1 Samuwɛ́li 2:22 - MAWUXÓWÉMA

²² Hwenɛ́nu ɔ́, vɔ̌sánú-xwlémawutɔ́ Eli ko kpo bǐ. É se nǔ e dó sin xá Izlayɛ́li ví lɛ́ɛ wɛ vǐ tɔn lɛ́ɛ ɖe ɔ́; é lɛ́ se ɖɔ yě nɔ́ ɖó xó xá nyɔ̌nu e jí azɔ̌ jɛ ɖo Mawu Mavɔmavɔ sín goxɔ nukɔn lɛ́ɛ.

1 Samuwɛ́li 2:22 Iomraidhean Croise

Bǐbɛ́mɛ 35:22

Hwenu e Izlayɛ́li kpo ɖo gbě énɛ́ ɔ́ jí ɔ́, Hwlibɛ́ni yi ɖó xó xá Biluha tɔ́ tɔn sín asi ɖokpó, bɔ tɔ́ ɔ́ se. Vǐ súnnu wěwe wɛ Jakɔ́bu ɖó.

Bǐbɛ́mɛ 37:2

Jakɔ́bu ví lɛ́ɛ sín tan ɖíe: Jozɛ́fu ɔ́, nyaví dɔ̌nkpɛvú ɖé wɛ, bó ɖó xwe afɔtɔn-nukún-we. Kanlin wɛ é kpó nɔví tɔn lɛ́ɛ kpó nɔ́ nyi. Nɔví tɔn énɛ́ lɛ́ɛ ɔ́, tɔ́ tɔn sín asi Biluha kpó Zilupa kpó sín vǐ lɛ́ɛ wɛ. Jozɛ́fu nɔ wá ɖɔ xó nyanya e mɛ lɛ́ɛ nɔ ɖɔ dó yě wú ɔ́ nú tɔ́ yětɔn.

Tíntɔ́n 38:8

É zé ganvɔ dó bló gannú ɖokpó kpó afɔ e jí è sɔ́ ɖó ɔ́ kpó; nyɔ̌nu e nɔ kplé ɖo goxɔ ɔ́ lihɛ́nnu lɛ́ɛ sín wě wɛ è sɔ́ dó bló nǔ énɛ́ lɛ́ɛ ná.

Ezekiyɛ́li 22:26

Vɔ̌sánú-xwlémawutɔ́ yětɔn lɛ́ɛ nɔ gba sɛ́n ce lɛ́ɛ; yě nɔ́ ɖu su nú tɛn e è sɔ́ ɖó vo nú mì lɛ́ɛ. Yě tunwun nǔ e è sɔ́ ɖó vo nú mì é ɖo nǔ e nyí nǔ yǎyánɔ é mɛ ǎ. Yě kplɔ́n mɛ lɛ́ɛ nú yě ná tunwun nǔ e nyí nǔ mímɛ́ ɔ́ ɖó vo nú nǔ e nyí nǔ blíblí é ǎ; yě ɖésúnɔ jló bó gɔn gbɔjɛzánsɛ́n ɔ́ nyi; énɛ́ ɔ́, un sɔ́ nyí nǔɖé ɖo yě nukún mɛ ǎ.

1 Samuwɛ́li 2:23

É wá kanbyɔ́ yě ɖɔ: “Étɛ́wú mi ka ɖo nǔ dó sin gbɔn mɔ̌ wɛ? Togun ɔ́ bǐ wɛ ɖo nǔ nyanya e dó sin wɛ mi ɖe lɛ́ɛ ɖɔ wɛ bɔ un se.

1 Samuwɛ́li 3:13

Un ɖɔ n'i ɖɔ un jló ná dɔn tó nú xwédo tɔn káká sɔ́yi, ɖó vǐ tɔn lɛ́ɛ ké ya nú mì ǎ; yě hu hwɛ dó mì bɔ é tunwun, bó ká gbɛ́ nú yě dó nǔjɔnǔ mɛ ǎ.

1 Samuwɛ́li 8:1

Ée Samuwɛ́li wá kpo ɔ́, é sɔ́ vǐ tɔn lɛ́ɛ gǎn ɖó Izlayɛ́li togun ɔ́ nu.