1 Samuwɛ́li 2:4 - MAWUXÓWÉMA

⁴ Ahwanfuntɔ́ syɛ́nsyɛ́n lɛ́ɛ sín gǎ nɔ́ wɛ́n dó alɔ mɛ nú yě; lo ɔ́, mɛ e ma ɖó gǎn ǎ lɛ́ɛ nɔ́ mɔ hlɔ̌nhlɔ́n.

1 Samuwɛ́li 2:4 Iomraidhean Croise

Ɖɛhan 18:39

Un nɔ gba yě hánnyá, bɔ yě nɔ́ sixú sí te ǎ; yě nɔ́ j'ayǐ, bɔ un nɔ gbɔn yě jí.

Ɖɛhan 37:15

Yě ɖésúnɔ sín hǔn wɛ hwǐ yětɔn ka ná xo zlɛ́, bɔ gǎ yětɔn ná wɛ́n.

Ɖɛhan 37:17

Đó è nǎ wɛ́n awa mɛdídá lɛ́ɛ, Mawu Mavɔmavɔ ka ná sɔ́ hwɛjijɔnɔ lɛ́ɛ sín alɔ d'aga.

Ɖɛhan 46:10

É wɛ sú ahwan kún dó gbɔn gbɛ ɔ́ bǐ mɛ. É wɛ́n gǎ lɛ́ɛ, é lɔ́ hwǎn lɛ́ɛ, é dó ahwankɛkɛ́ lɛ́ɛ zo.

Ɖɛhan 46:9

Mi wá kpɔ́n nǔ e Mawu Mavɔmavɔ jlɛ́ lɛ́ɛ, mi wá kpɔ́n nǔ e é hɛn gblé ɖo ayǐkúngban jí lɛ́ɛ.

Ɖɛhan 76:3

Salɛ́mu wɛ goxɔ tɔn ɖe, nɔtɛn tɔn ɖo Sinyɔ́ɔ.

Ezayíi 10:4

Gantɔ́ lɛ́ɛ tɛ́ntin jɛ́n mi na gbɔ bó sɔ́ miɖée yi kɔn nyi ayǐ ɖe; é gló ɔ́, mi ná j'ayǐ kɔ́ mɛ, ɖo mɛ e è hu lɛ́ɛ tɛ́ntin. Nǔ énɛ́ lɛ́ɛ bǐ ná bó jɛ ɔ́, xomɛ Mawu tɔn ná ko fá ǎ; alɔ tɔn ná kpo ɖo dlɛ̌ndlɛ́n, bó ná xo togun tɔn.

Ezayíi 40:29

É nɔ́ ná hlɔ̌nhlɔ́n ɖěvo mɛ e nǔ cikɔ ná é, bó nɔ́ dó wǔsyɛ́n lanmɛ nú mɛ e agbɔ̌n kpé é.

Jelemíi 37:10

Mi na bo ɖu ɖo ahwangɔnu Babilɔ́nu tɔn e ɖo ahwan fun xá mi wɛ ɔ́ jí, bónú é kpo mɛ e gblé wǔ lɛ́ɛ kɛ́ɖɛ́ ɔ́, yě mɛ énɛ́ lɛ́ɛ ná sí te sín goxɔ yětɔn lɛ́ɛ mɛ, lobo ná dó toxo élɔ́ zo.’ ”

Jelemíi 51:56

Nǔhɛngblétɔ́ lɛ́ɛ wɛ ɖo Babilɔ́nu sɛkpɔ́ wɛ; yě ná wlí sɔ́ja Babilɔ́nu tɔn lɛ́ɛ; yě ná wɛ́n gǎ yětɔn lɛ́ɛ. Yě ná bló mɔ̌, ɖó Mawu Mavɔmavɔ ɔ́, Mawu wɛ é nyí; lě e mɛ ɖé wa nǔ gbɔn ɔ́ wɛ é nɔ́ ná mɛ ɔ́ gbɔn. É nɔ́ sú axɔ́ mɛ ɖokpó ɖokpó lě e é jɛ xá gbɔn é.

2 Kɔlɛ́ntinu 12:9

Bɔ Mawu yí gbe nú mì ɖɔ: “Wǔjɔmɛ ce wɛ nyí nǔ e hudó we ɔ́ bǐ, ɖó hwenu e a ma kpé nǔ wú ǎ ɔ́ wɛ hlɔ̌nhlɔ́n ce nɔ́ ɖe nǔwiwa tɔn lɛ́ɛ bǐ xlɛ́ dégbédégbé.” Hǔn, un ɖo gbesisɔ mɛ bó ná sɔ́ gǎnmaɖó ce dó jlá ajɔ̌ nú nyɛɖée kpó ayixa ce bǐ kpó, bónú hlɔ̌nhlɔ́n Klísu tɔn ná cyɔ́n alɔ jǐ ce.

Efɛ́zinu 6:14

Hǔn mi bó ɖo acéjí. Nǔgbó ní nyí gǒjíblánú ɖo alin mitɔn; hwɛjijɔ ní nyí ganwu nú mi dó.

Filípunu 4:13

Mɛ e nɔ ná hlɔ̌nhlɔ́n mì ɔ́ wɛ nɔ zɔ́n, bɔ un nɔ sixú kpé nǔ énɛ́ lɛ́ɛ bǐ wú.

Eblée 11:32

Étɛ́ un ka ná lɛ́ ɖɔ? Đó un gbɛ́ ná ɖɔ xó dó Jedenyɔ́ɔ kpó Balaaki kpó, Sanmusɔ́ɔn kpó Jɛfutée kpó, Davídi kpó Samuwɛ́li kpó, kpódó gbeyíɖɔ Mawu tɔn lɛ́ɛ kpó wú ɔ́, ganmɛ ná hwedó mì.

Eblée 11:34

Nǔɖiɖi e yě ɖó ɔ́ zɔ́n bɔ yě xo myɔ e ɖo jiji wɛ hɛhɛ ɔ́ cí; yě gló hwǐ; yě ɖó gǎn ɖé ɖ'ayǐ ǎ, yě ka wá mɔ gǎn. Ahwanfuntɔ́ syɛ́nsyɛ́n wɛ yě wá nyí, bó ɖu ɖo ahwangɔnu to ɖěvo mɛ tɔn lɛ́ɛ jí.