1 Samuwɛ́li 13:3 - MAWUXÓWÉMA

³ Jonatáan gba ahwankpá Filisitɛ́ɛn lɛ́ɛ tɔn e ɖo Gɛva é, bɔ Filisitɛ́ɛn lɛ́ɛ se. Sawúlu ɖɔ bɔ è kún lanzo gbɔn Izlayɛ́li to ɔ́ bǐ mɛ bónú Eblée lɛ́ɛ bǐ ná se nǔ e jɛ é.

1 Samuwɛ́li 13:3 Iomraidhean Croise

2 Samuwɛ́li 2:28

Ée Jowabu ɖɔ mɔ̌ ɔ́, é ɖɔ bɔ è kún lanzo, bɔ sɔ́ja tɔn lɛ́ɛ lɛ́ kɔ sín Izlayɛ́li ví lɛ́ɛ gúdo bó ɖó ahwan e fun wɛ yě ɖe ɔ́ te.

2 Samuwɛ́li 20:1

Nya nǔvɔ́nɔ ɖé ɖo Gilugalu fínɛ́, bó nɔ nyí Cɛ́va; Bɛnjamɛ́ɛnu wɛ, lobo nyí Bikli ví. É kún lanzo bo sú xó bó ɖɔ: “Mǐ ɖó xó ɖěbǔ xá Davídi ǎ, mǐ kpó Jɛsée ví nɛ́ kpó kpé dó nǔɖé ǎ lóóo! Izlayɛ́li ví e mi! Mɛ ɖokpó ɖokpó ní lɛ́ kɔ yi xwé tɔn gbe!”

2 Samuwɛ́li 23:14

Davídi ka ɖo fí e mɛɖé má sixú kpé wǔ tɔn ɖe ǎ é hwenɛ́nu, bɔ Filisitɛ́ɛn lɛ́ɛ sín gɔnu ɖokpó ɖo Bɛteleyɛ́mu.

Ezayíi 10:29

Sónufɛ́nu we tɛ́ntin wɛ é gbɔn dín, bó ɖɔ: “Mi wá mǐ ní ɖó gɔnu ɖó Gɛva.” Hlamanu lɛ́ɛ ɖi xɛsi bó nɔ́ sísɔ́. Mɛ e ɖo Giveya Sawúlu sín toxo ɔ́ mɛ lɛ́ɛ bǐ hɔn.

Zakalíi 14:10

To ɔ́ bǐ ná húzú, bó ná cí ayǐkúngban wɛnjɛ ɖɔhun sín Gɛva, ɖo totaligbé yi Hlimumɔ́ni, ɖo tofɔligbé. Jeluzalɛ́mu ná yi jǐ hú to e lɛ́ lɛ̌ dó e lɛ́ɛ, bó ná gbló sín Bɛnjamɛ́ɛ hɔn ɔ́ kɔn, káká yi fí e hɔn nukɔntɔn ɔ́ ɖe ɔ́, káká yi hɔn e ɖo zwe lɛ́ɛ mɛ ɔ́ kɔn, bó ná gosín Hananɛ́li sín síngbó ɔ́ kɔn, káká yi vɛ̌ɛnto axɔ́sú ɔ́ tɔn lɛ́ɛ kɔn.

Jozuwée 18:24

Kefáa-Amumɔna, Ɔfini kpó Gɛva kpó. É bló toxo wěwe, kpódó gletoxo e lɛ́ lɛ̌ dó yě lɛ́ɛ kpó.

Jozuwée 21:17

Toxo e è nǎ yě ɖo akɔta Bɛnjamɛ́ɛ tɔn ɔ́ sín ayǐkúngban jí lɛ́ɛ ɖíe: Gabawɔ́ɔn kpó Gɛva kpó, kpódó ayǐkúngban e lɛ́ lɛ̌ dó yě lɛ́ɛ kpó.

Hwɛɖɔtɔ́ 3:27

Ée é jɛ tɛn énɛ́ ɔ́ mɛ tlóló ɔ́, é kún lanzo ɖo Eflayímu sókan ɔ́ mɛ, bó ná sɛ Izlayɛ́li ví lɛ́ɛ kplé; ée yě wá ɔ́, é nɔ nukɔn nú yě bɔ yě jɛ te sín só ɔ́ jí.

Hwɛɖɔtɔ́ 6:34

Lo ɔ́, Yɛ Mawu Mavɔmavɔ tɔn wá ta nú Jedenyɔ́ɔ, bɔ é kún lanzo bó ylɔ́ mɛ e ɖo hɛ̌nnu Aviɛzɛ́ɛ tɔn mɛ lɛ́ɛ, nú yě ná xwedó e.

1 Samuwɛ́li 10:5

Énɛ́ gúdo ɔ́, a na wá Giveya-Eloyimu fí e ahwankpá Filisitɛ́ɛn lɛ́ɛ tɔn ɖokpó ɖe é. A ɖo toxo ɔ́ mɛ byɔ́ wɛ ɔ́, a nǎ kpé gbeyíɖɔ Mawu tɔn sín gbɛ̌ta ɖé; yě ná jɛ te sín só jí, bɔ agǐdigbo kpó hǔn kpó, kpete kpó kanhún kpó ná ɖo nukɔn nú yě, bɔ Yɛ Mawu tɔn ná wá ta yětɔn, bɔ yě ná ɖo xó e Mawu ɖɔ nú yě ɔ́ ɖɔ wɛ.

1 Samuwɛ́li 13:16

Sawúlu kpó vǐ tɔn Jonatáan ɔ́ kpó mɛ e kpó yě kpó ɖo yiyi wɛ lɛ́ɛ kpó ɖó gɔnu ɖó Gɛva ɖo Bɛnjamɛ́ɛ yíkúngban jí, bɔ Filisitɛ́ɛn lɛ́ɛ ká ɖó gɔnu ɖó Mikumasi.