1 Samuwɛ́li 2:11 - MAWUXÓWÉMA

¹¹ Énɛ́ ɔ́ gúdo ɔ́, Ɛlukana lɛ́ kɔ yi xwé tɔn gbe ɖo Hlama; Samuwɛ́li ká ɖo Mawu Mavɔmavɔ sín azɔ̌ wa wɛ ɖo Silóo, ɖo vɔ̌sánú-xwlémawutɔ́ Eli glɔ́.

1 Samuwɛ́li 2:11 Iomraidhean Croise

1 Samuwɛ́li 1:1

Dǎwe ɖé tíin, bó nɔ́ nyí Ɛlukana, bó nɔ́ nɔ Hlamatayímu-Sofímu, ɖo sókan Eflayímu tɔn mɛ, ɖo tokpɔnla Súfu ví lɛ́ɛ tɔn mɛ. Ɛlukana ɔ́, Eflayímu ví wɛ, bó nyí Yeloxámu ví; Yeloxámu ká nyí Elihu ví, bɔ Elihu ká nyí Tohu ví, bɔ Tohu nyí Súfu ví.

1 Samuwɛ́li 1:19

Ɛlukana kpó mɛ tɔn lɛ́ɛ kpó fɔ́n zǎn, bó yi ɖe kɔ́ nú Mawu Mavɔmavɔ bó lɛ́ kɔ yi xwé ɖo Hlama. Ɛlukana ɖó xó xá asi tɔn Ana ɔ́, bɔ Mawu Mavɔmavɔ ná ɛ nǔ e Ana byɔ́ é.

1 Samuwɛ́li 1:28

Din ɔ́, nyɛ lɔ jló ná sɔ́ vǐ ɔ́ ná Mawu Mavɔmavɔ, bɔ é ná nyí étɔn káká sɔ́yi.” Bɔ yě ɖe kɔ́ nú Mawu Mavɔmavɔ.

1 Samuwɛ́li 2:18

Nyaví Samuwɛ́li ɔ́ ká nɔ́ ɖo vɔ̌sánú-xwlémawutɔ́ sín awu mɛ, bó nɔ ɖo azɔ̌ wa nú Mawu Mavɔmavɔ wɛ.

1 Samuwɛ́li 3:1

Nyaví Samuwɛ́li ɔ́ ká ɖo azɔ̌ wa nú Mawu Mavɔmavɔ wɛ ɖo Eli glɔ́. Hwe nɛ́ ɔ́ nu ɔ́, Mawu Mavɔmavɔ nɔ ɖɔ xó nú mɛ gbɔn mɔ̌ ǎ. Mawu Mavɔmavɔ ká nɔ xlɛ́ nǔ mɛ gbɔn mɔ̌ ǎ.

1 Samuwɛ́li 3:15

Samuwɛ́li nɔ ayǐmlɔ́mlɔ́ káká bɔ ayǐ hɔ́n, bɔ é hun Mawu Mavɔmavɔ xwé sín hɔn lɛ́ɛ. É ká glá ɖɔ nǔ e é mɔ ɔ́ nú Eli ǎ, ɖó é ɖo xɛsi ɖi wɛ.

1 Samuwɛ́li 7:17

É ɖɔ hwɛ gbo nú yě ɔ́, é nɔ lɛ́ lɛ́ kɔ wá Hlama, xwé tɔn gbe, bó nɔ ɖɔ hwɛ gbo nú Izlayɛ́li ví lɛ́ɛ ɖo fínɛ́; é bló vɔ̌sákpe ɖokpó nú Mawu Mavɔmavɔ ɖo fínɛ́.