǐ ná ɖe kilóo lɛ́ɛ kpo; nǔdagan mǐtɔn lɛ́ɛ ná sɔgbe ǎ.

Matíe 15:8

‘Togun élɔ́ nɔ sɔ́ mì su ɖo nu; ayi tɔn ka ɖo wǔ ce ǎ.

1 Samuwɛ́li 11:5

Hwe énɛ́ ɔ́ nu ɔ́, Sawúlu kplá nyibú lɛ́ɛ sín gle mɛ, bo ɖo xwé gbe wá wɛ. É kanbyɔ́ ɖɔ: “Étɛ́ ka jɛ bɔ mɛ bǐ ɖo avǐ ya wɛ?” Bɔ è ɖɔ nǔ e mɛ e gosín Yavɛ́ci lɛ́ɛ ɖɔ ɔ́ n'i.

1 Samuwɛ́li 14:47

Ée Sawúlu ɖu axɔ́sú ɖo Izlayɛ́li ɔ́, é fun ahwan xá kɛntɔ́ tɔn lɛ́ɛ bǐ. Yě wɛ nyí: Mɔwabunu lɛ́ɛ, Amumɔ́ɔ ví lɛ́ɛ, Edɔ́munu lɛ́ɛ, bó fun ahwan xá Sova xɔ́sú lɛ́ɛ, kpó Filisitɛ́ɛn lɛ́ɛ kpó. É fun ahwan ɖěbǔ ɔ́, é nɔ ɖu ɖ'é jí.

1 Samuwɛ́li 21:8

Gbe nɛ́ ɔ́ gbe ɖokpó ɔ́, mɛsɛntɔ́ Sawúlu tɔn lɛ́ɛ ɖokpó ɖo goxɔ Mawu Mavɔmavɔ tɔn mɛ bó ná wa sinsɛnzɔ́. Nya Edɔ́munu ɖé wɛ, bɔ nyǐkɔ tɔn nɔ nyí Dowɛgi; é wɛ nyí gbɛtɔ́ nukúnɖéjí e ɖo lɛ̌ngbɔ́nyitɔ́ Sawúlu tɔn lɛ́ɛ mɛ é.

1 Samuwɛ́li 22:10

bɔ Aximɛlɛ́ki kan nǔ byɔ́ Mawu Mavɔmavɔ n'i, bó dó nǔɖuɖu gban n'i, bó lɛ́ sɔ́ hwǐ Goliyati Filisitɛ́ɛn ɔ́ tɔn n'i.”

1 Samuwɛ́li 22:22

Bɔ Davídi ɖɔ n'i ɖɔ: “Un tunwun ganjí ɖɔ Dowɛgi Edɔ́munu e ɖo fínɛ́ gbe nɛ́ gbe ɔ́ kún ná gɔn ɖiɖɔ nú Sawúlu ó. Nyi wú wɛ è hu mɛ towe lɛ́ɛ bǐ.

1 Samuwɛ́li 22:9

Nya Dowɛgi Edɔ́munu ɔ́ ká ɖo Sawúlu sín mɛ lɛ́ɛ mɛ. Éyɛ́ yí xó bó ɖɔ: “Un mɔ Jɛsée ví ɔ́ gbe ɖokpó, bɔ é wá Aximɛlɛ́ki Axitúvu ví ɔ́ gɔ́n ɖo Nɔvu,