1 Samuwɛ́li 2:8 - MAWUXÓWÉMA

⁸ É nɔ́ sɔ́ wamamɔnɔ sí te sín kɔ́ mɛ, é nɔ́ sɔ́ lelenɔ sí te sín zunkɔ́ mɛ, é nɔ́ sɔ́ ɛ jínjɔ́n mɛ klogǎn klogǎn lɛ́ɛ há jí, é nɔ́ sɔ́ ɛ ɖó tɛn ɖaxó mɛ. Đó Mawu Mavɔmavɔ tɔn wɛ nyí dotín ayǐkúngban ɔ́ tɔn lɛ́ɛ. Dotín énɛ́ lɛ́ɛ jí wɛ é sɔ́ gbɛ ɔ́ jínjɔ́n.

1 Samuwɛ́li 2:8 Iomraidhean Croise

Bǐbɛ́mɛ 41:14

Ée axɔ́sú ɔ́ se mɔ̌ ɔ́, é dó wɛn sɛ́ dó Jozɛ́fu, bɔ è yi ɖe e tɔ́n sín gankpá ɔ́ mɛ tlóló. Ée Jozɛ́fu tɔ́n ɔ́, è xwlɛ́ ta n'i, bó ɖyɔ́ awu n'i, bɔ é ɖidó axɔ́sú ɔ́ gɔ́n.

Bǐbɛ́mɛ 41:40

Hǔn hwi wɛ un ná sɔ́ gǎn ɖó axɔ́súɖuto ce nu, bɔ toví ce lɛ́ɛ bǐ ná se tónú nú we. Axɔ́súzinkpo e jí un ɖe ɔ́ kɛ́ɖɛ́ wɛ ná zɔ́n bɔ un ná ɖó acɛ hú we.

2 Samuwɛ́li 7:8

Din ɔ́, a nǎ ɖɔ nú mɛsɛntɔ́ ce Davídi ɖɔ xó e Mawu Mavɔmavɔ Nǔbǐwúkpétɔ́ ɔ́ ɖɔ ɔ́ ɖíe: ‘Sín hwenu e a ɖo lɛ̌ngbɔ́nyitɔ́ nyí wɛ ɔ́ wɛ un ylɔ́ we, bó sɔ́ we gǎn ɖó togun ce Izlayɛ́li nu.

1 Axɔ́sú 16:2

“Hwi mɛ e ma sɔ atɛ́n ɖo togun ɔ́ mɛ ɖ'ayǐ ǎ é ɔ́, un sɔ́ we gǎn ɖó togun ce Izlayɛ́li nu. Lo ɔ́, hwi lɔ zán gbɛ nyanya Jelobowámu ɖɔhun; a dɔn Izlayɛ́linu lɛ́ɛ bɔ yě hu hwɛ; yě dǒ xomɛsin nú mì gbɔn hwɛ e yě hu lɛ́ɛ gblá mɛ.

2 Axɔ́sú 9:6

Ée é ɖɔ mɔ̌ ɔ́, Jehu sí te, bó kplá ɛ yi xwé gbe, bɔ gbeyíɖɔ Mawu tɔn ɔ́ kɔn ami dó ta n'i bó ɖɔ: “Mawu Mavɔmavɔ, Mawu Izlayɛ́li tɔn ɔ́ ɖɔ: ‘Un sɔ́ we Izlayɛ́li xɔ́sú ɖó togun ce nu.

Jɔ̌bu 1:21

bó ɖɔ: “Mɛ̌ wɛ un zɔn sín nɔ ce xomɛ, bó ká ná lɛ́ zɔn mɛ̌ byɔ́ kɔ́ glɔ́. Mawu Mavɔmavɔ wɛ ná, Mawu Mavɔmavɔ wɛ ka lɛ́ yí, susu nú Mawu Mavɔmavɔ.”

Jɔ̌bu 2:8

Jɔ̌bu nɔ zé zɛ̌nlákwɛ́ dó klú wǔtu, bó nɔ́ jínjɔ́n afín mɛ.

Ɖɛhan 102:25

Un ɖɔ nú we ɖɔ: “Mawu ce, ma lɔn nú un wɛ́n kú ó, hwi mɛ e ɖo gbɛ káká sɔ́yi é.”

Ɖɛhan 104:5

A ɖǒ ayǐkúngban ɔ́ ɖó dodó tɔn jí, bɔ é ná dán wǔ gbeɖé ǎ.

Ɖɛhan 107:41

Lo ɔ́, é nɔ́ hwlɛ́n yatɔ́nɔ lɛ́ɛ gán sín ya mɛ, é nɔ́ bló bɔ hɛ̌nnu yětɔn lɛ́ɛ nɔ sukpɔ́ winnini kanlin hwan ɖɔhun.

Ɖɛhan 24:2

Đó é wɛ dó ayǐkúngban ɔ́ do ɖó xu jí, é wɛ hɛn ɛ ɖó te ɖó tɔ lɛ́ɛ jí.

Ɖɛhan 75:3

Hwenu e un ɖó ɔ́ su ɔ́, un ná nɔ́ ɖɔ hwɛjijɔ.

Ɖɛhan 75:4

Ayǐkúngban kpó nǔ e ɖ'é ji lɛ́ɛ bǐ kpó ɖo wǔ dán wɛ. Lo ɔ́, nyɛ wɛ hɛn dotín e jí é jínjɔ́n é ɖó te. Agbɔ̌n

Ɖɛhan 75:7

Mi tunwun ɖɔ susu Mawu tɔn kún nɔ́ gosín zǎnzǎnhwe jí ó, é ka gosín gbadahwe jí ǎ, é ka gosín gbětótló mɛ ǎ.

Nǔnywɛ́tɔ́xó 4:14

Yɔkpɔ́vú énɛ́ ɔ́, é ná bó nyí ya mɛ wɛ è ji i dó, abǐ é ná bó nyí gankpá mɛ é gosín bó wá yi zinkpo jí ɔ́,

Ezayíi 22:23

Un ná xwe e só ɖɔhun, ɖó fí e syɛ́n ganjí é. É ná nyí wi bó nɔ ta nú daá tɔn xwé.”

Daniyɛ́li 2:48

Énɛ́ ɔ́ gúdo ɔ́, axɔ́sú ɔ́ sɔ́ Daniyɛ́li su, bó ná ɛ nǔ ɖagbe ɖagbe gěgé. É sɔ́ Daniyɛ́li tokpɔngán ɖo tokpɔn Babilɔ́nu tɔn nu. É lɛ́ sɔ́ gǎn Daniyɛ́li bɔ é kpa acɛ dó nǔnywɛ́tɔ́ e ɖo Babilɔ́nu lɛ́ɛ bǐ nu.

Daniyɛ́li 4:17

Mɛ mɔ atín syɛ́nsyɛ́n ɖaxó ɖokpó, bɔ ala tɔn lɛ́ɛ ɖi ga káká yi sɔ́ jǐnukúnsin, bɔ gbɛ ɔ́ bǐ nɔ́ mɔ.

Daniyɛ́li 6:3

É lɛ́ cyán gǎn nǔjíkpɔ́ntɔ́ atɔn ɖó tokpɔngán lɛ́ɛ nu. Yě wɛ tokpɔngán lɛ́ɛ ná nɔ ɖó azɔ̌ e yě wa ɔ́ sín gbe ná. É bló mɔ̌ bónú mɛɖé ma wá hɛn axɔ́sú ɔ́ sín nǔ ɖěbǔ gblé ó. Daniyɛ́li lɔ ɖo gǎn atɔn e axɔ́sú ɔ́ cyán lɛ́ɛ mɛ.

Eblée 1:3

É wɛ nyí susu Mawu tɔn sín wěziza sín xlɛ́, bó nyí Mawu sín xlɛ́ titewungbe tɔn. É sɔ́ xó tɔn hlɔ̌nhlɔ́nnɔ ɔ́ dó hɛn gbɛ ɔ́ ɖó te. Ée é lɛ gbɛtɔ́ lɛ́ɛ wé sín hwɛ yětɔn lɛ́ɛ mɛ gúdo ɔ́, é jínjɔ́n Mawu e nyí hlɔ̌nhlɔ́n bǐ nɔ ɔ́ sín ɖisíxwé ɖo sɛ́xwé.

Jaki 2:5

Nɔví ce vívɛ́ná lɛ́ɛ mi, mi ɖótó: Mawu cyán wamamɔnɔ gbɛ élɔ́ mɛ tɔn lɛ́ɛ, bónú yě ná nyí dɔkunnɔ ɖo nǔɖiɖi mɛ, bó ná nyí axɔ́súɖuto e sín akpá e é dó nú mɛ e yí wǎn n'i lɛ́ɛ ɔ́ sín vǐ.

Nǔɖexlɛ́mɛ 1:6

bó zé mǐ dó bló vɔ̌sánú-xwlémawutɔ́ lɛ́ɛ sín axɔ́súɖuto ná, bónú mǐ ná nɔ wa azɔ̌ nú Tɔ́ tɔn Mawu. Susu kpó hlɔ̌nhlɔ́n kpó ní nyí étɔn káká sɔ́yi mavɔ mavɔ! Amǐ.

Nǔɖexlɛ́mɛ 22:5

Zǎn sɔ́ ná nɔ kú ǎ; yě sɔ́ ná ba wěziza zogbɛ́n tɔn ǎ; yě ka sɔ́ ná ba wěziza hwe tɔn ǎ, ɖó Aklúnɔ Mawu ná gba wěziza tɔn kɔn nyi yě jí, bɔ yě ná ɖu axɔ́sú káká sɔ́yi.

Nǔɖexlɛ́mɛ 3:21

“Mɛ e ná ɖu ɖ'é jí ɔ́, un ná ná ɛ gbe, bɔ é ná jínjɔ́n axɔ́súzinkpo ce jí, lě e un ɖu ɖ'é jí, bó jínjɔ́n Tɔ́ ce kpá ɖo axɔ́súzinkpo tɔn jí é ɖɔhun.

Nǔɖexlɛ́mɛ 5:10

A sɔ́ yě dó bló axɔ́súɖuto, bó sɔ́ yě dó bló vɔ̌sánú-xwlémawutɔ́ lɛ́ɛ sín axɔ́súɖuto ná, bónú yě ná wa azɔ̌ nú Mawu mǐtɔn, bó ná ɖu axɔ́sú ɖo ayǐkúngban jí.”

1 Samuwɛ́li 15:17

Énɛ́ ɔ́, Samuwɛ́li ɖɔ: “Đ'ayǐ ɔ́, a nɔ sɔ́ hwiɖée dó mɔ mɛjɔmɛ ɖě ǎ. Din ɔ́, a hǔzú akɔta Izlayɛ́li tɔn lɛ́ɛ bǐ sín gǎn. Mawu Mavɔmavɔ wɛ kɔn ami dó ta nú we bó sɔ́ we Izlayɛ́li xɔ́sú.