1 Samuwɛ́li 21:5 - MAWUXÓWÉMA

⁵ Vɔ̌sánú-xwlémawutɔ́ ɔ́ ka ɖɔ nú Davídi ɖɔ: “Wɔ̌xúxú yǎyá ɖé ɖo fí ǎ, amɔ̌, wɔ̌xúxú e è xwlé Mawu é jɛ́n ɖo fí. Ényí mɛ towe lɛ́ɛ ma ɖó xó xá nyɔ̌nu ǎ ɔ́, yě hɛn ɔ́, yě ná ɖu.”

1 Samuwɛ́li 21:5 Iomraidhean Croise

Tíntɔ́n 19:14

Énɛ́ ɔ́ gúdo ɔ́, Mɔyízi jɛ te sín só ɔ́ jí bó wá togun ɔ́ gɔ́n. È slá wǔ nú yě, bɔ yě nya avɔ yětɔn lɛ́ɛ.

Tíntɔ́n 19:15

Mɔyízi ɖɔ nú Izlayɛ́li ví lɛ́ɛ ɖɔ: “Káká nú azǎn ná yi atɔn hǔn, mi sɔ́ nǔ ɖ'ayǐ, mi ma ɖó xó xá nyɔ̌nu ɖěbǔ ó.”

Tíntɔ́n 25:30

A nǎ nɔ́ bɛ́ wɔ̌xúxú e è nɔ ná mì lɛ́ɛ ɖó távo ɔ́ jí; wɔ̌xúxú ná nɔ́ hán ɖo távo ɔ́ jí gbeɖé ǎ.”

Levíi ví 24:9

Wɔ̌xúxú lɛ́ɛ ná húzú Aalɔ́ɔn kpó vǐ tɔn lɛ́ɛ kpó tɔn. Yě ná nɔ́ nɔ fí mímɛ́ ɖé bó ná nɔ́ ɖu, ɖó nǔ mímɛ́ titewungbe wɛ wɔ̌xúxú nɛ́ lɛ́ɛ nyí, ɖó nyɛ wɛ è nǎ, bɔ kanta énɛ́ lɛ́ɛ ná nyí Aalɔ́ɔn kpó vǐ tɔn lɛ́ɛ kpó tɔn káká sɔ́yi.”

Levíi ví 8:26

É zé atá e mɛ tɔ́n má ɖe ǎ é ɖokpó, kpó amitá ɖokpó kpó, kpódó acɔnmɔ ɖokpó kpó ɖo xasun e mɛ wɔ̌xúxú e mɛ è ma dó tɔ́n ǎ é ɖe, bɔ è sɔ́ ɖó Mawu Mavɔmavɔ nukɔn ɔ́ mɛ. É bɛ́ nǔ énɛ́ lɛ́ɛ ɖó jǒ ɔ́ kpó asá ɔ́ kpó jí.

Mɛsɛ́dó 9:15

Aklúnɔ ka ɖɔ n'i ɖɔ: “Vɛ̌ yi, ɖó nya énɛ́ ɔ́, alǐnnyánú ɖé wɛ é nyí, bɔ un sɔ́, bó ná dó wa azɔ̌ ná, nú é ná jlá nyǐkɔ ce mɛ e ma nyí Jwifu ǎ lɛ́ɛ, bó ná jlá axɔ́sú yětɔn lɛ́ɛ, kpódó Izlayɛ́li togun ɔ́ kpó.

1 Kɔlɛ́ntinu 7:5

Mi ma gbɛ́ xɔ nú miɖée ó, afi nú mi ɖó gbe kpɔ́, bó ná nɔ mɔ̌ nú hwenu ɖé, bó ná sixú kpé nukún dó ɖɛxixo wú. Amɔ̌, ényí hwe ɔ́ nu wá yi ɔ́, mi ná lɛ́ bɛ́ asú kpó asi kpó sín gbɛ lě e é jɛ xá gbɔn é; é má nyí mɔ̌ ǎ ɔ́, miɖée jí ɖu ɖe táá gló mi, bɔ Satáan ná tɛ́n mi kpɔ́n.

1 Piyɛ́ɛ 3:17

Đó ényí jlǒ Mawu tɔn wɛ nyí ɖɔ è nǐ ji ya ɔ́, hǔn è ji ya ɖó ɖagbewiwa wú ɔ́, é nyɔ́ hú è nǐ ji ya ɖó nyanya wú.