1 Samuwɛ́li 12:3 - MAWUXÓWÉMA

³ Nyi ɖíe! Ényí un wa nǔɖé nyi do nú mɛɖé hǔn, mi ɖɔ ɖo Mawu Mavɔmavɔ kpó axɔ́sú e é sɔ́ ɔ́ kpó nukɔn din: un yí nyibú mɛɖé tɔn a? Un yí tócí mɛɖé tɔn a? Mɛ̌ un ka táfú kpɔ́n? Mɛ̌ un dó tagba ná kpɔ́n? Mɛ̌ sí un yí nǔ ɖu ɖe bo nɔ jǐ tɔn kpɔ́n? Mɛ ɔ́ ní ɖɔ nú má sú axɔ́ tɔn ɛ.”

1 Samuwɛ́li 12:3 Iomraidhean Croise

2 Samuwɛ́li 22:22

Un wa nǔ e Mawu Mavɔmavɔ ɖɔ nú mì lɛ́ɛ; un wa nǔɖé nyi do nú Mawu ce ǎ.

Nɛɛmíi 5:11

Mɛ e ɖu axɔ́ dó mi lɛ́ɛ ɔ́, mi sɔ́ gle yětɔn, vǐwungbo yětɔn, olívugbo yětɔn kpó xwé yětɔn kpó jó nú yě égbé din, vǐ e akwɛ́ e mi nya nú yě ɔ́ ná ji ɔ́, vǐ e jinukún e mi nya nú yě ɔ́ ná ji ɔ́, vǐ e vɛ̌ɛn abǐ ami e mi nya nú yě ɔ́ ná ji ɔ́, mi jó bǐ dó nú yě.

Ɖɛhan 15:5

É nɔ sa akwɛ́ ǎ. É nɔ́ ɖu nǔ ɖo nǔ mɛ dó táfú xomɛvɔ́nɔ ǎ. Mɛ e nɔ wa nǔ gbɔn mɔ̌ ɔ́ ná jɛ ayǐ gbeɖé ǎ.

Tíntɔ́n 20:17

Nukún towe ma nɔ nɔzo towe sín xwé wú ó; nukún towe má nɔ asi tɔn wú ó; nukún towe má nɔ mɛsɛntɔ́ tɔn súnnu wú ó; nukún towe má nɔ mɛsɛntɔ́ tɔn nyɔ̌nu wú ó; nukún towe má nɔ nyibú tɔn wú ó; nukún towe má nɔ tócí tɔn wú ó; nukún towe má nɔ nǔ e nyí étɔn lɛ́ɛ ɖěbǔ wú ó.”

Tíntɔ́n 22:4

Mawu ɖɔ: “Mǐ ní ɖɔ mɛ ɖé jó kanlin tɔn lɛ́ɛ dó, bɔ yě yi ɖu nǔ ɖo mɛ ɖě ɔ́ sín gle mɛ abǐ vǐwungbo tɔn mɛ, bó hɛn nǔ tɔn lɛ́ɛ gblé; nú nǔ nyí mɔ̌ ɔ́, kanlinnɔ ɔ́ ɖó ná sɔ́ nǔkún e nyɔ́ hú ɖě lɛ́ɛ bǐ ɖo gle tɔn mɛ abǐ vǐwungbo tɔn mɛ lɛ́ɛ dó sú nǔ e kanlin lɛ́ɛ hɛn gblé lɛ́ɛ sín axɔ́.

Tíntɔ́n 23:8

Ma ɖu kpa ó, ɖó nú è ɖu kpa ɔ́, nukún mɛtɔn nɔ ɖo te có è nɔ tɔ́n nukún. Kpaɖuɖu ɔ́, xó gblégblé wɛ é nɔ́ sɔ́ dó nu mɛ nú mɛ e nɔ ɖɔ nǔgbó é.

Nǔnywɛ́xó 15:27

Mɛ e nɔ gba acɛ dó ɖó akwɛ́ ɔ́, xwé é ɖésúnɔ tɔn wɛ é nɔ́ dɔn dó ya mɛ. Mɛ e ka gbɛ́ wǎn nú nǔ ɖu ɖo nǔ mɛ é ná dɔ́ ji.

Levíi ví 6:4

Énɛ́ ɔ́ gúdo ɔ́, é ná ɖe awu tɔn lɛ́ɛ, bó ná dó ɖěvo lɛ́ɛ, bó ná ɖe afín ɔ́ sín fí e yě ɖó gɔnu ɖó é, bó sɔ́ ɖó tɛn mímɛ́ ɖé mɛ.

Levíi ví 6:5

Myɔ ɔ́ ná ɖo jiji wɛ ɖo vɔ̌sákpe ɔ́ jí; é ɖó ná cí ǎ. Zǎnzǎn tɛgbɛ lɛ́ɛ bǐ ɔ́, vɔ̌sánú-xwlémawutɔ́ ɔ́ ná nɔ́ to nakí d'é mɛ, bó ná nɔ́ to vɔ̌ e è nɔ dó zo lɛ́ɛ d'é jí, lobo ná dó kanlin e è dǒ sá kɔnɖókpɔ́ vɔ́ lɛ́ɛ sín jǒ lɛ́ɛ zo.

Kɛ́nsísɔ́ 16:15

Ée Mɔyízi se mɔ̌ ɔ́, xomɛ sin i ɖésú. É ɖɔ nú Mawu Mavɔmavɔ ɖɔ: “Ma yí nǔníná yětɔn ó; un yí nǔ ɖěbǔ ɖo yě sí kpɔ́n gbeɖé ǎ; un tlɛ yí tócí vɔ́vɔ́ ɖo yě sí ǎ, un ka wa nǔ nyi do nú mɛɖé ɖo yě mɛ gbeɖé kpɔ́n ǎ.”

Matíe 22:21

Yě yí gbe n'i ɖɔ: “Dadá Hlɔ̌ma tɔn tɔn wɛ.” Jezu ka ɖɔ nú yě ɖɔ: “Mi bo sɔ́ nǔ e nyí Dadá Hlɔ̌ma tɔn tɔn ɔ́ jó nú Dadá Hlɔ̌ma tɔn, bó sɔ́ nǔ e nyí Mawu tɔn ɔ́ jó nú Mawu.”

Luki 19:8

Zacée ka sí te ɖo Aklúnɔ nukɔn, bó ɖɔ n'i ɖɔ: “Aklúnɔ! Un ná ná dɔkun ce sín vlɔ̌ɖówe wamamɔnɔ lɛ́ɛ, bónú un ka hízí mɛɖé ɔ́, un ná sú mɔ̌hunkɔtɔn donu ɛnɛ mɛ ɔ́.”

Mɛsɛ́dó 20:33

Nukún ce ɖo mɛɖé sín akwɛ́ wú ǎ; é ka ɖo mɛɖé sín siká wú ǎ; é ka lɛ́ ɖo mɛɖé sín avɔ wú ǎ.

2 Kɔlɛ́ntinu 12:14

Nyɛ ɖíe ko lɛ́ ɖo gbesisɔ mɛ bó ja gɔ̌n mitɔn azɔn atɔngɔ́ e, un ka ná lɛ́ nyí agban bo kpɛn mi ǎ; mi ba wɛ un ɖe; akwɛ́ mitɔn ba wɛ un ɖe ǎ. Nǔgbó ɔ́, é nyí vǐ lɛ́ɛ wɛ ná sɔ́ nǔ e yě ɖǒ lɛ́ɛ dó tɔ́jú mɛjitɔ́ yětɔn lɛ́ɛ ná ǎ; lo ɔ́, mɛjitɔ́ lɛ́ɛ wɛ ná sɔ́ nǔ e yě ɖó lɛ́ɛ dó tɔ́jú vǐ yětɔn lɛ́ɛ ná.

Sɛ́nflínmɛ 16:19

Mi ma táfú mɛ ɖo hwɛ nukɔn ó, mi ma kpɔ́n mɛ nukúnta dó ɖɔ hwɛ ó, mi ma yí nǔ ɖu bó dó hwɛ agɔ ó, ɖó nǔ ɖu ɖo nǔ mɛ nɔ́ tɔ́n nukún nǔnywɛ́tɔ́ lɛ́ɛ, bɔ mɛ e hwɛ tɔn nyɔ́ é nɔ́ kú hwɛ.

1 Tɛsalonikinu 2:10

Mi ná ɖe kúnnu ná, bɔ Mawu lɔmɔ̌ ná ɖe kúnnu ná ɖɔ gbɛ mímɛ́, gbɛ jlɔ́jlɔ́, gbɛ e mɛɖé ma ná mɔ nǔjɛdo ɖé ɖɔ d'é wú ǎ ɔ́ wɛ mǐ zán ɖo tɛ́ntin mitɔn.

1 Tɛsalonikinu 2:5

Mi tunwun ganjí ɖɔ mǐ kún ɖɔ xó ɖé dó klɔ́ mɛ ná gbeɖé ó; é kún ka nyí nǔɖé ba ɖo mi sí wɛ mǐ ɖe, bó ɖo Wɛn Ɖagbe ɔ́ jlá mi wɛ ó; Mawu ɖésú ná ɖe kúnnu ná.

1 Piyɛ́ɛ 5:2

mi kpé nukún dó mɛ e Mawu sɔ́ dó así nú mi lɛ́ɛ wú, lě e lɛ̌ngbɔ́nyitɔ́ lɛ́ɛ nɔ kpé nukún dó lɛ̌ngbɔ́ e è sɔ́ dó así nú yě lɛ́ɛ wú gbɔn é; mi sɔ́ jlǒ ɖagbe dó kpé nukún dó yě wú lě e Mawu jló gbɔn é; ní ma nyí gǎn wɛ é hú mi bɔ mi bló ó. Mi wa azɔ̌ mitɔn kpódó bǐbí ɖó dó nǔ wǔ kpán; ní ma nyí akwɛ́ wɛ mi xwedó ó.

1 Samuwɛ́li 10:1

Ée Sawúlu nɔ te ɔ́, Samuwɛ́li sɔ́ ami goví ɖokpó bó kɔn dó ta nú Sawúlu, bó kplá así kɔ n'i, bó ɖɔ: “Mawu Mavɔmavɔ ɖésú wɛ kɔn ami dó ta nú we, bó sɔ́ we axɔ́sú ɖó togun tɔn nu.

1 Samuwɛ́li 12:4

Bɔ yě bǐ yí gbe n'i ɖɔ: “A táfú mɛɖé gbeɖé ǎ, a ka dó tagba nú mǐ ɖě gbeɖé kpɔ́n ǎ, a ka yí nǔ ɖu ɖo mɛɖé sí gbeɖé kpɔ́n ǎ.”

1 Samuwɛ́li 12:5

Bɔ Samuwɛ́li lɛ́ ɖɔ nú yě ɖɔ: “Hǔn Mawu Mavɔmavɔ kpó axɔ́sú e é sɔ́ ɔ́ kpó nyí kúnnuɖetɔ́ égbé din ɖɔ mi kún mɔ nǔɖé ɖɔ dó wǔ ce ó.” Bɔ yě yí gbe n'i ɖɔ: “Ɛɛn mǐ yí gbe.”

1 Samuwɛ́li 2:35

Un ka ná sɔ́ vɔ̌sánú-xwlémawutɔ́ ɖěvo, bɔ é ná nɔ gbejí, bó ná nɔ́ wa nǔ lě e un jló gbɔn é. Un ná bló bɔ xwédo tɔn ná lí dǒ, bɔ é ná nɔ́ wa vɔ̌sánú-xwlémawutɔ́zɔ́ tɛgbɛ ɖo axɔ́sú e un ná sɔ́ ɔ́ kpá.

1 Samuwɛ́li 24:11

Mɛ ɖésú mɔ din kpó nukún mɛtɔn kpó ɖɔ Mawu Mavɔmavɔ jó mɛ nú mì égbé ɖo sónu élɔ́ mɛ, bɔ è kplɔ́n nǔ mì ɖɔ má hu mɛ. Lo ɔ́, un gbɛ́, ɖó un jló ná hu Sɛ́mɛɖó ce ǎ, ɖó Mawu Mavɔmavɔ wɛ sɔ́ mɛ axɔ́sú.

1 Samuwɛ́li 24:6

Ée é bló mɔ̌ ɔ́, ayi tɔn jɛ hun xo xá ɛ jí, ɖó Sawúlu sín awu e é kán ɔ́ wú.

1 Samuwɛ́li 24:7

Bɔ é ɖɔ nú mɛ tɔn lɛ́ɛ ɖɔ: “Mawu Mavɔmavɔ ní má lɔn nú un hu Sɛ́mɛɖó ce, axɔ́sú e Mawu Mavɔmavɔ sɔ́ ɔ́ ó; un ma sɔ́ alɔ ce bo dó wa nǔ mɔ̌hun ná ó, ɖó Mawu Mavɔmavɔ wɛ ɖe e ɖó vo.”

1 Samuwɛ́li 26:11

Mawu má lɔn nú un hu mɛ e Mawu Mavɔmavɔ sɔ́ axɔ́sú é ó. Mǐ ní sɔ́ hwǎn e ɖo ta tɔn ligbé é, bó sɔ́ anyǔglo e mɛ sin ɖe é, bó ná yi.”

1 Samuwɛ́li 26:9

Lo ɔ́, Davídi ɖɔ nú Avicáyi ɖɔ: “Ma hu i ó. Ényí mǐ hu axɔ́sú e Mawu Mavɔmavɔ sɔ́ ɔ́, Mawu Mavɔmavɔ ná gɔn tó tɔn dɔn nú mǐ wɛ a vɛdó a?”