1 Samuwɛ́li 20:1 - MAWUXÓWÉMA

¹ Davídi hɔn sín gbeyíɖɔ Mawu tɔn lɛ́ɛ xwé ɖo Hlama, bó yi mɔ Jonatáan bo kanbyɔ́ ɛ ɖɔ: “Étɛ́ un wa? Mɛ wɛ un hu a? Hwɛ tɛ́ un ka hu dó tɔ́ towe bɔ é ɖo kú ce ba wɛ sɔ mɔ̌?”

1 Samuwɛ́li 20:1 Iomraidhean Croise

Ɖɛhan 54:3

Mawu, wǎ gɔ́ alɔ nú mì dó ɖe nǔ e a nyǐ ɔ́ xlɛ́. Sɔ́ hlɔ̌nhlɔ́n towe dó gbo hwɛ nú mì.

2 Kɔlɛ́ntinu 1:12

Nǔ e wú mǐ hɛn ɔ́, mǐ ná gó ɔ́ ɖíe: ayixa mǐtɔn ná gǎnjɛwú mǐ ɖɔ mǐ zǎn gbɛ mǐtɔn ɖo gbɛ ɔ́ mɛ; ɖo tají ɔ́, mǐ zán gbɛ mǐtɔn ɖo tɛ́ntin mitɔn kpó ayi ɖokpó kpó, kpó nǔgbó e nɔ gosín Mawu gɔ̌n ɔ́ kpó. Nǔ énɛ́ e mǐ ka wa ɔ́, fɛ́nú Mawu tɔn wɛ xlɛ́ ali mǐ; é nyí nǔnywɛ́ gbɛtɔ́ tɔn ǎ.

2 Piyɛ́ɛ 2:9

Énɛ́ ɔ́, Aklúnɔ tunwun lě e é nɔ hwlɛ́n mɛ e nɔ ɖó sísí n'i lɛ́ɛ gán sín adǎngbomɛ lɛ́ɛ mɛ gbɔn é, bó lɛ́ tunwun lě e é nɔ sɔ́ yě mɛ e ɖo nǔ nyanya wa wɛ lɛ́ɛ ɖ'ayǐ gbɔn, bó ná dɔn tó nú yě ɖo hwɛɖɔzán gbe é.

1 Jǎan 3:21

Mɛvívɛ́ná ce lɛ́ɛ mi, ényí ayi mǐtɔn ma sɔ́ ɖo hwɛ ɖó nú mǐ wɛ ǎ hǔn, mǐ ɖó gǎnjɛwú kpíkpé ɖo Mawu nukɔn.

1 Samuwɛ́li 12:3

Nyi ɖíe! Ényí un wa nǔɖé nyi do nú mɛɖé hǔn, mi ɖɔ ɖo Mawu Mavɔmavɔ kpó axɔ́sú e é sɔ́ ɔ́ kpó nukɔn din: un yí nyibú mɛɖé tɔn a? Un yí tócí mɛɖé tɔn a? Mɛ̌ un ka táfú kpɔ́n? Mɛ̌ un dó tagba ná kpɔ́n? Mɛ̌ sí un yí nǔ ɖu ɖe bo nɔ jǐ tɔn kpɔ́n? Mɛ ɔ́ ní ɖɔ nú má sú axɔ́ tɔn ɛ.”

1 Samuwɛ́li 19:1

Sawúlu ɖɔ nú Jonatáan kpó azaglɔ́gán tɔn lɛ́ɛ bǐ kpó ɖɔ émí jló ná hu Davídi. Jonatáan Sawúlu ví ɔ́ ká yí wǎn nú Davídi ɖésú.

1 Samuwɛ́li 19:18

Hwenɛ́nu ɔ́, Davídi hɔn bo gló Sawúlu. É yi Samuwɛ́li gɔ́n ɖo Hlama, bó ɖɔ nǔ e Sawúlu wa xá ɛ é bǐ n'i, bɔ é kpó Samuwɛ́li kpó yi nɔ gbeyíɖɔ Mawu tɔn lɛ́ɛ xwé.

1 Samuwɛ́li 20:2

Jonatáan yí gbe n'i ɖɔ: “Gbeɖé kpɔ́n, è nǎ hu we ǎ. Tɔ́ ce nɔ ja nǔ ɖěbǔ wa gbé ma ɖó te nú mì ǎ. Étɛ́wú é ká ná hwlá énɛ́ ɔ́ dó mì. Adingban wɛ, nǔ sixú nyí mɔ̌ ǎ.”

1 Samuwɛ́li 20:32

Jonatáan ka kanbyɔ́ tɔ́ tɔn ɖɔ: “Étɛ́wú è ka ná hu i? Étɛ́ é wa?”

1 Samuwɛ́li 24:11

Mɛ ɖésú mɔ din kpó nukún mɛtɔn kpó ɖɔ Mawu Mavɔmavɔ jó mɛ nú mì égbé ɖo sónu élɔ́ mɛ, bɔ è kplɔ́n nǔ mì ɖɔ má hu mɛ. Lo ɔ́, un gbɛ́, ɖó un jló ná hu Sɛ́mɛɖó ce ǎ, ɖó Mawu Mavɔmavɔ wɛ sɔ́ mɛ axɔ́sú.

1 Samuwɛ́li 24:12

Daá, kpɔ́n, awu mɛtɔn sín tó ɖíe ɖo alɔ ce mɛ e. Ée un sɛ́n awu mɛtɔn sín tó bó má ká hu mɛ ǎ é ɔ́, tunwun bo mɔ nǔ jɛ wú ɖɔ un kún fɔ́n gǔ dó jǐ mɛtɔn ó. Un kún ká ɖo nyanya mɛtɔn lin wɛ ó. Un kún ká hu hwɛ ɖé dó mɛ ó. Mɛ ka nɔ ɖo mɔ ɖó nú mì wɛ bó ná hu mì.

1 Samuwɛ́li 24:17

Ée Davídi ɖɔ xó énɛ́ lɛ́ɛ nú Sawúlu fó ɔ́, Sawúlu kanbyɔ́ Davídi ɖɔ: “Davídi, vǐ ce, hwi jɛ́n ɖo mɔ̌ ɖɔ nú mì wɛ a?” Ée é ɖɔ mɔ̌ ɔ́, é sú xó bó ya avǐ káká,

1 Samuwɛ́li 24:9

Ée Sawúlu tɔ́n bɔ é nɔ zaan ɔ́, Davídi lɔmɔ̌ tɔ́n sín sónu ɔ́ mɛ, bó jɛ xó sú ylɔ́ Sawúlu jí ɖɔ: “Axɔ́sú sɛ́mɛɖó ce!” Ée Sawúlu se mɔ̌ ɔ́, é kpɔ́n gǔdo, bɔ Davídi jɛ kpo bo ɖe kɔ́.

1 Samuwɛ́li 26:18

Davídi lɛ́ ɖɔ: “Sɛ́mɛɖó, étɛ́wú è ka ɖo gbě ce mɛ? Étɛ́ un ka wa nú mɛ? Nǔ nyanya tɛ́ un wa?