1 Samuwɛ́li 2:23 - MAWUXÓWÉMA

²³ É wá kanbyɔ́ yě ɖɔ: “Étɛ́wú mi ka ɖo nǔ dó sin gbɔn mɔ̌ wɛ? Togun ɔ́ bǐ wɛ ɖo nǔ nyanya e dó sin wɛ mi ɖe lɛ́ɛ ɖɔ wɛ bɔ un se.

1 Samuwɛ́li 2:23 Iomraidhean Croise

1 Axɔ́sú 1:6

Nǔ e wa wɛ é nɔ́ ɖe lɛ́ɛ ɔ́, tɔ́ ɔ́ nɔ́ kɛ nu dó ɖě wú n'i kpɔ́n gbeɖé ɖo gbɛ tɔn mɛ ǎ; é ká nɔ́ kan nǔ e wú é ɖo mɔ̌ wa wɛ ɔ́ byɔ́ ɛ ǎ. Adoniyasi ka nyí mɛɖé bó nyɔ́ ɖɛkpɛ tawun; é wɛ jɛ Abusalɔ́mu nɛgbé.

Ezayíi 3:9

Gbɛtɔ́ jí e yě nɔ́ nɔ ɔ́ wɛ ɖe xlɛ́ ɖɔ yě ɖo nǔ wa nyi do wɛ . Sodɔ́munu lɛ́ɛ ɖɔhun wɛ yě ɖe, yě ja nǔ nyanya e yě nɔ́ dó sin lɛ́ɛ ɖɔ dó to gbé ɔ́, é nɔ́ nyí nǔɖé nú yě ǎ. Heelú yě! Yěɖée nú wa wɛ yě ɖe.

Jelemíi 3:3

É sín énɛ́ ɔ́ wú bɔ jǐ gbɛ́ jija, xwejí ja ǎ. Lo ɔ́, a ɖǒ wunhínhɔ́n ná agalɛtɔ́ ɖɔhun; a jlǒ ná yí gbe ɖɔ émí wa nǔ nyi do ǎ.

Jelemíi 8:12

Winnyá wɛ ɖó ná hu yě ɖó nǔ baɖabaɖa e yě dó sin lɛ́ɛ wú. Winnyá ká hu yě lɔ vɔ́vɔ́ ǎ. Énɛ́ wú wɛ yě ná j'ayǐ kpó mɛ e ɖo ayǐ jɛ wɛ lɛ́ɛ kpó. Hwenu e un ná wa nǔ xá yě ɔ́, yě ná mɔ yěɖée ɖo kɔ́ mɛ. Nyɛ Mawu Mavɔmavɔ ɔ́ wɛ ɖɔ mɔ̌.” Mawu mɔ nǔ e ba wɛ é ɖe ɖo togun ɔ́ sí ɔ́ ɖo así tɔn ǎ

Mɛsɛ́dó 14:15

“Mɛ ce lɛ́ɛ mi, étɛ́wú mi ka ɖo mɔ̌ wa wɛ? Gbɛtɔ́ mi ɖɔhun jɛ́n mǐ lɔmɔ̌ nyí, bó hɛn Wɛn Ɖagbe ɔ́ wá nú mi, bó dó ɖo ɖiɖɔ nú mi wɛ ɖɔ mi ní lɛ́ kɔ sín nǔ ma ɖi nǔ lɛ́ɛ gúdo, bó jɛ Mawu gbɛɖe ɔ́ gúdo; é wɛ bló jǐnukúnsin kpódó ayǐkúngban kpán, bó bló xu, kpódó nǔ e ɖo yě mɛ lɛ́ɛ bǐ kpán.

Mɛsɛ́dó 9:4

bɔ é jɛ ayǐ. É ka se gbe ɖé, bɔ gbe ɔ́ nɔ́ kanbyɔ́ ɛ ɖɔ: “Sólu, Sólu, étɛ́wú a ka ɖo ya dó nú mì wɛ?”

Filípunu 3:19

Fí e yě ná yi dɔn ɖe ɔ́ wɛ yě kán wezun xwe; ɖó nǔ ɖokpó e yě nɔ sɛn ɔ́ wɛ nyí adɔgo yětɔn ; yě nɔ xɔ susu ɖo nǔ e ɖó ná hu winnyá nú yě ɔ́ mɛ, bɔ gbɛ mɛ fí sín nǔ lɛ́ɛ kɛ́ɖɛ́ jí jɛ́n ayixa yětɔn nɔ ɖe.

1 Samuwɛ́li 2:22

Hwenɛ́nu ɔ́, vɔ̌sánú-xwlémawutɔ́ Eli ko kpo bǐ. É se nǔ e dó sin xá Izlayɛ́li ví lɛ́ɛ wɛ vǐ tɔn lɛ́ɛ ɖe ɔ́; é lɛ́ se ɖɔ yě nɔ́ ɖó xó xá nyɔ̌nu e jí azɔ̌ jɛ ɖo Mawu Mavɔmavɔ sín goxɔ nukɔn lɛ́ɛ.

1 Samuwɛ́li 2:24

Vǐ ce lɛ́ɛ mi, mi gbɔ, xó e se dó mi wú wɛ un ɖe ɖo togun Mawu Mavɔmavɔ tɔn mɛ ɔ́ nyɔ́ se ǎ.