1 Samuwɛ́li 2:18 - MAWUXÓWÉMA

¹⁸ Nyaví Samuwɛ́li ɔ́ ká nɔ́ ɖo vɔ̌sánú-xwlémawutɔ́ sín awu mɛ, bó nɔ ɖo azɔ̌ wa nú Mawu Mavɔmavɔ wɛ.

1 Samuwɛ́li 2:18 Iomraidhean Croise

2 Samuwɛ́li 6:14

Davídi nɔ dó hlɔ̌nhlɔ́n bó nɔ́ ɖú we dó sɔ́ Mawu Mavɔmavɔ su. Lɛ̌ɛnkanvɔ e mɛ vɔ̌sánú-xwlémawutɔ́ lɛ́ɛ nɔ nɔ ɔ́ mɛ jɛ́n wɛ é ɖe, bó ɖo we ɖú wɛ.

1 Tan 15:27

Davídi dó awu ɖaxó ɖé; kanvɔ fɛ́ɖɛ́fɛ́ɖɛ́ ɖé wɛ è dǒ tɔ. Levíi ví e hɛn akɔjijɛgbá ɔ́ lɛ́ɛ bǐ kpó nǔxotɔ́ lɛ́ɛ kpó, kpódó Kenaniya e ɖo yě nu ɔ́ kpó lɔmɔ̌ dǒ nǔ ɖokpó ɔ́. Davídi lɛ́ dó lɛ̌ɛnkanvɔ e mɛ vɔ̌sánú-xwlémawutɔ́ lɛ́ɛ nɔ nɔ ɔ́ dó éyɛ́ tɔn jí.

Tíntɔ́n 28:4

Nǔ e yě ná tɔ nú nɔví towe Aalɔ́ɔn kpó vǐ tɔn lɛ́ɛ kpó, bɔ yě ná nɔ́ nɔ mɛ, bó ná nɔ́ wa vɔ̌sánú-xwlémawutɔ́zɔ́ yětɔn lɛ́ɛ é ɖíe: akɔ́ntakpo, efódu, awu ɖaxó, dowu gaga bɔ è nǎ kó, tablá kpó gǒjíblánú kpó.

Levíi ví 8:7

É zé awu ɖaxó ɔ́ dó nú Aalɔ́ɔn, bó sin gǒjíblánú n'i; é dó dowu gaga ɔ́ n'i, bó sɔ́ efódu dó n'i d'é jí, lobo sin kan tɔn lɛ́ɛ dó nɛgbé.

1 Samuwɛ́li 14:3

Vɔ̌sánú-xwlémawutɔ́ e ɖo yě mɛ, bɔ nǔ e è nɔ dó kan nǔ byɔ́ Mawu lɛ́ɛ ɖo así tɔn ɔ́ nɔ́ nyí Axiya. Axitúvu ví wɛ, bɔ tɔ́ tɔn nɔví nɔ́ nyí Ikavodi. Ikavodi ɔ́, Pínxási ví wɛ, bó nyí Eli vívú. Eli ɔ́ wɛ nyí vɔ̌sánú-xwlémawutɔ́ e nɔ Silóo ɖ'ayǐ é. Ahwanfuntɔ́ ɖě ká tunwun ɖɔ Jonatáan yi fí ɖé ǎ.

1 Samuwɛ́li 2:11

Énɛ́ ɔ́ gúdo ɔ́, Ɛlukana lɛ́ kɔ yi xwé tɔn gbe ɖo Hlama; Samuwɛ́li ká ɖo Mawu Mavɔmavɔ sín azɔ̌ wa wɛ ɖo Silóo, ɖo vɔ̌sánú-xwlémawutɔ́ Eli glɔ́.

1 Samuwɛ́li 2:28

Un sɔ́ tɔ́gbó towe Aalɔ́ɔn xwédo ɔ́ ɖo akɔta Izlayɛ́li tɔn lɛ́ɛ bǐ mɛ, bɔ é ná wa vɔ̌sánú-xwlémawutɔ́zɔ́ nú mì; yě wɛ ná nɔ sɛkpɔ́ vɔ̌sákpe ce, bó ná nɔ́ dó zǎlínkpɔ́n zo, bó ná nɔ́ kan xó byɔ́ mì; vɔ̌ e Izlayɛ́li ví lɛ́ɛ ná sá, bɔ è nǎ dǒ zo ɔ́, un ná lan tɔn ɖě yě ɖ'é mɛ.

1 Samuwɛ́li 22:18

Bɔ axɔ́sú ɔ́ ɖɔ nú Dowɛgi ɖɔ: “Sí te bo hu vɔ̌sánú-xwlémawutɔ́ lɛ́ɛ.” Bɔ Dowɛgi hu mɛ e ɖó acɛ bo nɔ dó vɔ̌sánú-xwlémawutɔ́ sín awu é kanwe atɔ́ɔ́n (85) gbe nɛ́ gbe.

1 Samuwɛ́li 3:1

Nyaví Samuwɛ́li ɔ́ ká ɖo azɔ̌ wa nú Mawu Mavɔmavɔ wɛ ɖo Eli glɔ́. Hwe nɛ́ ɔ́ nu ɔ́, Mawu Mavɔmavɔ nɔ ɖɔ xó nú mɛ gbɔn mɔ̌ ǎ. Mawu Mavɔmavɔ ká nɔ xlɛ́ nǔ mɛ gbɔn mɔ̌ ǎ.