1 Samuwɛ́li 17:1 - MAWUXÓWÉMA

¹ Filisitɛ́ɛn lɛ́ɛ kplé ahwangɔnu yětɔn lɛ́ɛ ɖo Soko ɖo Judáa yíkúngban jí, bó ná yi fun ahwan xá Izlayɛ́li ví lɛ́ɛ. Yě ɖǒ gɔnu ɖó Azeka kpó Soko kpó tɛ́ntin ɖo Efɛ́si-Damumímu.

1 Samuwɛ́li 17:1 Iomraidhean Croise

1 Tan 11:13

É wɛ ɖo kpɔ́ xá Davídi ɖo Pasi-Damumímu fí e Filisitɛ́ɛn lɛ́ɛ kplé bó ná fun ahwan ɖe é. Ɔ́jigle ɖé ɖo fínɛ́. Ahwangɔnu Izlayɛ́li tɔn ɔ́ ká ɖo hinhɔn wɛ ɖo Filisitɛ́ɛn lɛ́ɛ nukɔn hwenɛ́nu.

2 Tan 11:7

Bɛti-Súu, Soko, Adulámu,

2 Tan 28:18

Filisitɛ́ɛn lɛ́ɛ lɔmɔ̌ wá byɔ́ toxo e ɖo ayǐkúngban wɛnjɛ jí ɖo Judáa sín afɔligbé lɛ́ɛ mɛ. Yě yǐ Bɛti-Cɛmɛ́ci, Ayalɔ́ni, Gedelɔ́ti, Soko, Timuna, Gimuzo kpó gletoxo e lɛ́ dó yě lɛ́ɛ kpó, bó jɛ agban ɖó toxo énɛ́ lɛ́ɛ mɛ.

Jelemíi 34:7

Hwenɛ́nu ɔ́, ahwangɔnu Babilɔ́nu xɔ́sú ɔ́ tɔn ɖo ahwan fun xá Jeluzalɛ́mu kpódó Judáa toxo e è mɛ ahohó lɛ́ lɛ̌ dó lɛ́ɛ wɛ. Toxo lɛ́ɛ wɛ nyí Lakíci kpó Azeka kpó.

Jozuwée 15:35

Yaamúti, Adulámu, Soko, Azeka,

Hwɛɖɔtɔ́ 3:3

Yě mɛ e é jó dó nyi to ɔ́ mɛ lɛ́ɛ wɛ nyí mɛ e ɖo Filisitɛ́ɛn lɛ́ɛ sín axɔ́súɖuto atɔ́ɔ́n lɛ́ɛ mɛ lɛ́ɛ, Kanáanu lɛ́ɛ bǐ, Sidɔ́ɔnnu lɛ́ɛ kpódó Hivíti e nɔ́ nɔ Libáan sókan mɛ lɛ́ɛ kpó, sín Baalu-Ɛmɔ́ni só ɔ́ kɔn káká yi Lɛbo-Hamáti lɛ́ɛ.

1 Samuwɛ́li 13:5

Filisitɛ́ɛn lɛ́ɛ kplé bó ná tɔ́n ahwan Izlayɛ́li. Yě ɖó ahwankɛkɛ́ví adɔ̌kpo ɖě děgba we afɔwó (30.000), bó ɖó sɔ́xátɔ́ děgba ɖě afɔwó (6.000). Ahwanfuntɔ́ e ɖo fínɛ́ lɛ́ɛ sukpɔ́, è sixú xa ǎ. Yě sukpɔ́ káká, bó cí kɔ́ e ɖo xutó é ɖɔhun, bɔ yě wá ɖó gɔnu ɖó Mikumasi, ɖo zǎnzǎnhwe jí ɖo Bɛti-Awɛni.

1 Samuwɛ́li 14:46

Sawúlu lɛ́ kɔ sín Filisitɛ́ɛn lɛ́ɛ gúdo, bɔ yě lɛ́ kɔ yi xwé.

1 Samuwɛ́li 14:52

Sawúlu ɔ́, ɖo gbɛ hwenu tɔn bǐ ɔ́, é fun ahwan xá Filisitɛ́ɛn lɛ́ɛ káká. É nyí Sawúlu mɔ súnnu hlɔ̌nhlɔ́nnɔ akɔ́nkpantɔ́ ɖé ɔ́, é nɔ yí dó ahwan mɛ.

1 Samuwɛ́li 7:7

Filisitɛ́ɛn lɛ́ɛ se ɖɔ Izlayɛ́li ví lɛ́ɛ kplé ɖo Misipa, bɔ gǎn yětɔn lɛ́ɛ sɔ́ nǔ, bó ná wá tɔ́n ahwan Izlayɛ́li ví lɛ́ɛ. Ée Izlayɛ́li ví lɛ́ɛ se mɔ̌ ɔ́, xɛsi jɛ yě jí,