1 Samuwɛ́li 2:9 - MAWUXÓWÉMA

⁹ É nɔ́ nya xɛ ɖo mɛ e ɖo gbejí n'i lɛ́ɛ jí; lo ɔ́, mɛdídá lɛ́ɛ nɔ́ dɔn ɖo zǐnflú gɔngɔn mɛ. Đó gbɛtɔ́ sixú sɔ́ hlɔ̌nhlɔ́n é ɖésúnɔ tɔn dó ɖu ɖo nǔ ɖěbǔ jí ǎ.

1 Samuwɛ́li 2:9 Iomraidhean Croise

Jɔ̌bu 18:18

È nǎ kpíkpé e sín wěziza nu yi jɛ zǐnflú mɛ; è na nya ɛ sín gbɛ ɔ́ mɛ.

Jɔ̌bu 40:13

Bɛ̌ yě bǐ dó kɔ́ glɔ́, sú yě bǐ dó yɔdo mɛ.

Jɔ̌bu 5:16

Énɛ́ wɛ nɔ́ ná nukúnɖíɖó mɛ e ma ɖó gǎn ɖěbǔ ǎ é, bɔ nǔnyanyawatɔ́ bǐ sín nu nɔ yi xɔ.

Jɔ̌bu 5:24

A nǎ vo ɖo xwé towe gbe; a wǎ kpɔ́n xwé towe gbe ɔ́, nǔ ɖěbǔ ná hwe ɖo xwé towe gbe ǎ.

Ɖɛhan 1:6

Đó Mawu Mavɔmavɔ nɔ kpé nukún dó nǔjlɔ́jlɔ́watɔ́ lɛ́ɛ sín ali wú, lo ɔ́, mɛdídá lɛ́ɛ ɔ́, ali e jí yě ɖe ɔ́ wɛ nɔ́ kplá yě yi kú.

Ɖɛhan 105:37

É ɖe togun tɔn tɔ́n; kpatágan kpó siká kpó sín agban wɛ yě dǒ bó tɔ́n; mɛ e ɖo akɔta tɔn lɛ́ɛ mɛ lɛ́ɛ ɖě nɔ gǔdo ǎ.

Ɖɛhan 121:3

É ná lɔn bɔ a nǎ ɖe afɔ nyi do ǎ. Éyɛ́ mɛ e nɔ nya xɛ ɖo jǐ we é nɔ́ dɔ́ amlɔ ǎ.

Ɖɛhan 121:5

Mawu Mavɔmavɔ wɛ nɔ nya xɛ ɖo jǐ we, é wɛ nɔ́ cyɔ́n alɔ jǐ towe, é ɖo akpá towe.

Ɖɛhan 121:8

Mawu Mavɔmavɔ ná nya xɛ ɖo jǐ we ɖo yiyi towe, kpó wiwa towe kpó mɛ, sín din káká sɔ́yi.

Ɖɛhan 145:20

Mawu Mavɔmavɔ nɔ hɛn mɛ e yí wǎn n'i lɛ́ɛ bǐ, bó nɔ́ vívá mɛdídá lɛ́ɛ bǐ sín kún.

Ɖɛhan 31:17

Nukún towe mɛ ní hɔ́n dó nyɛ mɛsɛntɔ́ towe jí, hwlɛ̌n mì ɖó xomɛnyínyɔ́ towe wú.

Ɖɛhan 37:28

Đó Mawu Mavɔmavɔ yí wǎn nú nǔ wa ɖó sɛ́nxwi jí; é nɔ́ jó mɛ e nyí étɔn lɛ́ɛ dó ǎ. É nɔ́ ɖo nukún kpé dó yě wú wɛ tɛgbɛ. Lo ɔ́, Mawu Mavɔmavɔ ná sú mɛdídá lɛ́ɛ sín kún dó bǐ gbídígbídí.

Ɖɛhan 94:18

Mawu Mavɔmavɔ, ényí un ɖɔ afɔ ce xo dɔjɔ ɔ́, xomɛnyínyɔ́ towe wɛ nɔ́ hɛn mì ɖó te.

Ɖɛhan 97:10

Mi mɛ e yí wǎn nú Mawu Mavɔmavɔ lɛ́ɛ e mi, mi gbɛ́ wǎn nú nǔ nyanya. Mawu Mavɔmavɔ nɔ nya xɛ ɖo mɛ e ɖo gbejí n'i lɛ́ɛ jí; é nɔ́ hwlɛ́n yě gán sín mɛdídá fɛn mɛ.

Nǔnywɛ́xó 16:9

Gbɛtɔ́ nɔ bló tito é ɖésúnɔ tɔn lɛ́ɛ; amɔ̌, fí e é ná yi ɔ́, Mawu Mavɔmavɔ wɛ nɔ ɖɔ.

Nǔnywɛ́xó 2:8

é nɔ hɛn mɛ e nɔ wa nǔ ɖó sɛ́nxwi jí lɛ́ɛ, é nɔ́ kpé nukún dó mɛ e nɔ nɔ gbejí n'i lɛ́ɛ wú.

Nǔnywɛ́xó 3:26

Đó Mawu Mavɔmavɔ wɛ ná nyí gǎnjɛwú towe; é ná lɔn bónú afɔ towe ná tɛ mɔ ɖé mɛ ǎ.

Nǔnywɛ́tɔ́xó 5:17

Nǔ e un mɔ dó xó énɛ́ lɛ́ɛ wú ɔ́ ɖíe: nǔ e nyɔ́ nú gbɛtɔ́ ɔ́ wɛ nyí é ná ɖu nǔ, bó nu ahan, bó ɖu azɔ̌ e é wa ɔ́ sín gbɛ, ɖo azǎn nabí e Mawu ná ɛ, bɔ é ná nɔ gbɛ xɔ é mɛ, ɖó éé nyí étɔn ɔ́ nɛ́.

Nǔnywɛ́tɔ́xó 9:11

Un lɛ́ mɔ nǔ ɖěvo ɖěvo ɖo hwe glɔ́ fí. È yi agbahwlɛ́nhwlɛ́n tɛnmɛ ɔ́, wezunkántɔ́ e yá afɔ hú mɛ bǐ é jɛ́n nɔ́ ɖu ɖ'é jí tɛgbɛ ǎ. Mɔ̌ ɖokpó ɔ́, mɛ e dó hlɔ̌nhlɔ́n hú mɛ bǐ é jɛ́n nɔ́ ɖu ɖo ahwan jí tɛgbɛ ǎ. Mɛ e nyí nǔnywɛ́tɔ́ é jɛ́n nɔ́ ɖu nǔ gɔ́ xo tɛgbɛ ǎ. Mɛ e bí é jɛ́n nɔ́ jɛ dɔkun tɛgbɛ ǎ. Mɛ e tunwun nǔ hú mɛ bǐ é kɛ́ɖɛ́ jɛ́n ɖagbe nɔ hun hɔn ná tɛgbɛ ǎ. Đó hwe ɖé lɛ́ɛ nú ɔ́, é nɔ́ nyí ta ɖagbe nú mɛ ɖě, hwe ɖé lɛ́ɛ nú ka nɔ́ nyí ta kúkú nú mɛ ɖě.

Ezayíi 27:3

“Nyɛ Mawu Mavɔmavɔ wɛ ɖo jǐ tɔn kpɔ́n wɛ. Un nɔ hú sin n'i hwebǐnu. Un nɔ ɖo vǐwungbo ɔ́ cɔ́ wɛ zǎn kéze, bónú mɛɖé má wá ɖo sa ɖi gbɔn gbo tɔn mɛ wɛ ó.

Ezayíi 47:5

Mawu ɖɔ: “Babilɔ́nu, ɖǒ nu abwɛ̌ bó jínjɔ́n ayǐ; yi hɔn hwlá cí ablu mɛ fí ɖé, ɖó è sɔ́ ná nɔ́ ylɔ́ we ɖɔ ‘Gǎn axɔ́súɖuto lɛ́ɛ tɔn’ ɖě ǎ.

Jelemíi 8:14

Togun ɔ́ ɖɔ: “Étɛ́wú mǐ ká ɖo ayǐjínjɔ́n fí din? Mi xo miɖée kplé nú mǐ ná yi toxo e è mɛ ahohó lɛ́ lɛ̌ dó lɛ́ɛ mɛ, bó ná yi nɔ te kpɔ́n kú ɖo dɔ̌n, ɖó Mawu Mavɔmavɔ, Mawu mǐtɔn ɔ́, kú wɛ é jó mǐ ná; sin e é ná mǐ bɔ mǐ nu ɔ́, nǔ wɛ è d'é mɛ, ɖó mǐ hu hwɛ dó e.

Jelemíi 9:23

Nú mɛɖé jló ná jlá ajɔ̌ nú éɖée ɔ́, nǔ e mɛ ɔ́ ná sɔ́ dó jlá ajɔ̌ nú éɖée ɔ́ wɛ nyí tunwun e é tunwun mì ɔ́; tunwun e é tunwun mì ɖɔ nyɛ Mawu Mavɔmavɔ wɛ nɔ wa ɖagbe, nyɛ wɛ nɔ wa nǔ jlɔ́jlɔ́, nyɛ wɛ nɔ wa nǔ ɖó sɛ́nxwi jí ɖo ayǐkúngban jí ɔ́, wɛ é ná sɔ́ dó jlá ajɔ̌ nú éɖée; ɖó mɛ mɔ̌hunkɔ lɛ́ɛ sín nǔ wɛ nɔ́ nyɔ́ nyɛ Mawu Mavɔmavɔ nukún mɛ.”

Naxúmu 1:8

Amɔ̌, é ná sɛ́ nǔgbomɛ dó kɛntɔ́ tɔn lɛ́ɛ, bɔ é ná wá gba yě tɔ ɖɔhun, bó ná vívá toxo ɔ́ sín kún, bó ná nya yě káká yi dó zǐnflú mɛ.

Sofoníi 1:15

Xomɛsinzán wɛ azǎn énɛ́ ɔ́ ná nyí. Xɛsi kpó wǔkúmɛ kpó sín azǎn wɛ. Mɛ vivɔ kpó nǔhɛngblé kpó sín azǎn wɛ. Zǐnflú kpó ablu gɔngɔn kpó sín azǎn wɛ. Akpɔ́kpɔ́ kpó amǔ kpó sín azǎn wɛ.

Kɛ́nsísɔ́ 6:24

“Mawu Mavɔmavɔ ní xo ɖɛ dó mi jí, bó cyɔ́n alɔ mi jí.

Matíe 8:12

Lo ɔ́, axɔ́súɖuto sɛ́xwé tɔn sín vǐ lɛ́ɛ ɔ́, è nǎ bɛ̌ yě kɔn nyi zǐnflú mɛ ɖo kɔ́xo. Fínɛ́ wɛ yě ná ya avǐ, bó ná ɖu aɖǔkún ɖe .”

Hlɔ̌manu 3:19

Mǐ ka tunwun ɖɔ nǔ e ɖɔ wɛ sɛ́n lɛ́ɛ ɖe ɔ́ bǐ ɔ́, mɛ e ɖo sɛ́n lɛ́ɛ glɔ́ lɛ́ɛ ɖɔ ná wɛ yě ɖe, bónú è nǎ xwe nu yětɔn dó xɔ, bónú Mawu ná ɖɔ hwɛ xá gbɛtɔ́ e ɖo gbɛ ɔ́ mɛ lɛ́ɛ bǐ.

Sɛ́nflínmɛ 33:3

Mawu Mavɔmavɔ yí wǎn nú Izlayɛ́li sín akɔta lɛ́ɛ. Izlayɛ́li ví súnnu e nyí étɔn, bó nɔ́ wá kplé ɖo asá tɔn mɛ, bó ná yí kplɔ́n lɛ́ɛ ɔ́, é nɔ́ cyɔ́n alɔ yě jǐ.

1 Piyɛ́ɛ 1:5

nú mi mɛ e hlɔ̌nhlɔ́n tɔn ɖo hinhɛn wɛ gbɔn nǔɖiɖi jí káká jɛ hwenu e hwlɛngán e ko sɔgbe, bɔ è nǎ ɖe xlɛ́ ɖo hwenu gǔdo gúdo tɔn lɛ́ɛ mɛ ɔ́ ná wá dó é.

2 Piyɛ́ɛ 2:17

Nǔkplɔ́nmɛtɔ́-nyíjɛtɔ́ énɛ́ lɛ́ɛ cí tɔjɔtɛn e xusin é ɖɔhun; yě cí akpɔ́kpɔ́ e jɔhɔn ɖaxó ɖé ɖo zǐzé wɛ ɔ́ ɖɔhun; Mawu sɔ́ tɛnmɛ ɖ'ayǐ nú yě ɖo zǐnflú gɔngɔn bǐ ɔ́ mɛ.

Judi 1:1

Nyɛ Judi mɛsɛntɔ́ Jezu Klísu tɔn, Jaki sín nɔví ɔ́ wɛ ɖo wěma élɔ́ wlán wɛ; nyɛ wɛ ɖo wěma élɔ́ wlán sɛ́ dó mɛ e Mawu Tɔ́ ɔ́ ylɔ́ bɔ yě ɖo gbɛ ɖo wǎn yíyí tɔn mɛ, bɔ Jezu Klísu ɖo yě hɛn wɛ lɛ́ɛ wɛ.

Judi 1:13

Yě cí xu e ɖo xixo wɛ kpó adǎn kpó ɔ́ ɖɔhun, bɔ winnyánú wiwa yětɔn lɛ́ɛ nɔ cí fún e nyɛ wɛ xu ɔ́ ɖe é ɖɔhun. Yě cí sunví e ɖo flúflú wɛ lɛ́ɛ ɖɔhun, bɔ Mawu sɔ́ tɛnmɛ ɖokpó ɖ'ayǐ nú yě káká sɔ́yi, ɖo ablu gɔngɔn ɔ́ mɛ.

Judi 1:3

Mɛvívɛ́ná ce lɛ́ɛ mi, un ko ɖo lě e un ná wa gbɔn, bó ná wlán wěma sɛ́ dó mi dó hwlɛngán ɖokpó ɔ́ e mǐ ɖó ɔ́ wú ɔ́ ba wɛ syɛ́nsyɛ́n; énɛ́ ɔ́ lin wɛ un ɖe bó wá mɔ ɖɔ é ɖo dandan mɛ nú mì ɖɔ ma wlán sɛ́ dó mi, bó ná dó ná akɔ́nkpinkpan mi, bónú mi ná fun ahwan nú nǔɖiɖi e Mawu ná mɛɖeɖóvo tɔn lɛ́ɛ bǐ azɔn ɖokpó géé bɔ xó fó é.

1 Samuwɛ́li 25:26

Din ɔ́ sɛ́ ce, un xwlé Mawu nú we ɖɔ nú Mawu Mavɔmavɔ ɖo gbɛ jɛ́n wɛ bónú hwi lɔ ɖo gbɛ ɔ́, Mawu Mavɔmavɔ wɛ hɛn we ɖó te ɖɔ hwi ní má kɔn hun kɔn nyi ayǐ dó ba hwɛjijɔ nú hwiɖée ó. Mɛ e nyí kɛntɔ́ towe lɛ́ɛ kpó mɛ e ɖo nyanya towe lin wɛ lɛ́ɛ kpó ɔ́, nǔ e ná gbo Navalu ɔ́ ní gbo yě lɔ.