1 Samuwɛ́li 2:7 - MAWUXÓWÉMA

⁷ Mawu Mavɔmavɔ wɛ nɔ dó ya mɛ, bo nɔ lɛ́ dó dɔkun nú mɛ. É wɛ nɔ́ zé mɛ hwe, é wɛ ká nɔ́ lɛ́ zé mɛ su.

1 Samuwɛ́li 2:7 Iomraidhean Croise

2 Axɔ́sú 9:6

Ée é ɖɔ mɔ̌ ɔ́, Jehu sí te, bó kplá ɛ yi xwé gbe, bɔ gbeyíɖɔ Mawu tɔn ɔ́ kɔn ami dó ta n'i bó ɖɔ: “Mawu Mavɔmavɔ, Mawu Izlayɛ́li tɔn ɔ́ ɖɔ: ‘Un sɔ́ we Izlayɛ́li xɔ́sú ɖó togun ce nu.

1 Tan 29:12

Gɔ̌n towe wɛ dɔkun kpó susu kpó gosín. Hwi wɛ kpa acɛ nú nǔ bǐ. Alɔ towe mɛ wɛ hlɔ̌nhlɔ́n kpó nǔbǐwúkpíkpé kpó ɖe. Hwi wɛ ɖó acɛ, bó nɔ́ sɔ́ mɛ e jló we ɔ́ su, bó ɖó acɛ bó nɔ́ dó wǔsyɛ́n lanmɛ nú mɛ e jló we é.

2 Tan 32:27

Ezekiyási jɛ dɔkun ɖésú, bó xɔ susu tawun. É ɖɔ bɔ è mɛ xɔ e mɛ é ná bɛ́ kpatágan dó lɛ́ɛ, éé mɛ é ná bɛ́ siká dó lɛ́ɛ, éé mɛ é ná bɛ́ awǐnnya xɔ akwɛ́ dó lɛ́ɛ, éé mɛ é ná bɛ́ nǔsáwǔ wǎnɖagbenɔ dó lɛ́ɛ, éé mɛ é ná bɛ́ gǎglónú kpódó nǔ xɔ akwɛ́ tɛnmɛ tɛnmɛ bǐ kpó dó lɛ́ɛ.

2 Tan 32:29

É ɖó toxo ɖé lɛ́ɛ ayǐ; é ɖó gbɔ̌ kpódó nyibú kpó kɔn nyi kpɔ́, ɖó Mawu dǒ dɔkun n'i.

Jɔ̌bu 1:21

bó ɖɔ: “Mɛ̌ wɛ un zɔn sín nɔ ce xomɛ, bó ká ná lɛ́ zɔn mɛ̌ byɔ́ kɔ́ glɔ́. Mawu Mavɔmavɔ wɛ ná, Mawu Mavɔmavɔ wɛ ka lɛ́ yí, susu nú Mawu Mavɔmavɔ.”

Jɔ̌bu 40:12

Kpɔ́n goyítɔ́ lɛ́ɛ bǐ, bó dó winnyá yě. Nyǐnyɛ́ mɛdídá lɛ́ɛ ɖo tɛndo ɖokpó ɔ́ mɛ.

Jɔ̌bu 5:11

É nɔ́ sɔ́ mɛ e ɖo do lɛ́ɛ d'aga, mɛ e ɖo aluwɛ mɛ lɛ́ɛ nɔ́ mɔ awǎjijɛ.

Ɖɛhan 102:10

Afín wɛ un nɔ ɖu ɖó nǔɖuɖu do mɛ, un ná nu nǔɖé ɔ́, ɖasin ce nɔ hán ɖ'é mɛ ǎ;

Ɖɛhan 75:7

Mi tunwun ɖɔ susu Mawu tɔn kún nɔ́ gosín zǎnzǎnhwe jí ó, é ka gosín gbadahwe jí ǎ, é ka gosín gbětótló mɛ ǎ.

Ɖɛhan 75:8

Lo ɔ́, Mawu wɛ nyí mɛ e nɔ ɖɔ hwɛ é: É nɔ́ sɔ́ mɛ ɖě hwe, bó ká nɔ́ sɔ́ mɛ ɖě su.”

Nǔnywɛ́xó 22:2

Dɔkunnɔ kpó wamamɔnɔ kpó kpé dó nǔ ɖokpó: Mawu Mavɔmavɔ e bló dɔkunnɔ ɔ́ jɛ́n bló wamamɔnɔ lɔ.

Ezayíi 2:12

Mawu Mavɔmavɔ Nǔbǐwúkpétɔ́ ɔ́ zé azǎn ɖokpó ɖó te, bó ná ɖó hwɛ nú mɛ e nɔ mɔ éɖée é, mɛ e nɔ yí go é, mɛ e nɔ zé éɖée su é bó ná sɔ́ ɛ hwe.

Jelemíi 49:15

Xó e Mawu ɖɔ dó Edɔ́mu wú ɔ́ ɖíe; é ɖɔ: “Edɔ́mu, un na sɔ́ we dó húzú akɔta kpɛví ɖo akɔta lɛ́ɛ bǐ tɛ́ntin; mɛ bǐ na gbɛ́ wǎn nú we.

Ezekiyɛ́li 17:24

Énɛ́ ɔ́, atín e ɖo zunkan mɛ lɛ́ɛ bǐ ná tunwun ɖɔ nyɛ wɛ nyí Mawu Mavɔmavɔ. Un nɔ mu atín e yi jǐ dín lɛ́ɛ, bó nɔ́ bló bɔ ée hwe hú bǐ lɛ́ɛ nɔ su. Un nɔ ɖe sin sín atín e ɖo mǔ fɛɛn ɔ́ mɛ, bó nɔ́ ná hinhɔ́n dó ée xú ɔ́ mɛ. Nyɛ Mawu Mavɔmavɔ wɛ ɖo xó ɖɔ wɛ, un ɖɔ nǔɖé ɔ́, un ka nɔ bló.”

Jaki 4:10

Mi sɔ́ miɖée hwe ɖo Aklúnɔ nukɔn, énɛ́ ɔ́ é ná sɔ́ mi su.