1 Samuwɛ́li 2:5 - MAWUXÓWÉMA

⁵ Mɛ e ko ɖu nǔ kpo ɔ́ lɛ́ wá ɖo gbatɛ sɔ́ wɛ cóbó ná sixú mɔ nǔ ɖu. Mɛ e ka ɖo xovɛ́ ɖ'ayǐ lɛ́ɛ nɔ ɖo gbɔjɛ mɛ. Nyɔ̌nu wɛnsinɔ lɛ́ɛ nɔ ji vǐ azɔn tɛ́nwe. Nyɔ̌nu e ka ko ɖó vǐ kpɔ́ lɛ́ɛ nɔ húzú ajikponɔ.

1 Samuwɛ́li 2:5 Iomraidhean Croise

Ɖɛhan 113:9

É nɔ́ ná xwédo mɛ e nyí wɛnsinɔ é, bɔ é nɔ́ húzú nyɔ̌nánɔ ɖo vǐ tɔn lɛ́ɛ tɛ́ntin. Mi kpa Mawu Mavɔmavɔ!

Ɖɛhan 34:10

Mi mɛ e nyí Mawu Mavɔmavɔ tɔn lɛ́ɛ mi, mi ɖó sísí nú Mawu Mavɔmavɔ, ɖó nǔɖé nɔ́ hwedó mɛ e nɔ ɖó sísí n'i lɛ́ɛ ǎ.

Ezayíi 33:9

To ɔ́ ɖo aluwɛ mɛ; sin ɖo vivɔ sín to ɔ́ mɛ wɛ. Akú hɛn Libáan só ɔ́, bɔ winnyá hu i. Calɔ́ni gbé ɔ́ jí bǐ ba sin kpo bó cí gbětótló ɖé ɖɔhun. Atín e ɖo Basáni só ɔ́ jí lɛ́ɛ kpó ée ɖo Kaamɛ́li só ɔ́ jí lɛ́ɛ kpó bǐ ɖo ɖa lúnlún wɛ.

Ezayíi 54:1

Jeluzalɛ́mu, hwi mɛ e nyí wɛnsinɔ ɔ́, hwi mɛ e ma ji vǐ kpɔ́n ǎ ɔ́, hwi mɛ e ma mɔ wǔvɛ́ ɖo ajidonu kpɔ́n ǎ ɔ́, sú xó bó j'awǎ. Đó Mawu Mavɔmavɔ ɖo ɖiɖɔ nú we wɛ ɖɔ: “Hwi mɛ e asú towe gbɛ́ we ɔ́, a nǎ ɖó vǐ hú nyɔ̌nu e ɖo asúxwé é.”

Jelemíi 15:9

Nyɔ̌nu e ji vǐ tɛ́nwe ɔ́ ba éɖée kpo; gbɛ tɔn sɔ́ nyí nǔɖé wa nǔ ǎ; kéze kpo ɖo te bɔ hwe tɔn cí. É ɖu winnyá, bó flú. Jeluzalɛ́mu, vǐ towe e kpó ɖo gbɛ lɛ́ɛ ɔ́, un ná jó yě, bɔ yě ná kú ɖo ahwangbénu ɖo kɛntɔ́ yětɔn lɛ́ɛ nukɔn; Xó e nyɛ Mawu Mavɔmavɔ ɖɔ ɔ́ nɛ́.”

Luki 1:53

É ná nǔ bǐ mɛ e xovɛ́ sin lɛ́ɛ, bó nya dɔkunnɔ lɛ́ɛ asígbá alɔgbá.

Luki 16:25

Ablaxámu ka yí gbe n'i ɖɔ: “Vǐ ce, flín ɖɔ ɖagbe e nyí towe ɔ́, a ko mɔ yí ɖo gbɛ towe hwenu. Lazáa ɔ́, ya wɛ éyɛ́ ka ji, bɔ din ɔ́, é vo ɖo fí, bɔ hwɛ ka ɖo ya ji wɛ.

Galatinu 4:27

Đó Mawuxó ɔ́ ɖɔ: “Wɛnsinɔ, hwi mɛ e ma ji vǐ kpɔ́n ǎ é, jɛ awǎ; hwi mɛ e ma mɔ wǔvɛ́ ɖo ajidonu kpɔ́n ǎ é, sú xó bó jɛ awǎ; ɖó nyɔ̌nu e asú tɔn gbɛ́ e ná ɖó vǐ hú nyɔ̌nu e ɖo asúxwé é.”

Hwliti 4:15

É ná ná ayi j'ayǐ we bó ná kpé nukún wǔ we ɖo kpikpoxɔmɛ. Vǐ towe si ɔ́ hú vǐ tɛ́nwe nú we, ɖó é yí wǎn nú we bó ji vǐ súnnu élɔ́ nú we.”

1 Samuwɛ́li 1:20

Đo xwe nɛ́ xwe ɔ́, Ana mɔ xo bo ji vǐ súnnu ɖokpó, bó ɖɔ dó ayi mɛ ɖɔ émí ná sun nyǐ i ɖɔ Samuwɛ́li, ɖó Mawu Mavɔmavɔ wɛ émí byɔ́ .

1 Samuwɛ́li 1:6

Ana ɔ́, asísi tɔn nɔ ɖo nǔ ɖɔ ba ɛ wɛ, bó ná dó dó aɖi xomɛ n'i ɖó vǐ e Mawu Mavɔmavɔ ma ná ɛ ǎ é wú.