1 Samuwɛ́li 13:5 - MAWUXÓWÉMA

⁵ Filisitɛ́ɛn lɛ́ɛ kplé bó ná tɔ́n ahwan Izlayɛ́li. Yě ɖó ahwankɛkɛ́ví adɔ̌kpo ɖě děgba we afɔwó (30.000), bó ɖó sɔ́xátɔ́ děgba ɖě afɔwó (6.000). Ahwanfuntɔ́ e ɖo fínɛ́ lɛ́ɛ sukpɔ́, è sixú xa ǎ. Yě sukpɔ́ káká, bó cí kɔ́ e ɖo xutó é ɖɔhun, bɔ yě wá ɖó gɔnu ɖó Mikumasi, ɖo zǎnzǎnhwe jí ɖo Bɛti-Awɛni.

1 Samuwɛ́li 13:5 Iomraidhean Croise

Bǐbɛ́mɛ 22:17

un ná xo ɖɛ dó jǐ we, bɔ vǐ towe lɛ́ɛ ná sukpɔ́ sunví e ɖo jǐnukúnsin lɛ́ɛ ɖɔhun; yě ná sukpɔ́ nyɛ̌kɛ́n e ɖo xutó ɔ́ ɖɔhun. Lě e vǐ towe lɛ́ɛ ná sukpɔ́ gbɔn ɔ́ nɛ́. Vǐ towe lɛ́ɛ ná ɖu ɖo kɛntɔ́ yětɔn lɛ́ɛ jí.

2 Samuwɛ́li 17:11

Nǔ e nyɛ ná kplɔ́n we ɔ́ ɖíe: a nǎ dɔn sɔ́ja Izlayɛ́li tɔn lɛ́ɛ bǐ dó wǔ; a nǎ kplé yě sín Dan ɖo totaligbé káká wá Bɛ̌-Ceva ɖo tofɔligbé, bɔ yě ná sukpɔ́ nyɛ̌kɛ́n e ɖo xutó é ɖɔhun, bɔ hwi ɖésúnɔ ná nɔ ahwan ɔ́ nu.

1 Axɔ́sú 20:27

Akábu lɔ xa ahwanfuntɔ́ Izlayɛ́li tɔn lɛ́ɛ, lobo dó nǔɖuɖu gban nú yě, bɔ yě jɛ ali, bó ná yi kpé Silíinu lɛ́ɛ. Yě mǎ ahwangbɛ́ ɔ́ ɖó we, bó ɖó gɔnu ɖó Silíinu lɛ́ɛ nukɔn, bó cí gbɔ̌hwan kpɛví we ɖɔhun. Silíinu lɛ́ɛ ka sukpɔ́ káká bó gba kpé to ɔ́ bǐ mɛ.

2 Tan 1:9

Mawu Mavɔmavɔ, din ɔ́, ɖe akpá e a dǒ nú tɔ́ ce Davídi é, ɖó a sɔ́ mì axɔ́sú ɖó togun wɔ̌buwɔ́bú kɔ́gúdu ɖɔhun élɔ́ nu.

Ezayíi 10:28

Kɛntɔ́ ɔ́ sɛkpɔ́ Ayati. É gbɔn Miglɔni bó jó agban tɔn lɛ́ɛ dó nyi Mikumasi.

Ezayíi 48:19

Vǐ towe lɛ́ɛ ná sukpɔ́ wɔɖɔɖɔ xuta kɔ́ ɖɔhun, nyǐkɔ yětɔn ná ɖo nukɔn ce tɛgbɛ.”

Jelemíi 15:8

Asúkúsi towe lɛ́ɛ sukpɔ́ hú kɔ́ e ɖo xutó é. Hwemɛ cíɖíɖí wɛ awě xo nyɔ̌nu e ɖó vǐ wínnyáwínnyá bɔ yě yi ahwan fun gbe lɛ́ɛ. Un dó xɛsi ɖaxó ɖé yě ajijimɛ.

Ozée 10:5

Wǔ ná kú Samalíinu lɛ́ɛ ɖó siká nyibúví Bɛti-Awɛni tɔn lɛ́ɛ wú. Togun tɔn ná nɔ aluwɛ mɛ nú vodún ɔ́, bɔ xɛsi ná jɛ vodúnnɔ tɔn lɛ́ɛ jí, ɖó susu tɔn e ná gosín tɛ́ntin yětɔn ɔ́ wú.

Ozée 4:15

Óo! Izlayɛ́linu lɛ́ɛ mi! Mi fɔ́n bó ɖo aga lɛ wɛ. Amɔ̌, Judáanu lɛ́ɛ mi, mi ma hu hwɛ e yě hu ɔ́ ó. Mi ma yi Gilugalu ó, mi ma yi Bɛti-Awɛni ó, mi ma ka xwlé nǔ bó ɖɔ: “Mawu Mavɔmavɔ ɖo gbɛ” ó.

Ozée 5:8

“Mi kún lanzo ɖo Giveya, mi kún kpɛn ɖo Hlama! Mi sú xó ɖo Bɛti-Awɛni. Akɔta Bɛnjamɛ́ɛ tɔn, kpɔ́n gǔdo towe.

Hlɔ̌manu 9:27

Ezayíi ɔ́, éyɛ́ sú xó, bó ɖɔ dó Izlayɛ́li togun ɔ́ wú ɖɔ: “Ényí Izlayɛ́li ví na bo sukpɔ́ sɔ nyɛ̌kɛ́n e ɖo xutó ɔ́, mɛ kpɛɖé jɛ́n ná kpo ɖo yě mɛ bó ná mɔ hwlɛngán.

Jozuwée 11:4

Axɔ́sú lɛ́ɛ bǐ jɛ ali kpó ahwanfuntɔ́ maxamaxa kpó. Ahwanfuntɔ́ lɛ́ɛ sukpɔ́ kɔ́ e ɖo xutó é ɖɔhun. Yě hɛn sɔ́ gěgé kpódó kɛkɛ́ví gěgé kpó.

Jozuwée 18:12

Dogbó tɔn e ɖo taligbé ɔ́, bɛ́ sín Judɛ́ɛn tɔ ɔ́ tó, bó fán Jeliko só ɔ́ yi ɖó fí ɖé, ɖo taligbé, lobo gbɔn sókan mɛ dín ɖidó gbadahwe jí, bó hun káká yi gbětótló mɛ ɖo Bɛti-Awɛni.

Jozuwée 7:2

Jozuwée sɛ́ mɛ dó sín Jeliko ɖɔ yě ní yi Ayíi. Toxo énɛ́ ɔ́ ɖo zǎnzǎnhwe jí nú Betɛ́li ɖo Bɛti-Awɛni kpá. É ɖɔ nú yě ɖɔ yě ní yi kpɔ́n lě e toxo ɔ́ ɖe gbɔn ɔ́. Ée yě yi kpɔ́n toxo ɔ́,

Hwɛɖɔtɔ́ 7:12

Madiáani ví lɛ́ɛ kpó Amalɛ́ki ví lɛ́ɛ kpó, kpódó mɛ e gosín zǎnzǎnhwe jí lɛ́ɛ kpó gba kpé ayǐkúngban wɛnjɛ ɔ́ jí, bó sukpɔ́ ɖésú wɛn ɖɔhun. Lǎkúnmí yětɔn lɛ́ɛ nyí maxamaxa, xuta nyɛ́kɛ́n ɖɔhun.

1 Samuwɛ́li 13:11

Samuwɛ́li ka kanbyɔ́ ɛ ɖɔ: “Étɛ́ a ka bló nɛ́?” Bɔ é yí gbe n'i ɖɔ: “Ée hwenu e a ɖɔ dó é su bɔ a ma ɖo wǐwá wɛ ǎ, bɔ Filisitɛ́ɛn lɛ́ɛ ká ko kplé ɖo Mikumasi é ɔ́,

1 Samuwɛ́li 13:2

é cyán Izlayɛ́li ví afɔwó-afatɔ́n (3.000), bó bɛ́ yě mɛ afɔwó (2.000), bɔ é kpó yě kpó cí Mikumasi kpó Betɛ́li só ɔ́ kpó jí, bɔ yě mɛ afatɔ́n (1.000) kpó Jonatáan kpó cí Giveya ɖo Bɛnjamɛ́ɛ yíkúngban jí. Sawúlu nyi Izlayɛ́li ví e kpo lɛ́ɛ ɖɔ mɛ ɖokpó ɖokpó ní yi xwé tɔn gbe.

1 Samuwɛ́li 14:23

Lě e Mawu Mavɔmavɔ bló bɔ Izlayɛ́li ví lɛ́ɛ ɖu ɖ'é jí gbɔn ɔ́ nɛ́. Izlayɛ́li ví lɛ́ɛ fun ahwan ɔ́ káká bó zɛ Bɛti-Awɛni wú.

1 Samuwɛ́li 14:52

Sawúlu ɔ́, ɖo gbɛ hwenu tɔn bǐ ɔ́, é fun ahwan xá Filisitɛ́ɛn lɛ́ɛ káká. É nyí Sawúlu mɔ súnnu hlɔ̌nhlɔ́nnɔ akɔ́nkpantɔ́ ɖé ɔ́, é nɔ yí dó ahwan mɛ.

1 Samuwɛ́li 17:1

Filisitɛ́ɛn lɛ́ɛ kplé ahwangɔnu yětɔn lɛ́ɛ ɖo Soko ɖo Judáa yíkúngban jí, bó ná yi fun ahwan xá Izlayɛ́li ví lɛ́ɛ. Yě ɖǒ gɔnu ɖó Azeka kpó Soko kpó tɛ́ntin ɖo Efɛ́si-Damumímu.

1 Samuwɛ́li 7:13

Lě e Filisitɛ́ɛn lɛ́ɛ ɖu winnyá gbɔn é nɛ́. Énɛ́ ɔ́, yě sɔ́ wá Izlayɛ́li yíkúngban jí ɖě gbeɖé ǎ. Mawu Mavɔmavɔ sín alɔ jɛ Filisitɛ́ɛn lɛ́ɛ wú, bɔ é nɔ mɔ̌ káká yi jɛ hwenu e Samuwɛ́li kú é.