1 Samuwɛ́li 13:2 - MAWUXÓWÉMA

² é cyán Izlayɛ́li ví afɔwó-afatɔ́n (3.000), bó bɛ́ yě mɛ afɔwó (2.000), bɔ é kpó yě kpó cí Mikumasi kpó Betɛ́li só ɔ́ kpó jí, bɔ yě mɛ afatɔ́n (1.000) kpó Jonatáan kpó cí Giveya ɖo Bɛnjamɛ́ɛ yíkúngban jí. Sawúlu nyi Izlayɛ́li ví e kpo lɛ́ɛ ɖɔ mɛ ɖokpó ɖokpó ní yi xwé tɔn gbe.

1 Samuwɛ́li 13:2 Iomraidhean Croise

2 Samuwɛ́li 20:1

Nya nǔvɔ́nɔ ɖé ɖo Gilugalu fínɛ́, bó nɔ nyí Cɛ́va; Bɛnjamɛ́ɛnu wɛ, lobo nyí Bikli ví. É kún lanzo bo sú xó bó ɖɔ: “Mǐ ɖó xó ɖěbǔ xá Davídi ǎ, mǐ kpó Jɛsée ví nɛ́ kpó kpé dó nǔɖé ǎ lóóo! Izlayɛ́li ví e mi! Mɛ ɖokpó ɖokpó ní lɛ́ kɔ yi xwé tɔn gbe!”

2 Samuwɛ́li 21:6

Mǐ jló ɖɔ è nǐ jó vǐ tɔn súnnu tɛ́nwe nú mǐ, bónú mǐ ná yi dó kan kɔ nú yě ɖo Mawu Mavɔmavɔ nukɔn ɖo Giveya, toxo e mɛ Sawúlu axɔ́sú e Mawu Mavɔmavɔ sɔ́ é nɔ é mɛ.” Bɔ axɔ́sú ɔ́ ɖɔ: “Un ná jó yě nú mi.”

2 Samuwɛ́li 23:29

Helɛ́vu Baana Nɛtofanu ɔ́ sín vǐ kpó Itayi Hlivayi ví e nɔ́ nɔ Bɛnjamɛ́ɛ ví lɛ́ɛ sín tomɛ ɖo Giveya é kpó ɖo yě mɛ,

Ɛsidlási 2:27

Gletoxo Mikumasi tɔn mɛ nu lɛ́ɛ: súnnu kantɔn-nukún-we (122).

Nɛɛmíi 11:31

Bɛnjamɛ́ɛ ví lɛ́ɛ sá xwé ɖó Gɛva, bó sá ɖó Mikumasi, bó sá ɖó Aya, bó sá ɖó Betɛ́li kpó gletoxo e lɛ́ lɛ̌ dó yě lɛ́ɛ kpó mɛ.

Jozuwée 18:28

Sela, Elɛ́fu, Jebuzinu e è nɔ lɛ́ ylɔ́ ɖɔ Jeluzalɛ́mu é; kpó Kiliyati-Yealimu kpó. É bló toxo wǒ-ɛnɛ, kpódó gletoxo e lɛ́ lɛ̌ dó yě lɛ́ɛ kpó. Akɔta Bɛnjamɛ́ɛ tɔn ɔ́ sín hɛ̌nnu lɛ́ɛ ɔ́, ayǐkúngban e nyí yětɔn lɛ́ɛ nɛ́.

Jozuwée 22:6

Énɛ́ ɔ́ gúdo ɔ́, Jozuwée xo ɖɛ dó yě jí, bó ɖɔ nú yě ɖɔ yě ní lɛ́ kɔ yi xwé, bɔ yě yi.

Hwɛɖɔtɔ́ 19:12

Gǎn tɔn ka yí gbe n'i ɖɔ: “Éeǒ! Mǐ ná yi toxo e mɛ mɛ e ma nyí togun Mawu tɔn ǎ lɛ́ɛ ɖe, bɔ Izlayɛ́li ví lɛ́ɛ ɖě ma ɖe ɔ́ ɖěbǔ mɛ ǎ. Mǐ ná hun káká yi Giveya.”

1 Samuwɛ́li 10:26

Sawúlu ɖésú ká yi xwé tɔn gbe ɖo Giveya, bɔ Mawu ɖɔ xó dó ayi mɛ nú mɛ e nyɔ́ ahwan fun ganjí lɛ́ɛ ɖě, bɔ yě kplá ɛ hɛn yi.

1 Samuwɛ́li 10:5

Énɛ́ gúdo ɔ́, a na wá Giveya-Eloyimu fí e ahwankpá Filisitɛ́ɛn lɛ́ɛ tɔn ɖokpó ɖe é. A ɖo toxo ɔ́ mɛ byɔ́ wɛ ɔ́, a nǎ kpé gbeyíɖɔ Mawu tɔn sín gbɛ̌ta ɖé; yě ná jɛ te sín só jí, bɔ agǐdigbo kpó hǔn kpó, kpete kpó kanhún kpó ná ɖo nukɔn nú yě, bɔ Yɛ Mawu tɔn ná wá ta yětɔn, bɔ yě ná ɖo xó e Mawu ɖɔ nú yě ɔ́ ɖɔ wɛ.

1 Samuwɛ́li 13:1

Xwe gban (30) wɛ Sawúlu ɖó bó yi axɔ́súzinkpo Izlayɛ́li tɔn jí. Hwenu e é ɖo xwe we bló wɛ ɖo zinkpo jí ɔ́,

1 Samuwɛ́li 13:11

Samuwɛ́li ka kanbyɔ́ ɛ ɖɔ: “Étɛ́ a ka bló nɛ́?” Bɔ é yí gbe n'i ɖɔ: “Ée hwenu e a ɖɔ dó é su bɔ a ma ɖo wǐwá wɛ ǎ, bɔ Filisitɛ́ɛn lɛ́ɛ ká ko kplé ɖo Mikumasi é ɔ́,

1 Samuwɛ́li 13:15

Énɛ́ ɔ́ gúdo ɔ́, Samuwɛ́li gosín Gilugalu bo yi Giveya ɖo Bɛnjamɛ́ɛ yíkúngban jí. Sawúlu ka kpɔ́n mɛ e kpo ɖo gɔ̌n tɔn fínɛ́ lɛ́ɛ. Yě yi nǔwɔntɔn (600) mɔ̌.

1 Samuwɛ́li 13:16

Sawúlu kpó vǐ tɔn Jonatáan ɔ́ kpó mɛ e kpó yě kpó ɖo yiyi wɛ lɛ́ɛ kpó ɖó gɔnu ɖó Gɛva ɖo Bɛnjamɛ́ɛ yíkúngban jí, bɔ Filisitɛ́ɛn lɛ́ɛ ká ɖó gɔnu ɖó Mikumasi.

1 Samuwɛ́li 13:23

Ahwanfuntɔ́ Filisitɛ́ɛn lɛ́ɛ tɔn sín gbɛ̌ta ɖokpó yi tɔwu ɖó Mikumasi só vla mɛ, ɖo aga.

1 Samuwɛ́li 13:5

Filisitɛ́ɛn lɛ́ɛ kplé bó ná tɔ́n ahwan Izlayɛ́li. Yě ɖó ahwankɛkɛ́ví adɔ̌kpo ɖě děgba we afɔwó (30.000), bó ɖó sɔ́xátɔ́ děgba ɖě afɔwó (6.000). Ahwanfuntɔ́ e ɖo fínɛ́ lɛ́ɛ sukpɔ́, è sixú xa ǎ. Yě sukpɔ́ káká, bó cí kɔ́ e ɖo xutó é ɖɔhun, bɔ yě wá ɖó gɔnu ɖó Mikumasi, ɖo zǎnzǎnhwe jí ɖo Bɛti-Awɛni.

1 Samuwɛ́li 14:31

Gbe énɛ́ gbe ɔ́, Izlayɛ́li ví lɛ́ɛ ɖu ɖo Filisitɛ́ɛn lɛ́ɛ jí, bó nya yě sín Mikumasi káká yi Ayalɔ́ni, bɔ nǔ cikɔ nú Izlayɛ́li ví lɛ́ɛ ɖésú.

1 Samuwɛ́li 14:5

Sónuvínu ɖokpó ɖo totaligbé ɖo Mikumasi nukɔn, bɔ wegɔ́ ɔ́ ɖo tofɔligbé ɖo Gɛva nukɔn.

1 Samuwɛ́li 14:52

Sawúlu ɔ́, ɖo gbɛ hwenu tɔn bǐ ɔ́, é fun ahwan xá Filisitɛ́ɛn lɛ́ɛ káká. É nyí Sawúlu mɔ súnnu hlɔ̌nhlɔ́nnɔ akɔ́nkpantɔ́ ɖé ɔ́, é nɔ yí dó ahwan mɛ.

1 Samuwɛ́li 15:34

Énɛ́ ɔ́ gúdo ɔ́, Samuwɛ́li lɛ́ kɔ yi Hlama, bɔ Sawúlu lɔ yi xwé tɔn gbe ɖo Giveya.

1 Samuwɛ́li 24:3

Ée Sawúlu se mɔ̌ ɔ́, é cyán súnnu glegbenu afɔwó-afatɔ́n donu atɔn (3.000) ɖo Izlayɛ́li to ɔ́ mɛ, bó jɛ Davídi kpó mɛ tɔn lɛ́ɛ kpó gbé mɛ, bó hun káká yi gbǎgbá gbě tɔn lɛ́ɛ sín awǐnnya lɛ́ɛ kɔn.

1 Samuwɛ́li 26:2

Ée Sawúlu se mɔ̌ ɔ́, é kplá ahwanfuntɔ́ syɛ́nsyɛ́n afɔwó-afatɔ́n (3.000) sín Izlayɛ́li, bɔ yě yi gbětótló Zifu tɔn mɛ, bó ɖo Davídi ba wɛ.

1 Samuwɛ́li 8:11

“Axɔ́sú e ná ɖu gǎn ɖo mi nu ɔ́, lě e é ná kpa acɛ nú mi gbɔn ɔ́ ɖíe: é ná fɔ vǐ súnnu mitɔn lɛ́ɛ, bɔ yě ná nɔ́ kun kɛkɛ́ví n'i, bó ná fɔ sɔ́xátɔ́ mitɔn lɛ́ɛ, bɔ yě ná nɔ xá sɔ́ tɔn lɛ́ɛ, abǐ yě ná nɔ dó wezun ɖo kɛkɛ́ví é ɖésúnɔ tɔn nukɔn.