1 Samuwɛ́li 14:3 - MAWUXÓWÉMA

³ Vɔ̌sánú-xwlémawutɔ́ e ɖo yě mɛ, bɔ nǔ e è nɔ dó kan nǔ byɔ́ Mawu lɛ́ɛ ɖo así tɔn ɔ́ nɔ́ nyí Axiya. Axitúvu ví wɛ, bɔ tɔ́ tɔn nɔví nɔ́ nyí Ikavodi. Ikavodi ɔ́, Pínxási ví wɛ, bó nyí Eli vívú. Eli ɔ́ wɛ nyí vɔ̌sánú-xwlémawutɔ́ e nɔ Silóo ɖ'ayǐ é. Ahwanfuntɔ́ ɖě ká tunwun ɖɔ Jonatáan yi fí ɖé ǎ.

1 Samuwɛ́li 14:3 Iomraidhean Croise

1 Samuwɛ́li 1:3

Xwewú xwewú tɛgbɛ ɔ́, Ɛlukana nɔ gosín toxo tɔn mɛ, bó nɔ́ yi Silóo toxo mɛ, bó nɔ́ yi sɛn Mawu Mavɔmavɔ, Mawu Nǔbǐwúkpétɔ́ ɔ́, bó nɔ sá vɔ̌ n'i. Eli ví, Hofíni kpó Pínxási kpó wɛ nyí vɔ̌sánú-xwlémawutɔ́ ɖo Silóo fínɛ́.

1 Samuwɛ́li 14:36

Sawúlu ɖɔ: “Mi wá mǐ ní zɔn zǎn bó ná tɔ́n ahwan Filisitɛ́ɛn lɛ́ɛ. Mǐ nǎ ɖo nǔ yětɔn lɛ́ɛ bɛ́ wɛ káká bɔ ayǐ ná hɔ́n. Mǐ nǎ jó mɛ e kpo ɖo gbɛ lɛ́ɛ ɖokpó dó ǎ.” Bɔ yě yí gbe n'i ɖɔ: “Ayi towe mɔ nǔɖé hǔn wa.” Vɔ̌sánú-xwlémawutɔ́ ɔ́ ká ɖɔ: “Mi wá mǐ ní kan nǔ byɔ́ Mawu hwɛ̌.”

1 Samuwɛ́li 2:18

Nyaví Samuwɛ́li ɔ́ ká nɔ́ ɖo vɔ̌sánú-xwlémawutɔ́ sín awu mɛ, bó nɔ ɖo azɔ̌ wa nú Mawu Mavɔmavɔ wɛ.

1 Samuwɛ́li 2:28

Un sɔ́ tɔ́gbó towe Aalɔ́ɔn xwédo ɔ́ ɖo akɔta Izlayɛ́li tɔn lɛ́ɛ bǐ mɛ, bɔ é ná wa vɔ̌sánú-xwlémawutɔ́zɔ́ nú mì; yě wɛ ná nɔ sɛkpɔ́ vɔ̌sákpe ce, bó ná nɔ́ dó zǎlínkpɔ́n zo, bó ná nɔ́ kan xó byɔ́ mì; vɔ̌ e Izlayɛ́li ví lɛ́ɛ ná sá, bɔ è nǎ dǒ zo ɔ́, un ná lan tɔn ɖě yě ɖ'é mɛ.

1 Samuwɛ́li 22:20

Mɛ ɖokpó géé wɛ kpé wú bó hɔn; è nɔ ylɔ́ ɛ ɖɔ Abiyatáa. Aximɛlɛ́ki ví wɛ, bó nyí Axitúvu vívú. É hɔn yi su Davídi,

1 Samuwɛ́li 4:21

É sun nyǐ vǐ ɔ́ ɖɔ Ikavodi; tínmɛ tɔn wɛ nyí susu Mawu tɔn vɔ ɖo Izlayɛ́li. É ɖɔ mɔ̌ ɖó Filisitɛ́ɛn lɛ́ɛ yí akɔjijɛgbá Mawu tɔn ɔ́, bɔ asú tɔn tɔ́ kú; asú tɔn lɔ ka lɛ́ kú.

1 Samuwɛ́li 4:4

Togun ɔ́ sɛ́ mɛ dó Silóo nǔgbó, bɔ è yi sɔ́ akɔjijɛgbá Mawu Mavɔmavɔ Nǔbǐwúkpétɔ́ ɔ́ tɔn wá. Akɔjijɛgbá ɔ́ jí wɛ Mawu Mavɔmavɔ ɖo ayǐjínjɔ́n ɖe, ɖo axɔ́súzinkpo tɔn jí. Eli ví we lɛ́ɛ: Pínxási kpó Hofíni kpó ɖo akɔjijɛgbá ɔ́ kɔn.