1 Samuwɛ́li 2:14 - MAWUXÓWÉMA

¹⁴ É nɔ lun gǎfu ɔ́ dó lan e ɖo ado jí é mɛ, bɔ nú gǎfu ɔ́ fɔ lan nabí ɖěbǔ ɔ́, bǐ nɔ nyí vɔ̌sánú-xwlémawutɔ́ ɔ́ tɔn. Lě e yě nɔ́ wa nǔ gbɔn xá Izlayɛ́li ví e nɔ́ wá sá vɔ̌ ɖo Silóo lɛ́ɛ bǐ é nɛ́.

1 Samuwɛ́li 2:14 Iomraidhean Croise

Ezayíi 56:11

Cukú wɛ nú yě; nǔ e yě mɔ ɔ́ bǐ wɛ yě nɔ́ vún ɖu; nǔɖuɖu nɔ́ kpé yě gbeɖé ǎ. Nǔ ɖo mɔ̌ bɔ yě ká ɖo togun ce nu; yě tunwun ɖagbe ɖo nyanya mɛ ǎ; nǔ e jló yě lɛ́ɛ kɛ́ɖɛ́ wɛ yě nɔ́ bló; mɛ ɖokpó ɖokpó nɔ́ ɖo ɖagbe é ɖésúnɔ tɔn ba wɛ; yě ɖě hwe ɖ'é mɛ ǎ.

Levíi ví 7:34

Đó kɔnɖókpɔ́ vɔ́ e Izlayɛ́li ví lɛ́ɛ ná nɔ́ xwlé mì lɛ́ɛ ɔ́, un ná nɔ́ ɖe kanlin e yě dǒ sá vɔ̌ ná ɔ́ sín akɔ́n kpó asá ɔ́ kpó, bó ná vɔ̌sánú-xwlémawutɔ́ Aalɔ́ɔn kpódó vǐ tɔn súnnu lɛ́ɛ kpó, bɔ é nyí sɛ́n tɛgbɛ tɔn ɖé bɔ Izlayɛ́li ví lɛ́ɛ ná nɔ́ nyi.”

Micée 3:3

Yě nɔ́ ɖu togun ce sín lan; yě nɔ́ kɔ́n anyǔ yětɔn bó nɔ gba xú yětɔn lɛ́ɛ. Yě nɔ́ já lan yětɔn ɖi nǎ ɖa wɛ è ɖe ɖɔhun.

Malacíi 1:10

Ényí mi ɖokpó gbɔ bó yi sú sinsɛnxɔ ɔ́ sín hɔn lɛ́ɛ ɔ́, é ná nyɔ́ hú. Énɛ́ ɔ́, mi sɔ́ ná nɔ́ yi flɔ́ myɔ dó wǔvɔ́, ɖo vɔ̌sákpe ce jí ǎ. Nú un ná ɖɔ xó nǔgbó nú mi ɔ́, mi nɔ nyɔ́ mɔ nú mì ǎ, vɔ̌sánú e mi nɔ xwlé mì lɛ́ɛ nɔ́ nyɔ́ nukún ce mɛ ǎ. Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

1 Samuwɛ́li 2:13

Yě nyí vɔ̌sánú-xwlémawutɔ́ có, ényí mɛɖé wá sá vɔ̌, bónú è jɛ lan ɔ́ ɖa jí ɔ́, mɛsɛntɔ́ vɔ̌sánú-xwlémawutɔ́ ɔ́ tɔn nɔ wá bó nɔ hɛn gǎfu alɔví atɔnnɔ ɖé alɔnu.

1 Samuwɛ́li 2:15

Ée nylá bǐ ɔ́, cóbónú è nǎ dó jǒ ɔ́ zo ɔ́, mɛsɛntɔ́ vɔ̌sánú-xwlémawutɔ́ ɔ́ tɔn nɔ wá bó nɔ ɖɔ nú mɛ e ɖo vɔ̌ ɔ́ sá wɛ ɔ́ ɖɔ: “Un ná lan nú è nǎ mɛ nú vɔ̌sánú-xwlémawutɔ́ ɔ́; a ná ɛ lan ɖiɖa ɔ́, é ná yí ǎ; lan mú wɛ a nǎ ná ɛ.”

1 Samuwɛ́li 2:29

Bɔ étɛ́wú mi ká nɔ sɔ́ vɔ̌ e un ná gbe bɔ è nɔ sá nú mì lɛ́ɛ kpó nǔ e è nɔ ná mì lɛ́ɛ kpó dó xo kɔ́? Nɛ̌ ká gbɔn bɔ a nɔ sɔ́ vǐ towe lɛ́ɛ su hú nyɛ? Nǔ e togun ce Izlayɛ́li ɔ́ nɔ hɛn wá nú mì ɔ́, mi wɛ nɔ sɔ́ ɖ'é mɛ dó nukɔn bo nɔ ɖu dó dó jǒ.