1 Samuwɛ́li 2:16 - MAWUXÓWÉMA

¹⁶ Ényí mɛ e ɖo vɔ̌ ɔ́ sá wɛ ɔ́ ɖɔ n'i ɖɔ: “Nɔ te nú è dǒ jǒ ɔ́ zo fó ɔ́, a nǎ sɔ́ lan e jló we é” ɔ́, mɛsɛntɔ́ vɔ̌sánú-xwlémawutɔ́ ɔ́ tɔn nɔ ɖɔ: “Éeǒ, din wɛ a na ná lan ɔ́; é má nyí mɔ̌ ǎ ɔ́, un ná sɔ́ gǎnnugǎnnu.”

1 Samuwɛ́li 2:16 Iomraidhean Croise

Nɛɛmíi 5:15

Lo ɔ́, tokpɔngán e jɛ nukɔn nú mì lɛ́ɛ dó tagba nú togun ɔ́ káká bó nɔ́ yí nǔɖuɖu kpó ahan kpó ɖo yě sí, bó nɔ́ lɛ́ yí akwɛ́gan kanɖé (40) ɖo yě sí d'é jí gbe ɖokpó. Mɛ e nɔ wa azɔ̌ xá tokpɔngán lɛ́ɛ lɔ nɔ táfú togun ɔ́ ɖu. Amɔ̌, nyɛ ɔ́, ɖó sísí e un ɖó nú Mawu ɔ́ wútu ɔ́, un wa nǔ gbɔn mɔ̌ gbeɖé ǎ.

Levíi ví 3:16

Vɔ̌sánú-xwlémawutɔ́ ɔ́ ná dó nǔ énɛ́ lɛ́ɛ bǐ zo ɖo vɔ̌sákpe ɔ́ jí. Nǔɖuɖu ɖé wɛ, bɔ è nɔ dó zo nú Mawu Mavɔmavɔ, bɔ wǎn tɔn nɔ nyɔ́ se n'i. “Jǒ ɔ́ bǐ wɛ nyí Mawu Mavɔmavɔ tɔn.

Micée 3:5

Gbeyíɖɔ Mawu tɔn e nɔ flú togun Mawu tɔn lɛ́ɛ ɔ́, nǔ e ɖɔ nú yě wɛ Mawu Mavɔmavɔ ɖe ɔ́ ɖíe: Ényí mɛɖé ná yě akwɛ́ ganjí ɔ́, yě nɔ́ ɖɔ nú mɛ ɔ́ ɖɔ nǔ tɔn bǐ nyɔ̌; lo ɔ́, yě nɔ́ tɔ́n ahwan mɛ e ma nɔ dó nǔɖé nu nú yě ǎ lɛ́ɛ.

Hwɛɖɔtɔ́ 18:25

Yě ká ɖɔ n'i ɖɔ: “Ma nú mǐ sɔ́ se gbe towe ɖě ó; é má nyí mɔ̌ ǎ ɔ́, mɛ lɛ́ɛ sin xomɛ ɔ́, yě ná zɔn mi jí, bɔ é ná sín hwɛ wú bɔ hwi kpó xwédo towe kpó ná dɔn.”

1 Samuwɛ́li 2:15

Ée nylá bǐ ɔ́, cóbónú è nǎ dó jǒ ɔ́ zo ɔ́, mɛsɛntɔ́ vɔ̌sánú-xwlémawutɔ́ ɔ́ tɔn nɔ wá bó nɔ ɖɔ nú mɛ e ɖo vɔ̌ ɔ́ sá wɛ ɔ́ ɖɔ: “Un ná lan nú è nǎ mɛ nú vɔ̌sánú-xwlémawutɔ́ ɔ́; a ná ɛ lan ɖiɖa ɔ́, é ná yí ǎ; lan mú wɛ a nǎ ná ɛ.”

1 Samuwɛ́li 2:17

Hwɛ e Eli ví énɛ́ lɛ́ɛ nɔ́ hu dó Mawu Mavɔmavɔ ɔ́ nɔ́ syɛ́n ɖésú, ɖó yě nɔ́ ɖó sísí nú vɔ̌ e è sá nú Mawu Mavɔmavɔ lɛ́ɛ ǎ.