1 Samuwɛ́li 2:10 - MAWUXÓWÉMA

¹⁰ Mawu Mavɔmavɔ nɔ jǐxwé dɔ̌n, bó bló bɔ jǐ dó gbe bó ná vívá kɛntɔ́ tɔn lɛ́ɛ, ɖó é wɛ nyí hwɛɖɔtɔ́ ɖaxó e ná ɖɔ hwɛ xá mɛ e ɖo ayǐkúngban ɔ́ jí lɛ́ɛ bǐ. É nɔ́ ná hlɔ̌nhlɔ́n axɔ́sú e é sɔ́ ɖó togun tɔn nu é. É nɔ́ dó acɛ acɛ jí nú axɔ́sú e é sɔ́ é.

1 Samuwɛ́li 2:10 Iomraidhean Croise

2 Samuwɛ́li 22:14

Mawu Mavɔmavɔ dó gbe sín sɛ́xwé, è se Mawu Ajalɔ̌nlɔn sín gbe.

2 Samuwɛ́li 7:13

É wɛ ná sá xwé nú mì, bɔ un ná sɔ́ axɔ́súɖuɖu tɔn jínjɔ́n ayǐ káká sɔ́yi.

2 Samuwɛ́li 7:8

Din ɔ́, a nǎ ɖɔ nú mɛsɛntɔ́ ce Davídi ɖɔ xó e Mawu Mavɔmavɔ Nǔbǐwúkpétɔ́ ɔ́ ɖɔ ɔ́ ɖíe: ‘Sín hwenu e a ɖo lɛ̌ngbɔ́nyitɔ́ nyí wɛ ɔ́ wɛ un ylɔ́ we, bó sɔ́ we gǎn ɖó togun ce Izlayɛ́li nu.

Jɔ̌bu 40:9

A ɖǒ hlɔ̌nhlɔ́n sɔ mì a? Gbe towe nɔ dó gbe jǐ ɖɔhun, gbe ce ɖɔhun a?

Ɖɛhan 132:17

Un ná sɔ́ axɔ́sú syɛ́nsyɛ́n ɖokpó ɖo fí ɖo Davídi ví lɛ́ɛ mɛ ɖó zinkpo tɔn jí. Un ná hɛn axɔ́sú e un sɔ́ ɔ́ ɖó te ɖo zinkpo tɔn jí zogbɛ́n ɖo te ɖɔhun.

Ɖɛhan 148:14

É dó hlɔ̌nhlɔ́n togun tɔn jí, Énɛ́ ɔ́ wú wɛ mɛ e ɖo gbejí n'i lɛ́ɛ nɔ́ ji han mlá ɛ; togun tɔn Izlayɛ́li nɔ ji han mlá ɛ. Mi kpa susu nú Mawu Mavɔmavɔ!

Ɖɛhan 2:2

Axɔ́sú e ɖo wɛ̌kɛ́ ɔ́ mɛ lɛ́ɛ ɖo ahwan nú sɔ́ wɛ, gǎn lɛ́ɛ ɖó gbe kpɔ́, bó ɖo Mawu Mavɔmavɔ gbé blá wɛ; yě ɖo axɔ́sú tɔn e é sɔ́ ɔ́ sín gbě blá wɛ.

Ɖɛhan 2:6

É ɖɔ nú yě ɖɔ: “Nyɛ wɛ sɔ́ axɔ́sú ce ɖó zinkpo jí ɖo Sinyɔ́ɔ, só mímɛ́ ce jí.”

Ɖɛhan 2:9

A nǎ sɔ́ gankpo dó gba yě ná; a nǎ gba yě hánnyá kozɛ́n ɖɔhun.’ ”

Ɖɛhan 20:6

Mǐ nǎ kpa awǒbóbó ɖó alɔ e é dó we é wú; mǐ nǎ zé asyá dó jǐ dó kpa susu nú Mawu mǐtɔn. A byɔ̌ nǔɖé ɔ́, Mawu Mavɔmavɔ ná bló bǐ nú we.

Ɖɛhan 20:7

Din ɔ́, un mɔ ɖɔ Mawu Mavɔmavɔ nɔ dó alɔ mɛ e é sɔ́ é. É nɔ́ se ɖɛ tɔn sín xwé tɔn gbe ɖo sɛ́xwé; é nɔ́ zán hlɔ̌nhlɔ́n tɔn dó wa nǔ ɖaxó ɖaxó dó hwlɛ́n ɛ gán.

Ɖɛhan 21:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. Davídi sín han wɛ.

Ɖɛhan 28:8

Mawu Mavɔmavɔ wɛ nyí hlɔ̌nhlɔ́n nú togun tɔn. É wɛ nyí ahohó nú mɛ e é kɔn ami dó ta ná é.

Ɖɛhan 45:7

Axɔ́súzinkpo towe ná nɔ ayǐ káká yi káká sá, axɔ́súzinkpo Mawu tɔn ɖɔhun. Hwɛjijɔ jí wɛ axɔ́súɖuɖu towe jínjɔ́n.

Ɖɛhan 89:17

Togun énɛ́ ɔ́ nɔ́ ɖo awǎjijɛ mɛ tɛgbɛ ɖó nyǐkɔ towe wú, é nɔ́ ɖo te ɖó hwɛjijɔ towe wú.

Ɖɛhan 89:24

Un ná já mɛ e ma ɖo jǐ tɔn ǎ lɛ́ɛ ɖo nukɔn tɔn, un ná hu mɛ e gbɛ́ wǎn n'i lɛ́ɛ.

Ɖɛhan 89:25

Gbejíninɔ ce kpó xomɛnyínyɔ́ ce kpó ná nɔ kpɔ́ xá ɛ, bɔ hlɔ̌nhlɔ́n tɔn ná yi jǐ ɖó nyɛ wú.

Ɖɛhan 96:13

ɖo Mawu Mavɔmavɔ nukɔn, ɖó é jǎwe; é ja, bó ná ɖɔ hwɛ xá gbɛ ɔ́. É ná ɖɔ hwɛ xá gbɛ ɔ́ kpó hwɛjijɔ kpó. É ná xwedó nǔgbó dó ɖɔ hwɛ xá togun lɛ́ɛ.

Ɖɛhan 98:9

ɖo Mawu Mavɔmavɔ nukɔn, ɖó é jǎwe, bó ná wá ɖɔ hwɛ xá ayǐkúngban ɔ́; é ná ɖɔ hwɛ xá gbɛ ɔ́ ɖó sɛ́nxwi jí, bó ɖɔ hwɛ xá togun lɛ́ɛ lě e é sɔgbe gbɔn é.

Tíntɔ́n 15:6

Óo! Mawu Mavɔmavɔ, a zě alɔ towe ɖisí ɔ́, alɔ towe hlɔ̌nhlɔ́nnɔ ɔ́ dó ɖe hlɔ̌nhlɔ́n towe susunɔ ɔ́ xlɛ́! Óo! Mawu Mavɔmavɔ, alɔ towe ɖisí ɔ́ wɛ a dǒ nyínyɛ́ kɛntɔ́.

Nǔnywɛ́tɔ́xó 11:9

Mɛ wínnyáwínnyá, din e a kpo ɖo wǐnnyáwínnyá mɛ ɔ́, j'awǎ. Awǎjijɛ ní gɔ́ ayi towe mɛ hwenu e a kpo ɖo wǐnnyáwínnyá mɛ é. Ayi towe mɔ nǔɖé hǔn blǒ; nǔɖé nyɔ́ nukún towe mɛ hǔn, wa. Lo ɔ́, tunwun ganjí ɖɔ Mawu ná wá ɖɔ hwɛ xá we ɖó nǔ e a wa lɛ́ɛ ɖokpó ɖokpó wú.

Nǔnywɛ́tɔ́xó 12:14

Đó Mawu ná ɖɔ hwɛ dó nǔ e è wa lɛ́ɛ bǐ, káká jɛ éé è wa dó nǔglɔ́ lɛ́ɛ jí; é sixú nyí nǔ ɖagbe, é ká sixú nyí nǔ nyanya.

Ezayíi 29:6

Mawu Mavɔmavɔ Nǔbǐwúkpétɔ́ ɔ́ wɛ ja kpínkpɔ́n we gbé; é ná wá kpó zǐngídi ɖaxó ɖé kpó; jǐ ná ɖo gbe dó wɛ, ayǐkúngban ná ɖo wǔ dán wɛ, jǐ ɖaxó ɖé ná ɖo jija wɛ kpó jɔhɔn ɖaxó ɖé kpó, myɔ ná ɖo jiji wɛ hɛhɛhɛ.

Ezayíi 32:1

Axɔ́sú ɖokpó ná tíin, bó ná xwedó hwɛjijɔ dó ɖu axɔ́sú, bɔ gǎn e kpó e kpó ná nɔ to ɔ́ nu lɛ́ɛ ná kpa acɛ ɖó sɛ́nxwi jí.

Ezayíi 45:24

‘Mawu Mavɔmavɔ kɛ́ɖɛ́ gɔ́n wɛ è nɔ mɔ nǔ wa ɖó sɛ́nxwi jí ɖe, é gɔ́n wɛ è nɔ mɔ hlɔ̌nhlɔ́n ɖe.’ Mɛ e tɔ́n ahwan mì lɛ́ɛ bǐ wɛ ná wá gɔ̌n ce, bɔ winnyá ná hú yě.

Ezekiyɛ́li 29:21

“Hwenu e nǔ énɛ́ lɛ́ɛ ná jɛ ɔ́, un ná ná hlɔ̌nhlɔ́n Izlayɛ́li togun ɔ́, bó ká ná ná acɛ hwɛ Ezekiyɛ́li ɔ́, bɔ a nǎ ɖɔ xó nú yě, bónú yě ná tunwun ɖɔ nyɛ wɛ nyí Mawu Mavɔmavɔ.”

Matíe 25:34

bɔ nyɛ axɔ́sú ɔ́ ná ɖɔ nú mɛ e ɖo ɖisí ce xwé lɛ́ɛ ɖɔ: ‘Mi wá, mi mɛ e jí Tɔ́ ce ko xo ɖɛ ɖagbe dó lɛ́ɛ. Mi wá yí axɔ́súɖuɖu Mawu tɔn sín nǔ ɖagbe e è ko sɔ́ ɖ'ayǐ nú mi sín hwenu e Mawu ko ɖó gbɛ ɔ́ ɖokpóó é.

Matíe 28:18

Jezu ka sɛ yá yě, bó ɖɔ nú yě ɖɔ: “Mawu ná acɛ e ɖo jǐnukúnsin, kpódó ée ɖo ayǐkúngban jí ɔ́ kpó bǐ mì.

Luki 1:69

É sɛ́ Mɛhwlɛ́ngántɔ́ hlɔ̌nhlɔ́nnɔ ɖé dó mǐ. Mɛhwlɛ́ngántɔ́ énɛ́ jɔ ɖo mɛsɛntɔ́ tɔn axɔ́sú Davídi hɛ́nnu mɛ.

Luki 19:27

Kɛntɔ́ ce e ka ɖɔ nyɛ kún ná ɖu axɔ́sú ɖo émí nu ó lɛ́ɛ ɔ́, mi dɔn yě bǐ wá fí, bó hu yě ɖo nukún ce mɛ.’ ”

Mɛsɛ́dó 10:38

Mi tunwun lě e Mawu gba Yɛsinsɛn sín hlɔ̌nhlɔ́n dó Jezu Nazalɛ́tinu ɔ́ jí gbɔn é; mi lɛ́ tunwun lě e Jezu gbɔn to ɔ́ mɛ, bó wa ɖagbe nú mɛ lɛ́ɛ, bó gbɔ azɔn nú mɛ e ɖo awǒvi sín acɛ mɛ lɛ́ɛ bǐ gbɔn é, ɖó Mawu ɖo kpɔ́ xá ɛ.

Mɛsɛ́dó 4:27

Nǔgbó ɔ́, gbe wɛ Elódu kpódó Pɔ́nsu Pilátu kpó ɖó kpɔ́ ɖo tomɛ fí xá mɛ e ma nyí Jwifu ǎ lɛ́ɛ, kpódó Izlayɛ́li ví lɛ́ɛ kpán, bó fɔ́n gǔ dó mɛsɛntɔ́ towe mímɛ́ Jezu, e a sɔ́ Klísu ɔ́ jí.

2 Kɔlɛ́ntinu 5:10

Đó mǐ bǐ ɔ́, mǐ ɖó ná wá Klísu nukɔn, bɔ é ná ɖɔ hwɛ dó mǐ, bónú mɛ ɖokpó ɖokpó ná mɔ lě e é wa nǔ gbɔn hwenu e é ɖo agbaza tɔn mɛ ɔ́ sín ajɔ yí; nú nǔ ɖagbe wɛ mɛ ɔ́ wa, abǐ nǔ nyanya wɛ mɛ ɔ́ wa ɔ́, é ná mɔ ajɔ tɔn yí.

Hwɛɖɔtɔ́ 5:31

Mawu Mavɔmavɔ, kɛntɔ́ towe lɛ́ɛ bǐ ní kú lě e Sisela kú gbɔn é; lo ɔ́, xɔ́ntɔn towe lɛ́ɛ ní cí hwe ɖɔhun. Hwe e tɔ́n kpó wěziza tɔn bǐ kpó é ɖɔhun!” To ɔ́ nɔ vivo mɛ xɔ xwe kanɖé.

1 Samuwɛ́li 12:13

Axɔ́sú e mi byɔ́ bó sɔ́ é ɖíe. Mi byɔ́ bɔ Mawu Mavɔmavɔ ná mi.

1 Samuwɛ́li 12:17

Hwenu e mǐ ɖe din ɔ́, é nyí jǐ hwenu ǎ, ɖó nǔkún-yiya hwenu wɛ mǐ ɖe. Un ka ná xomlá Mawu Mavɔmavɔ, bɔ jǐ ná dó gbe, bó ná ja. Ényí nǔ cí mɔ̌ hǔn, mi tunwun ɖɔ axɔ́sú e émí byɔ́ Mawu Mavɔmavɔ é ɔ́, nǔ ɖaxó ɖokpó wɛ é nyí bɔ émí wa nyi do.”

1 Samuwɛ́li 12:18

Samuwɛ́li xomlá Mawu Mavɔmavɔ, bɔ gbe énɛ́ gbe ɖokpó ɔ́, jǐ dó gbe bó ja, bɔ togun ɔ́ bǐ ɖi xɛsi dó Mawu Mavɔmavɔ kpó Samuwɛ́li kpó wú.

1 Samuwɛ́li 12:3

Nyi ɖíe! Ényí un wa nǔɖé nyi do nú mɛɖé hǔn, mi ɖɔ ɖo Mawu Mavɔmavɔ kpó axɔ́sú e é sɔ́ ɔ́ kpó nukɔn din: un yí nyibú mɛɖé tɔn a? Un yí tócí mɛɖé tɔn a? Mɛ̌ un ka táfú kpɔ́n? Mɛ̌ un dó tagba ná kpɔ́n? Mɛ̌ sí un yí nǔ ɖu ɖe bo nɔ jǐ tɔn kpɔ́n? Mɛ ɔ́ ní ɖɔ nú má sú axɔ́ tɔn ɛ.”

1 Samuwɛ́li 15:28

Bɔ Samuwɛ́li ɖɔ n'i ɖɔ: “Éénɛ́! Lě e Mawu Mavɔmavɔ yí axɔ́súɖuto Izlayɛ́li tɔn sín así towe, bó sɔ́ jó nú mɛ ɖěvo, mɛ e nyɔ́ hú hwɛ é ɖěvo gbɔn é nɛ́.

1 Samuwɛ́li 16:1

Mawu Mavɔmavɔ ɖɔ nú Samuwɛ́li ɖɔ: “Hwetɛ́nu a nǎ gɔn avǐ ya dó Sawúlu tamɛ dó? Un gbɛ́ xó tɔn wɛ hǔn; é sɔ́ ná ɖu axɔ́sú ɖo Izlayɛ́li gbeɖé ǎ. Hwɛ ɔ́, un ná sɛ́ we dó Jɛsée Bɛteleyɛ́munu ɔ́ gɔ́n, ɖó mɛ e un jló ná sɔ́ axɔ́sú ɔ́, un mɔ ɖo vǐ tɔn lɛ́ɛ mɛ. Hǔn, sɔ́ lanzo towe bó kɔn ami d'é mɛ ní gɔ́, bó jɛ ali.”

1 Samuwɛ́li 7:10

Hwenu e Samuwɛ́li ɖo vɔ̌ ɔ́ dó zo wɛ ɔ́, Filisitɛ́ɛn lɛ́ɛ lɔ ko ɖo sisɛkpɔ́ Izlayɛ́li ví lɛ́ɛ wɛ, bó ná wá tɔ́n ahwan yě. Mawu Mavɔmavɔ ká ɖe gbe bɔ jǐ dó gbe dó Filisitɛ́ɛn lɛ́ɛ jí, bó dó xɛsi yě bɔ yě bǐ gba dó, bɔ Izlayɛ́li ví lɛ́ɛ ɖu ɖo yě jí.