1 Samuwɛ́li 13:6 - MAWUXÓWÉMA

⁶ Izlayɛ́li ví lɛ́ɛ wá mɔ ɖɔ nǔ ɔ́ hú gǎn émí, ɖó mɛ lɛ́ɛ lɛ́ lɛ̌ dó yě gbɔn fí bǐ, bɔ yě gbɔ bó hɔn byɔ́ sónu lɛ́ɛ mɛ, do lɛ́ɛ mɛ, awǐnnya kan mɛ, nu lɛ́ɛ mɛ, dotɔ lɛ́ɛ mɛ.

1 Samuwɛ́li 13:6 Iomraidhean Croise

2 Samuwɛ́li 24:14

Davídi ɖɔ nú Gadi ɖɔ: “Ado ɖaxó ɖé ɖo huhu mì wɛ. Amɔ̌, un mɔ ɖɔ un jɛ Mawu Mavɔmavɔ lɔ mɛ ɔ́, é nyɔ́ hú un jɛ gbɛtɔ́ lɔ mɛ, ɖó Mawu Mavɔmavɔ nɔ́ kú nǔbláwǔ nú mɛ ɖésú.”

Ezayíi 42:22

Togun ɔ́ ɖíe è vɔ bǐ e; è bɛ̌ nǔ tɔn bǐ. Mɛ tɔn lɛ́ɛ bǐ ɖíe húzú gantɔ́ e; yě bǐ ɖíe è sú dó xɔ mɛ e! È nɔ mɔ yě dó mɔ nǔ e è bɛ̌ wá sín ahwangbénu é, mɛ e ahwan wlí é. Mɛ ɖé ká kɛ nu d'é wú ǎ, mɛ ɖé zin alɔ dó akɔ́n bó ɖɔ: “Mi bɛ́ yě nú mì” ǎ.

Jelemíi 41:9

Sitɛ́nu e mɛ Yicimayɛ́li bɛ́ mɛ e é wá hu gɔ́ nú Gedaliyási lɛ́ɛ sín cyɔ kɔn dó ɔ́, sitɛ́nu e axɔ́sú Asa kun hwenu e é kpó Izlayɛ́li xɔ́sú Baeca kpó ɖo ahwan fun wɛ é wɛ. Sitɛ́nu énɛ́ mɛ wɛ Yicimayɛ́li bɛ́ cyɔ lɛ́ɛ dó bɔ é gɔ́.

Ezekiyɛ́li 33:27

“Hwɛ gbɛtɔ́ e, dǒ wɛn élɔ́ yě nú mì. Ɖɔ nú yě ɖɔ: ‘Nyɛ Aklúnɔ Mavɔmavɔ ɔ́, un xwlé nyiɖée nú mi ɖɔ: Mi mɛ e kpo bo ɖo toxo e è ko gba lɛ́ɛ mɛ lɛ́ɛ ɔ́, è nǎ hu mi bǐ. Mi mɛ e hɔn yi cí gběgbó mɛ lɛ́ɛ ɔ́, kanlin ná wlí mi ɖu. Mi mɛ e hɔn yi cí sókan mɛ, bó ɖo sónu mɛ sónu mɛ lɛ́ɛ ɔ́, jɛmɛjí ná hu mi.

Filípunu 1:23

Un mɔ ɖɔ nǔ we énɛ́ lɛ́ɛ bǐ ɖo dindɔn mì wɛ: un jló ná gosín gbɛ élɔ́ mɛ, bó ná yi nɔ kpɔ́ xá Klísu, énɛ́ ɔ́ ba wɛ un ɖe tawun.

Eblée 11:38

Gbɛ ɔ́ jɛ xá yě ǎ; yě nɔ ɖo gbětótló mɛ flú gbɔn wɛ, bó nɔ ɖo sókan mɛ sókan mɛ gbɔn wɛ, bó nɔ ɖo sóxo mɛ sóxo mɛ, do mɛ do mɛ gbɔn wɛ.

Jozuwée 8:20

Ayíinu lɛ́ɛ lɛ́ kɔ kpɔ́n gǔdo, bó mɔ ɖɔ toxo émítɔn ɖo myɔ ji wɛ azizɔ tiii. Yě sɔ́ mɔ fí e yě ná hɔn gbɔn ɔ́ ǎ, ɖó Izlayɛ́li ví e hɔn kpan ta gbětótló mɛ lɛ́ɛ húzú kpan nukɔn yě mɛ e ɖo yě nya wɛ lɛ́ɛ.

Hwɛɖɔtɔ́ 10:9

Amumɔ́ɔ ví lɛ́ɛ tlɛ́ dó asá Judɛ́ɛn tɔ ɔ́, bó yi fun ahwan xá akɔta Judáa tɔn ɔ́, Bɛnjamɛ́ɛ tɔn ɔ́, kpódó Eflayímu tɔn ɔ́ kpó. Bɔ Izlayɛ́li ví lɛ́ɛ jɛ lele ɖaxó ɖé mɛ.

Hwɛɖɔtɔ́ 20:41

Bɔ Izlayɛ́li ví lɛ́ɛ húzú kpan nukɔn Bɛnjamɛ́ɛ sín mɛ lɛ́ɛ, bɔ xɛsi ɖaxó ɖé jɛ Bɛnjamɛ́ɛ sín mɛ lɛ́ɛ jí, ɖó yě mɔ nǔ baɖabaɖa e ɖo yě gbo wɛ é.

Hwɛɖɔtɔ́ 6:2

Madiáani ví lɛ́ɛ dó ya nú Izlayɛ́li ví lɛ́ɛ ɖésú. Izlayɛ́li ví lɛ́ɛ nɔ́ hɔn hwlá cí do lɛ́ɛ mɛ, sónu lɛ́ɛ mɛ kpó fí e gɛ́dɛ́ ɖo só lɛ́ɛ ta lɛ́ɛ kpó, bó ná dó gló yě.

1 Samuwɛ́li 13:15

Énɛ́ ɔ́ gúdo ɔ́, Samuwɛ́li gosín Gilugalu bo yi Giveya ɖo Bɛnjamɛ́ɛ yíkúngban jí. Sawúlu ka kpɔ́n mɛ e kpo ɖo gɔ̌n tɔn fínɛ́ lɛ́ɛ. Yě yi nǔwɔntɔn (600) mɔ̌.

1 Samuwɛ́li 14:11

Yě mɛ we lɛ́ɛ yi ɖe yěɖée xlɛ́ bɔ Filisitɛ́ɛn lɛ́ɛ mɔ yě bó ɖɔ: “Hǐn! Eblée lɛ́ɛ ɖíe; yě ɖo tíntɔ́n sín do e mɛ yě hɔn hwlá dó lɛ́ɛ é wɛ.”

1 Samuwɛ́li 14:22

Izlayɛ́li ví e yi hɔn hwlá ɖo Eflayímu sókan mɛ lɛ́ɛ se ɖɔ Filisitɛ́ɛn lɛ́ɛ ɖo hinhɔn wɛ lobo tɔ́n, bó zun dó Filisitɛ́ɛn lɛ́ɛ jí.

1 Samuwɛ́li 23:19

Zifunu ɖé lɛ́ɛ yi Sawúlu gɔ́n ɖo Giveya, bó ɖɔ n'i ɖɔ: “Davídi hɔn wá cí to mǐtɔn mɛ ɖo Holɛ́ca fí e è ma sixú kpé wǔ tɔn ɖe ǎ é, ɖo Hakila só ɔ́ jí, ɖo zunkan ɔ́ sín afɔligbé.

1 Samuwɛ́li 24:3

Ée Sawúlu se mɔ̌ ɔ́, é cyán súnnu glegbenu afɔwó-afatɔ́n donu atɔn (3.000) ɖo Izlayɛ́li to ɔ́ mɛ, bó jɛ Davídi kpó mɛ tɔn lɛ́ɛ kpó gbé mɛ, bó hun káká yi gbǎgbá gbě tɔn lɛ́ɛ sín awǐnnya lɛ́ɛ kɔn.

1 Samuwɛ́li 31:7

Izlayɛ́li ví e ɖo tɔdo Izleyɛ́li tɔn ɔ́ gúdo lɛ́ɛ kpó éé ɖo Judɛ́ɛn tɔ ɔ́ gúdo lɛ́ɛ kpó se ɖɔ ahwanfuntɔ́ Izlayɛ́li tɔn lɛ́ɛ hɔn, bó lɛ́ se ɖɔ Sawúlu kpó vǐ tɔn lɛ́ɛ kpó kú. Ée yě se mɔ̌ ɔ́, yě lɔmɔ̌ hɔn jó toxo yětɔn lɛ́ɛ dó, bó yi, bɔ Filisitɛ́ɛn lɛ́ɛ yi cí toxo lɛ́ɛ mɛ.

1 Samuwɛ́li 7:7

Filisitɛ́ɛn lɛ́ɛ se ɖɔ Izlayɛ́li ví lɛ́ɛ kplé ɖo Misipa, bɔ gǎn yětɔn lɛ́ɛ sɔ́ nǔ, bó ná wá tɔ́n ahwan Izlayɛ́li ví lɛ́ɛ. Ée Izlayɛ́li ví lɛ́ɛ se mɔ̌ ɔ́, xɛsi jɛ yě jí,