1 Samuwɛ́li 2:2 - MAWUXÓWÉMA

² Mawu Mavɔmavɔ ɖokpónɔ géé wɛ nyí mǐmɛ́. Awǐnnya ɖě syɛ́n Mawu mǐtɔn ɖɔhun ǎ. Mawu ɖěvo ɖe zɛ éyɛ́ wú ǎ.

1 Samuwɛ́li 2:2 Iomraidhean Croise

2 Samuwɛ́li 22:3

Mawu wɛ nyí só ce, é glɔ́ wɛ un nɔ́ hɔn hwlá cí. É wɛ nyí gǎglónú ce, bó nyí hlɔ̌nhlɔ́n e nɔ hwlɛ́n mì gán é. É glɔ́ wɛ un nɔ hɔn hwlá cí. É wɛ nyí mɛhwlɛ́ngántɔ́ ce, é wɛ nɔ́ hwlɛ́n mì sín adǎkaxotɔ́ lɛ́ɛ sí.

2 Samuwɛ́li 22:32

Mawu mǐtɔn ɖɔhun we ɖe ǎ, Mawu Mavɔmavɔ wɛ, Mawu mǐtɔn wɛ nyí awǐnnya ɖokpó e mǐ ɖǒ é.

2 Samuwɛ́li 7:22

Aklúnɔ, Mawu Mavɔmavɔ ce, a kló ɖésú. È sixú jlɛ́ we dó mɛ ɖěbǔ wú ǎ. Xó e è ɖɔ bɔ mǐ se lɛ́ɛ bǐ ɖe xlɛ́ ɖɔ Mawu ɖěvo kún tíin zɛ hwɛ wú ó.

1 Axɔ́sú 8:23

“Mawu Mavɔmavɔ, Mawu Izlayɛ́li tɔn! Nǔmɛsɛn towe ɖɔhun ɖě sɔ́ tíin ǎ, ɖě sɔ́ ɖo jǐxwé aga ǎ, ɖě ká sɔ́ ɖo do ɖo ayǐkúngban jí fí ǎ. Mɛsɛntɔ́ towe e nɔ xwedó sɛ́n towe lɛ́ɛ kpódó ayixa yětɔn bǐ kpó lɛ́ɛ ɔ́, a nɔ́ nɔ gbejí nú akɔ e a jɛ xá yě ɔ́, bó nɔ ɖe xomɛnyínyɔ́ towe xlɛ́ yě.

Ɖɛhan 111:9

É sɛ́ hwlɛngán dó togun tɔn, é jɛ akɔ mavɔ mavɔ xá ɛ. Mawu nyí Mɛ mímɛ́, é dó xɛsi.

Ɖɛhan 18:2

Un yí wǎn nú we Mawu Mavɔmavɔ. Hwi wɛ nyí hlɔ̌nhlɔ́n ce.

Ɖɛhan 18:31

Mawu ɔ́, alixlɛ́mɛtɔ́ e nyɔ́ bɔ nǔ bǐ vɔ ɖ'é wú ɔ́ wɛ. Xó e Mawu Mavɔmavɔ nɔ́ ɖɔ ɔ́ nɔ́ sɔgbe; gǎglónú wɛ é nyí nú mɛ e nɔ hɔn wá su i lɛ́ɛ bǐ.

Ɖɛhan 71:19

Mawu ce, nǔ wa ɖó sɛ́n jí towe d'agba lóóo. A wa azɔ̌ ɖaxó ɖaxó lɛ́ɛ. Mawu ce, mɛ̌ è ka sixú jlɛ́ dó wǔ towe?

Ɖɛhan 71:3

Mawu Mavɔmavɔ, nyǐ só e glɔ́ un ná nɔ́ hɔn hwlá cí é, só e glɔ́ un ná nɔ́ yi hwebǐnu é, a zin alɔ dó akɔ́n ɖɔ émí ná hwlɛ́n mì gán, nǔgbó wɛ, hwi wɛ nyí só ce, hwi wɛ nyí ahohó ce.

Ɖɛhan 73:25

Mɛ̌ un ka ɖó ɖo jǐnukúnsin zɛ hwɛ wú? Hwi mɛ vo ɔ́, gbɛ víví ɖé ɖo ayǐkúngban jí fí nú nyɛ ǎ.

Ɖɛhan 86:8

Aklúnɔ, nǔmɛsɛn ɖě cí hwi ɖɔhun ǎ; nǔmɛsɛn ɖě sixú wa azɔ̌ e a nɔ wa lɛ́ɛ ǎ.

Ɖɛhan 89:6

Mawu Mavɔmavɔ, jǐnukúnsin ɖo nǔ ɖagbe ɖagbe e a wa lɛ́ɛ ɖɔ wɛ dó han mɛ; mɛ e ɖo jǐxwé lɛ́ɛ nɔ́ sɔ́ we su ɖó gbejíninɔ towe wú.

Ɖɛhan 89:8

Mawu, nǔsísí ɖaxó ɖokpó wɛ a nyí ɖo wɛnsagun lɛ́ɛ tɛ́ntin, nǔdóxɛsi wɛ a nyǐ ɖo tɛ́ntin yětɔn.

Ɖɛhan 99:3

Mawu Mavɔmavɔ, togun lɛ́ɛ bǐ ní kpa nyǐkɔ towe; a d'agba bó dó xɛsi. Mɛ mímɛ́ wɛ a nyǐ.

Ɖɛhan 99:5

Mi kpa susu nú Mawu Mavɔmavɔ, Mawu mǐtɔn. Mi ɖe kɔ́ ɖo axɔ́súzinkpo ɔ́ nukɔn. Mɛ mímɛ́ wɛ é nyí.

Ɖɛhan 99:9

Mi kpa susu nú Mawu Mavɔmavɔ, Mawu mǐtɔn, mi ɖe kɔ́ ɖo só mímɛ́ tɔn jí, ɖó Mawu Mavɔmavɔ, Mawu mǐtɔn ɔ́, mɛ mímɛ́ wɛ é nyí.

Tíntɔ́n 15:11

Óo! Mawu Mavɔmavɔ, nǔmɛsɛn tɛ́ wɛ cí hwɛ ɖɔhun? Nǔmɛsɛn tɛ́ wɛ ɖó susu, bó nyí mǐmɛ́, bó nɔ́ bló nǔjíwǔ lɛ́ɛ, bɔ kpikpa jɛ xá hwɛ ɖɔhun?

Ezayíi 40:18

Mɛ̌ wǔ mi ka jló ná jlɛ́ Mawu dó? Étɛ́ ɖɔhun é ká cí?

Ezayíi 44:6

Mawu Mavɔmavɔ, Izlayɛ́li xɔ́sú ɔ́, Mɛhwlɛ́ngántɔ́ Izlayɛ́li tɔn ɔ́, Mawu Mavɔmavɔ Nǔbǐwúkpétɔ́ ɔ́, xó e é ɖɔ ɔ́ ɖíe: “Nyi wɛ nyí bǐbɛ́mɛ, bó lɛ́ nyí vivɔnu nǔ bǐ tɔn. Nyɛ mɛvo ɔ́, Mawu ɖě sɔ́ tíin ǎ.

Ezayíi 44:8

Togun ce e mi, mi ma ɖi xɛsi ó, ado ma hu mi ó; un ko ɖɔ nú mi, un ko ɖe xlɛ́ mi ɖ'ayǐ, mi ko tunwun ganjí, mi wɛ nyí kúnnuɖetɔ́ ce. Nyɛ mɛvo ɔ́, Mawu ɖěvo ɖe wɛ a? Gbeɖé, Só ɖěvo ɖe ǎ. Nyɛ sɔ́ mɔ ǎ.”

Ezayíi 57:15

Mawu mímɛ́ ɔ́, éyɛ́ mɛ e hú gǎn nǔ bǐ, bɔ nɔtɛn tɔn ɖo te káká sɔ́yi é ɔ́, xó e é ɖɔ ɔ́ ɖíe: “Nyɛ Mawu mímɛ́ ɔ́, jǐxwé aga wɛ un nɔ nɔ. Amɔ̌, un ɖo kpɔ́ xá mɛ e nǔ cikɔ ná lɛ́ɛ, mɛ e sɔ́ yěɖée hwe lɛ́ɛ; un ɖo kpɔ́ xá mɛ e sɔ́ yěɖée hwe lɛ́ɛ bó ná ná gbɛ yě; un ɖo kpɔ́ xá mɛ e nǔ cikɔ ná lɛ́ɛ bó ná ná gbɛ yě.

Ezayíi 6:3

Yě nɔ́ sú xó sɛ́ dó yěɖée ɖɔ: “Mǐmɛ́! Mǐmɛ́! Mǐmɛ́ wɛ Mawu Mavɔmavɔ Nǔbǐwúkpétɔ́ ɔ́ nyí. Susu tɔn gɔ́ gbɛ ɔ́ bǐ.”

Jelemíi 10:6

Mawu Mavɔmavɔ, mɛ ɖé ka sixú cí hwɛ ɖɔhun a? A d'agba bɔ nyǐkɔ towe yi jǐ tawun ɖó hlɔ̌nhlɔ́n towe wú.

Levíi ví 11:44

Đó nyɛ wɛ nyí Mawu Mavɔmavɔ, Mawu mitɔn; mi ní nɔ́ zán walɔ mímɛ́, ɖó nyɛ ɔ́, mǐmɛ́ wɛ un nyí, mi bó ma ɖ'alɔ kanlin kpɛví kpɛví énɛ́ lɛ́ɛ e nɔ sá gbɔn kɔ́ mɛ lɛ́ɛ wú, bó dó hɛn miɖée blí ó.

Levíi ví 11:45

Đó nyɛ wɛ nyí Mawu Mavɔmavɔ, nyɛ wɛ ɖe mi tɔ́n sín Ejípu. Un ɖe mi tɔ́n, bó ná nyí Mawu mitɔn, mi ná nyí mɛ mímɛ́, ɖó mǐmɛ́ wɛ un nyí.”

Levíi ví 19:2

é ní ɖɔ nú Izlayɛ́li ví lɛ́ɛ bǐ ɖɔ: “Mi nyí mɛ mímɛ́, ɖó nyɛ Mawu Mavɔmavɔ, Mawu mitɔn ɔ́, mǐmɛ́ wɛ un nyí.

Hlɔ̌manu 15:4

Nǔ e è ko wlán dó Mawuxówéma ɔ́ mɛ ɖ'ayǐ xóxó lɛ́ɛ bǐ ɔ́, è wlán yě, bó ná dó kplɔ́n nǔ mǐ, bónú mǐ ná ɖó nukún nǔ gbɔn sɔxwixwe kpó akɔ́nkpinkpan e Mawuxówéma ɔ́ nɔ ná mǐ ɔ́ kpó gbla mɛ.

Hlɔ̌manu 4:8

Nǔ nyɔ́ nú mɛ e Aklúnɔ ma xa hwɛ dó kɔ ná ǎ é.”

Sɛ́nflínmɛ 3:24

“Aklúnɔ Mavɔmavɔ, a jɛ lě e a kló gbɔn ɔ́, lě e alɔ towe kpé nǔ wú sɔ ɔ́ ɖe xlɛ́ nyɛ mɛsɛntɔ́ towe jí. Nǔmɛsɛn ɖěbǔ ɖo ayǐkúngban jí, abǐ sɛ́xwé, bó sixú bló nǔ e a nɔ bló lɛ́ɛ é ǎ; ɖěbǔ ká sixú jlɛ́ nǔ hwi ɖɔhun ǎ.

Sɛ́nflínmɛ 32:20

Bɔ é ɖɔ: ‘È sixú ɖeji dó yě wú ǎ. Yě nɔ́ sí nǔ ɖěbǔ ǎ. Un sɔ́ ná nya xɛ ɖo yě jí ǎ, bó ná kpɔ́n lě e nǔ ná cí gbɔn nú yě ɔ́.

Sɛ́nflínmɛ 32:39

Mi mɔ din ɖɔ nyɛ ɖokpó géé wɛ nyí Mawu. Mi mɔ din ɖɔ nǔ e è ɖǒ ná sɛn ɔ́ ɖě kún tíin zɛ nyɛ wú ó. Un nɔ hɛn mɛ ɖó gbɛ, un nɔ hu mɛ. Un nɔ gblé wǔ mɛ, un nɔ hu akpa nú mɛ. Mɛɖé nɔ yí mɛ sín alɔ ce mɛ ǎ.

Sɛ́nflínmɛ 32:4

É wɛ nyí só ɔ́; nǔwiwa tɔn lɛ́ɛ nyɔ́ bɔ nǔ vɔ ɖ'é wú. Đó ali tɔn lɛ́ɛ bǐ jlɔ́. Mawu gbejínɔtɔ́ wɛ. É nɔ́ wa nǔblíblí ǎ. É jlɔ́ bó ɖo xwi jí.

Sɛ́nflínmɛ 4:35

Mawu jɔwǔ mi, bɔ mi mɔ énɛ́, bó ná dó tunwun ɖɔ Mawu Mavɔmavɔ ɖokpó wɛ nyí Mawu, ɖɔ Mawu ɖé kún tíin zɛ éyɛ́ wú ó.

Sɛ́nflínmɛ 4:39

Mi ní tunwun sín égbé, bó hɛn ayi mɛ ganjí ɖɔ Mawu Mavɔmavɔ ɖokpó géé wɛ nyí Mawu ɖo jǐxwé kpó dodomɛ kpó, bó tunwun ɖɔ Mawu ɖé kún sɔ́ ɖe zɛ éyɛ́ wú ó.

1 Piyɛ́ɛ 1:16

Nǔgbó ɔ́, nǔ e è wlán dó Mawuxówéma ɔ́ mɛ ɔ́ ɖɔ: “Mi nyí mɛ mímɛ́, ɖó mɛ mímɛ́ wɛ un nyí.”