1 Samuwɛ́li 2:26 - MAWUXÓWÉMA

²⁶ Samuwɛ́li ka ɖo susu wɛ, bɔ nǔ tɔn nyɔ́ Mawu Mavɔmavɔ nukún mɛ, bó nyɔ́ gbɛtɔ́ lɛ́ɛ nukún mɛ.

1 Samuwɛ́li 2:26 Iomraidhean Croise

Bǐbɛ́mɛ 39:4

Énɛ́ ɔ́, Potifáa gǎn tɔn ɔ́ yí wǎn n'i, bó sɔ́ ɛ dó ɖó azɔ̌watɔ́ é ɖésúnɔ tɔn; é sɔ́ ɛ gǎn ɖó xwé tɔn nu, bó sɔ́ nǔ tɔn lɛ́ɛ bǐ dó alɔ mɛ n'i.

Nǔnywɛ́xó 3:3

Ma gɔn xomɛ nyɔ́ gbeɖé ó, ma gɔn gbejí nɔ gbeɖé ó; sin yě dó kɔ kɔjɛ́ ɖɔhun, wlǎn yě dó ayi towe mɛ.

Nǔnywɛ́xó 3:4

Énɛ́ ɔ́, Mawu kpó gbɛtɔ́ lɛ́ɛ kpó ná yí wǎn nú we, bó ná mɔ ɖɔ hwi nɔ lin tamɛ kpɔ́n ganjí.

Luki 1:80

Vǐ ɔ́ ɖo susu wɛ, bɔ nǔ e é nyí ɔ́ ɖo wěxo jɛ wɛ. É yi cí gbětótló mɛ káká jɛ gbe e gbe é wá ɖe éɖée xlɛ́ Izlayɛ́li togun ɔ́ é.

Luki 2:40

Vǐ ɔ́ ka ɖo susu wɛ, bɔ hlɔ̌nhlɔ́n ɖo wǔ tɔn wá wɛ; nǔnywɛ́ kpé e; bɔ nyɔ̌ná Mawu tɔn ɖo kpɔ́ xá ɛ.

Luki 2:52

Jezu ɖo susu wɛ, bɔ nǔnywɛ́ tɔn ɖo jijɛ jí wɛ. Mawu yí wǎn n'i, bɔ gbɛtɔ́ lɛ́ɛ lɔ yí wǎn n'i.

Mɛsɛ́dó 2:47

Yě nɔ́ kpa susu nú Mawu, bɔ mɛ bǐ yí wǎn nú yě. Ayǐhɔ́ngbe ayǐhɔ́ngbe ɔ́, Aklúnɔ ka nɔ́ dɔn mɛ e é hwlɛ́n gán lɛ́ɛ wá gɔ́ nú yě.

Hlɔ̌manu 14:18

Mɛ e nɔ wa azɔ̌ nú Klísu gbɔn mɔ̌ ɔ́, nǔ tɔn nɔ nyɔ́ Mawu nukún mɛ; gbɛtɔ́ lɛ́ɛ nɔ kpa ɛ.

Hwɛɖɔtɔ́ 13:24

Nyɔ̌nu ɔ́ ji vǐ súnnu ɖokpó, bó sun nyǐ i ɖɔ Sanmusɔ́ɔn. Vǐ ɔ́ su, bɔ Mawu Mavɔmavɔ dó acɛ jǐ tɔn.

1 Samuwɛ́li 2:21

Mawu Mavɔmavɔ nyi kɔ kpɔ́n Ana, bɔ é lɛ́ ji vǐ; é ji súnnu atɔn, nyɔ̌nu we. Samuwɛ́li ka ɖo susu wɛ ɖo Mawu Mavɔmavɔ nukɔn.

1 Samuwɛ́li 3:19

Samuwɛ́li ɖo susu wɛ, bɔ Mawu Mavɔmavɔ ɖo kpɔ́ xá ɛ, bɔ nǔ e é nɔ́ ɖɔ dó Mawu Mavɔmavɔ nyíkɔ mɛ ɔ́ bǐ nɔ́ jɛ.