1 Samuwɛ́li 15:3 - MAWUXÓWÉMA

³ Din ɔ́, yi bo gba Amalɛ́ki, bó hɛn nǔ tɔn lɛ́ɛ bǐ gblé. Ma jó é ɖésúnɔ dó ó. A nǎ hu nǔ e ɖo to ɔ́ mɛ lɛ́ɛ bǐ; a nǎ hu súnnu kpó nyɔ̌nu kpó, yɔkpɔ́vú kpó vǐ yɛ̌yɛ́ kpó, nyibú kpó gbɔ̌ kpó, lǎkúnmí kpó tócí kpó.’ ”

1 Samuwɛ́li 15:3 Iomraidhean Croise

Bǐbɛ́mɛ 36:12

Elifázi lɛ́ ɖó asi ɖokpó, bɔ é nɔ́ nyí Timuna; éyɛ́ ji vǐ súnnu ɖokpó n'i, bɔ vǐ ɔ́ nɔ́ nyí Amalɛ́ki. Esawu kpó asi tɔn Ada kpó sín vǐvú lɛ́ɛ nɛ́.

2 Samuwɛ́li 1:8

É kanbyɔ́ mì ɖɔ: ‘Hwi mɛ̌ ká nɛ́?’ Bɔ un yí gbe n'i ɖɔ: ‘Amalɛ́ki ví ɖé wɛ.’

Tíntɔ́n 17:14

Mawu Mavɔmavɔ ɖɔ nú Mɔyízi ɖɔ: “Wlǎn nǔ e jɛ lɛ́ɛ bǐ dó wěma mɛ, bónú è ma wɔn ó. Đɔ nú Jozuwée ɖɔ un ná sú Amalɛ́ki ví lɛ́ɛ sín kún dó, mɛ ɖěbǔ sɔ́ ná flín yě ɖo ayǐkúngban ɔ́ jí ǎ.”

Tíntɔ́n 20:5

Ma jɛ kpo bo ɖe kɔ́ nú yě ó; ma sɛn yě ó, ɖó nyɛ Mawu Mavɔmavɔ, Mawu towe ɔ́, un nɔ ba gbeɖé ɖɔ a nǐ sɛn nǔ ɖěvo zɛ nyɛ wú ǎ; ényí mɛɖé gbɛ́ wǎn nú mì ɔ́, vǐ tɔn lɛ́ɛ ná sún sin tɔn, vǐvú tɔn lɛ́ɛ, vitikli tɔn lɛ́ɛ kpódó kpaba tɔn lɛ́ɛ kpó ná sún sin tɔn.

Kɛ́nsísɔ́ 24:20

Un lɛ́ kpɔ́n, bó mɔ Amalɛ́ki ví lɛ́ɛ bó ɖɔ: “Amalɛ́ki ví lɛ́ɛ wɛ nyí akɔta e syɛ́n hú akɔta ɖě lɛ́ɛ é. Amɔ̌, yě bǐ wɛ ná vɔ gbe ɖokpó.”

Kɛ́nsísɔ́ 31:17

Din ɔ́, mi ná hu vǐ yětɔn súnnu lɛ́ɛ bǐ, bó ná hu nyɔ̌nu e kó tunwun súnnu lɛ́ɛ bǐ.

Jozuwée 10:39

Yě yí toxo ɔ́, bó wlí axɔ́sú ɔ́. Yě yǐ toxo e gbɔn toxo énɛ́ ɔ́ kpá lɛ́ɛ bǐ, yě hu mɛ e ɖo to énɛ́ lɛ́ɛ mɛ lɛ́ɛ bǐ, yě jó yě mɛ ɖěbǔ dó nyi gbɛ ǎ. Jozuwée wa nǔ xá Devíi toxo ɔ́ kpódó axɔ́sú ɔ́ kpó lě e é wa xá Eblɔ́n gbɔn, bó wa xá Livuna toxo ɔ́ kpódó axɔ́sú tɔn kpó gbɔn é.

1 Samuwɛ́li 14:48

É wá su gbe ɖokpó, bɔ é fun ahwan xá Amalɛ́ki ví lɛ́ɛ, bó gba yě dó, bó ɖe hlɔ̌nhlɔ́n tɔn xlɛ́. Lě e é hwlɛ́n Izlayɛ́li to ɔ́ ɖo mɛ e ɖo yě vɔ wɛ lɛ́ɛ sí gbɔn ɔ́ nɛ́.

1 Samuwɛ́li 15:18

Mawu Mavɔmavɔ wɛ sɛ́ we dó ɖɔ hwi ní vívá kún nú Amalɛ́ki ví lɛ́ɛ bǐ, ɖó hwɛhutɔ́ wɛ nú yě. Đɔ hwi ná fun ahwan xá yě káká bó ná hu yě bǐ.

1 Samuwɛ́li 15:9

Lo ɔ́, Sawúlu kpó ahwanfuntɔ́ tɔn lɛ́ɛ kpó wa nǔɖé nú Agagi ǎ. Yě hu kanlin ɖagbe ɖagbe e ɖo to ɔ́ mɛ lɛ́ɛ ɖě ǎ. Gbɔ̌ kpó nyibú kpó, kpódó lɛ̌ngbɔ́ví kpó e ɖo ganjí lɛ́ɛ ɔ́, yě hu ɖě ǎ. Kanlin ɖagbe ɖagbe, kanlin kloklo e ɖo to ɔ́ mɛ lɛ́ɛ ɔ́, yě hu ɖě ǎ. Nǔ e ma nyí nǔjɔnǔ, nǔɖé wa nú ǎ bó gbɛ́ hɛn lɛ́ɛ kɛ́ɖɛ́ wɛ yě hɛn gblé.

1 Samuwɛ́li 22:19

Sawúlu lɛ́ ná gbe bɔ è hu mɛxó kpó yɔkpɔ́vú kpó súnnu, nyɔ̌nu, vǐ ɖo anɔ̌nu, nyibú, tócí, gbɔ̌ kpó lɛ̌ngbɔ́ kpó e ɖo Nɔvu vɔ̌sánú-xwlémawutɔ́ lɛ́ɛ sín toxo mɛ lɛ́ɛ bǐ.

1 Samuwɛ́li 27:9

Davídi nɔ yi gba togun énɛ́ lɛ́ɛ sín to. É nɔ jó mɛ ɖěbǔ dó nyi gbɛ ǎ; súnnu wɛ a, nyɔ̌nu wɛ a? É nɔ hu bǐ, bó nɔ bɛ́ gbɔ̌ yětɔn lɛ́ɛ, nyibú yětɔn lɛ́ɛ, tócí yětɔn lɛ́ɛ, lǎkúnmí yětɔn lɛ́ɛ kpó avɔ yětɔn lɛ́ɛ kpó, bó nɔ lɛ́ kɔ yi Akíci gɔ́n.

1 Samuwɛ́li 30:17

Davídi zɔn yě mɛ, bó ɖo yě hu wɛ sín ayǐtéhɔ̌nnu káká jɛ ayǐhɔ́ngbe tɔn gbadanu. Yě ɖě kpé wú bó hɔn yi zɛ dɔ̌nkpɛvú afɔwe (400) e xá lǎkúnmí jí bó hɔn yi lɛ́ɛ wú ǎ.