1 Samuwɛ́li 19:4 - MAWUXÓWÉMA

⁴ Ée yě wá jɛ gle ɔ́ mɛ ɔ́, Jonatáan jɛ Davídi xó ɖagbe ɖɔ nú tɔ́ tɔn jí; é ɖɔ: “Sɛ́mɛɖó, è ma wa nǔɖé nyi do nú mɛsɛntɔ́ mɛtɔn Davídi ɔ́ ó; ɖó é jɛ agɔ ɖé dó mɛ ǎ, é nyɔ́ wa ɔ́, ɖagbe mɛtɔn kɛ́ɖɛ́ wɛ é nɔ ba.

1 Samuwɛ́li 19:4 Iomraidhean Croise

Bǐbɛ́mɛ 42:22

Hwlibɛ́ni ka yí xó, bó ɖɔ nú yě ɖɔ: “Un ma gbɛ́ nú mi hwenɛ́nu ɖɔ mi ní má wa nǔ nyanya ɖé xá nyaví ɔ́ ó a? Un gbɛ́ nú mi, mi ka ba ná se ǎ. Hun tɔn ɖíe ɖo axɔ́ byɔ́ mǐ wɛ e.”

Bǐbɛ́mɛ 9:6

Nyɛ Mawu bló gbɛtɔ́ bɔ é nyí akpajlɛ́ ce; énɛ́ wú ɔ́, mɛ e kɔn gbɛtɔ́ sín hun kɔn nyi ayǐ ɔ́, gbɛtɔ́ wɛ ná kɔn hun tɔn kɔn nyi ayǐ.

2 Tan 6:22

“Nú mɛɖé hu hwɛ dó nɔzo tɔn, bónú è ɖɔ n'i ɖɔ é ní xwlé nǔ dandan, bɔ é wá xwlé nǔ ɖo vɔ̌sákpe towe nukɔn, ɖo xɔ élɔ́ mɛ hǔn,

Ɖɛhan 35:12

Yě nɔ́ sɔ́ nyanya dó sú ɖagbe xɔ́ mì; nyi ɖokpónɔ ɖíe wá kpo e.

Ɖɛhan 59:4

Mawu Mavɔmavɔ, kpɔ́n; yě tɔwu nú mì, bó ná hu mì. Gǎnhúnǔtɔ́ lɛ́ɛ ɖo gbě ce blá wɛ, un ka wa nǔɖé nyi do ǎ, un ka hu hwɛ ɖé ǎ.

Nǔnywɛ́xó 17:13

Mɛ e nɔ sɔ́ nyanya dó sú ɖagbe xɔ́ ɔ́, nǔ nyanya nɔ hán ɖo xwé tɔn gbe ǎ.

Jelemíi 18:20

Yě kun do gɔngɔn bɔ un ná jɛ mɛ. È nɔ wa ɖagbe bo nɔ yí alɔgúdokpɛ́ a? Mawu, flín ɖɔ nukɔn towe wɛ un nɔ, bó byɔ́ ɖɔ hwi ní jó xomɛ e a sin dó yě ɔ́ dó.

1 Kɔlɛ́ntinu 8:12

Ényí mi nɔ hu hwɛ dó nɔví mitɔn lɛ́ɛ gbɔn mɔ̌, bó nɔ dó akpa ayixa yětɔn e má ɖó gǎn lɛ́ɛ wú ɔ́, Klísu ɔ́ ɖésú wɛ mi hu hwɛ dó.

1 Jǎan 3:15

Mɛ ɖěbǔ gbɛ́ wǎn nú nɔví tɔn hǔn, mɛhutɔ́ wɛ é nyí; mi ka tunwun ɖɔ mɛhutɔ́ ɖěbǔ kún ɖó gbɛ mavɔ mavɔ ó.

1 Samuwɛ́li 2:25

Ényí gbɛtɔ́ ɖě hu hwɛ dó ɖě ɔ́, Mawu ná ɖɔ hwɛ xá ɛ. É ká nyí Mawu Mavɔmavɔ wɛ é hu hwɛ dó ɔ́, mɛ̌ ká ná ɖɔ gbo n'i?” Yě ká ɖótó tɔ́ yětɔn sín xó ǎ; yě ɖótó ǎ, ɖó Mawu Mavɔmavɔ ka ko jló ná hu yě.

1 Samuwɛ́li 20:32

Jonatáan ka kanbyɔ́ tɔ́ tɔn ɖɔ: “Étɛ́wú è ka ná hu i? Étɛ́ é wa?”

1 Samuwɛ́li 22:14

Aximɛlɛ́ki ka yí gbe nú axɔ́sú ɔ́ ɖɔ: “Mɛsɛntɔ́ mɛtɔn lɛ́ɛ ɖě tɛ́ ka ɖo gbejí nú mɛ Davídi ɖɔhun? Éyɛ́ ɔ́, vǐ mɛtɔn sú wɛ. É wɛ kpa acɛ dó sɔ́ja e nɔ cɔ́ mɛ lɛ́ɛ nu, bɔ mɛ e ɖo hɔnmɛ lɛ́ɛ bǐ nɔ sɔ́ ɛ su.