1 Samuwɛ́li 17:4 - MAWUXÓWÉMA

⁴ Ahwanfuntɔ́ Filisitɛ́ɛn lɛ́ɛ tɔn ɖokpó tɔ́n sín ahwankpá yětɔn mɛ, bó wá gblɔ́n adǎn nú Izlayɛ́li ví lɛ́ɛ. Nya ɔ́ nɔ nyí Goliyati; Gati toxomɛnu wɛ. Ga tɔn yi mɛ̌tlukpo atɔn jɛjí.

1 Samuwɛ́li 17:4 Iomraidhean Croise

1 Tan 11:23

Benayahu wɛ lɛ́ hu Ejípunu ɖé gbe ɖokpó. Ejípunu énɛ́ ɔ́, ga tɔn yi mɛ̌tlu we adaɖé; é hɛn hwǎn ɖé alɔ mɛ bɔ kpo tɔn kló sɔ avɔlɔnkpɔntín. Benayahu ɔ́, éyɛ́ ka hɛn kpo ɖokpó bó yi tɔ́n ahwan ɛ, bó xo hwǎn ɔ́ yí sín alɔ tɔn mɛ, lobo zé dó hu i ná.

Amɔ́si 2:9

Có un vívá kún nú Amɔliti lɛ́ɛ ɖó ta mitɔn mɛ. Yě mɛ énɛ́ lɛ́ɛ e yi jǐ sɔ hǔntín, bó syɛ́n sɔ kákɛ́ lɛ́ɛ é; un vívá kún nú yě sín ɖɔ káká yi ɖaví lɛ́ɛ nu.

Sɛ́nflínmɛ 3:11

Axɔ́sú Basáni tɔn Ɔgu wɛ nyí mɛ ɖokpó e kpo ɖo gbɛ ɖo Hlafa ví lɛ́ɛ mɛ hwenɛ́nu é; yɔdo tɔn kpo ɖo te ɖo Hlaba, Amumɔ́ɔ ví lɛ́ɛ sín tota mɛ. Awǐnnya Bazalu mɛ wɛ è kun yɔdo ɔ́ dó. Ga tɔn hú mɛ̌tlu ɛnɛ, gblǒ tɔn yi mɛ̌tlu we.

Jozuwée 11:22

Anáki ví ɖé sɔ́ kpo ɖo Izlayɛ́li ǎ. Gaza kpódó Gati kpó, kpódó Acidɔ́di kpó kɛ́ɖɛ́ wɛ yě mɛ kwín we ɖé kpo ɖe.

1 Samuwɛ́li 17:23

Hwenu e Davídi ɖo xó ɖɔ xá fofó tɔn lɛ́ɛ wɛ ɔ́, nya Filisitɛ́ɛn Goliyati Gati toxomɛnu ɔ́ lɛ́ tɔ́n sín Filisitɛ́ɛn lɛ́ɛ mɛ, bó jɛ nǔ e é nɔ́ wlí ɖɔ ɖ'ayǐ lɛ́ɛ wlí ɖɔ jí, bɔ Davídi se.

1 Samuwɛ́li 17:3

Énɛ́ ɔ́, Filisitɛ́ɛn lɛ́ɛ ɖo só jí ɖo akpá ɖě xwé, bɔ Izlayɛ́li ví lɛ́ɛ ɖo só jí ɖo akpá ɖě ɔ́ xwé bɔ tɔdo ɔ́ ɖo tɛ́ntin yětɔn.

1 Samuwɛ́li 17:5

Ganvɔgbákún ɖo ta tɔn, ganvɔwu kacakaca ɖé ɖo kɔ n'i bó da kilóo kanɖé ko (60).

1 Samuwɛ́li 27:4

Ée Sawúlu se ɖɔ Davídi hɔn yi Gati ɔ́, é sɔ́ nya gbě tɔn ɖě ǎ.